Husband Killed Wife: షాకింగ్ ఘటన.. చంపినా వారితో ఉంటా, భార్యని చంపేసి ఆ తర్వాత..

Husband Killed Wife: వివాహమైన నాలుగు నెలలకు భార్యని అనుమానించాడు. వివాహేతర సంబంధం ఉందంటూ భావించాడు. చివరకు పెనుభూతంగా మారింది.ఆ అనుమానంతో భార్య గొంతు కోసి చంపాడు. ఆ తర్వాత పోలీస్ స్టేషన్‌కి వెళ్లి లొంగిపోయాడు. సంచలనం రేపిన ఈ ఘటన యూపీలోని కాన్పూర్ లో వెలుగు చూసింది. అసలేం జరిగింది? ఇంకాస్త డీటేల్స్‌లోకి వెళ్తే..

కాన్పూర్‌లో షాకింగ్ ఘటన

ఫతేహ్‌పూర్ జిల్లా మోహన్‌పూర్ గ్రామానికి చెందిన సచిన్ సింగ్ భదౌరియా వయస్సు 24 ఏళ్లు. అతడు 22 ఏళ్ల శ్వేతసింగ్‌ని ప్రేమించాడు. ఇద్దరు పెళ్లి చేసుకోవాలని డిసైడ్ అయ్యారు. కాకపోతే అందుకు ఇరువురు0 కుటుంబ సభ్యులు ఏ మాత్రం అంగీకరించలేదు. నేరుగా కోర్టుకి వివాహం చేసుకున్నారు. వివాహం తర్వాత తొలుత సూరత్‌లో ఉండేవారు.

కొద్దిరోజుల తర్వాత ఆ దంపతులు కాన్పూర్‌కి మకాం మార్చారు. సచిన్ ఆటో నడుపుతూ జీవనం సాగించేవాడు. సరదాగా సాగుతున్న సంసారంలో ఒక్కసారిగా కలతలు మొదలయ్యాయి. భార్య ప్రవర్తనపై సచిన్‌కు అనుమానం మొదలైంది. శ్వేత బ్యాంకు ఖాతాలో డబ్బు జమకావడంపై అనుమానం వచ్చింది. ఆ తర్వాత ఆమెని నిలదీశాడు.

చంపినా వారితో ఉంటా.. భార్యని చంపిన భర్త

తన అమ్మమ్మ పంపిందని తెలిపింది. సచిన్ దంపతులున్న ఎదురింట్లో ఉండే యువకులపై అనుమానం కలిగింది. ఆ తర్వాత పెనుభూతంగా మారింది. భార్య ప్రవర్తన గమనించడానికి ఓ స్కెచ్ వేశాడు. స్నేహితులతో పార్టీకి వెళ్తున్నానని భార్యకి చెప్పాడు సచిన్. అనుకోకుండా తిరిగి వచ్చి గది తలుపు తెరిచి చూసేసరికి భార్యతోపాటు ఇద్దరు యువకులు కనిపించడంతో ఒక్కసారిగా షాకయ్యాడు.

ఈ క్రమంలో దంపతుల మధ్య గొడవ జరిగింది. స్థానికులు పోలీసులకు ఫోన్ చేయడంతో దంపతులను తీసుకెళ్లి కౌన్సెలింగ్ ఇచ్చి పంపించాడు. ఆ తర్వాత సచిన్‌-భార్యకు మధ్య తారాస్థాయికి చేరింది. తనను చంపినా ఆ యువకులతో ఉంటానని శ్వేత, తన భర్తను బెదిరించినట్టు తెలిసింది. దీన్ని తట్టుకోలేక పోయిన సచిన్, ఆగ్రహంతో భార్య గొంతు నులిమి చంపేశాడు. ఆ తర్వాత నాలుగు గంటల పాటు కాన్పూర్ సిటీలోని తిరిగాడు.

ALSO READ: విద్యుత్ స్థంభాన్ని ఢీ కొట్టిన కారు, ఆ తర్వాత యువకులు పైలోకానికి

పారిపోవాలని భావించినప్పటికీ ఎవరూ లేకపోవడంతో లొంగిపోవాలని డిసైడ్ అయ్యాడు. అతడ్ని అదుపులోకి తీసుకున్న పోలీసులు, ఘటనా స్థలానికి వెళ్లి శ్వేత మృతదేహాన్ని స్వాధీనం చేసుకుని పోస్టుమార్టం కోసం తరలించారు. తాము ఒకరి నొకరు మాత్రమే ఉన్నామని, పారిపోయి పెళ్లి చేసుకున్నామని తెలిపాడు. మాకు ఎవరూ లేరని, అందుకే స్టేషన్‌కి వచ్చి లొంగిపోయానని తెలిపాడు. ఈ ఘటనపై శ్వేత కుటుంబసభ్యులకు పోలీసులు సమాచారం ఇచ్చారు. వారి నుంచి ఫిర్యాదు ఆధారంగా తదుపరి చర్యలు తీసుకుంటామని పోలీసు అధికారి తెలిపారు.