Road Accident: గుంటూరులో ఘోర రోడ్డు ప్రమాదం జరిగింది. నల్లపాడు పోలీస్ స్టేషన్ పరిధిలోని అంకిరెడ్డిపాలెం వద్ద రోడ్డు పక్కన ఆగి ఉన్న కారును ఒక ప్రైవేట్ ట్రావెల్స్ బస్సు అతివేగంతో వచ్చి వెనుక నుండి బలంగా ఢీకొట్టింది. ఈ ప్రమాదం జరిగిన సమయంలో కారులో ఆరుగురు ప్రయాణికులు ఉన్నట్లు తెలుస్తోంది. బస్సు వేగానికి కారు పూర్తిగా నుజ్జునుజ్జు అయింది. అంతేకాకుండా కారులో ప్రయాణిస్తున్న ముగ్గురు వ్యక్తులు తీవ్ర గాయాలపాలై అక్కడికక్కడే ప్రాణాలు కోల్పోయారు.
ప్రమాద సమాచారం అందిన వెంటనే స్థానికులు, పోలీసులు సహాయక చర్యలు చేపట్టారు. మృతులంతా తెలంగాణలోని సూర్యాపేట జిల్లాకు చెందిన వారిగా పోలీసులు గుర్తించారు. కారులో చిక్కుకున్న మిగిలిన ముగ్గురు ప్రయాణికులు తీవ్రంగా గాయపడటంతో, వారిని చికిత్స నిమిత్తం సమీపంలోని ఆసుపత్రికి తరలించారు. ప్రస్తుతం వారి పరిస్థితి విషమంగా ఉన్నట్లు సమాచారం. బస్సు డ్రైవర్ అజాగ్రత్త లేదా నిద్రమత్తు కారణంగానే ఈ ప్రమాదం జరిగి ఉండవచ్చని పోలీసులు అంచనా వేస్తున్నారు.
Also Read: ఏపీ విద్యార్థులకు సంక్రాంతి సెలవులు ఖరారు.. ఎప్పటినుంచంటే!
అలాగే నల్లపాడు పోలీసులు ఘటనా స్థలానికి చేరుకుని మృతదేహాలను పోస్ట్మార్టం నిమిత్తం ప్రభుత్వ ఆసుపత్రికి తరలించారు. ప్రమాదం జరిగిన తీరుపై కేసు నమోదు చేసిన పోలీసులు, ప్రమాదానికి గల ఖచ్చితమైన కారణాలపై దర్యాప్తు ప్రారంభించారు. హైవేపై వాహనాలు నిలిపేటప్పుడు తగిన జాగ్రత్తలు తీసుకోకపోవడం లేదా వెనుక నుంచి వచ్చే వాహనాల వేగాన్ని అంచనా వేయలేకపోవడం వల్ల ఇలాంటి దారుణాలు జరుగుతున్నాయని అధికారులు హెచ్చరిస్తున్నారు.
Share
IT Manager Gangraped: బర్త్ డే పార్టీ ఆ తర్వాత కారులో.. ఐటీ మేనేజర్పై గ్యాంగ్రేప్, వారి పనేనా?
War 2 : వార్ 2 నష్టాలు.. 18 కోట్లు రిటర్న్ పై ఓపెన్ అయిన నిర్మాత..
