Hyderabad: స్వేచ్ఛ బ్యూరో: హైదరాబాద్ కవాడీగూడలో అత్యంత దారుణమైన సంఘటన జరిగింది. కట్టుకున్న భార్యను ఓ భర్త కంటిముందే కత్తితో పొడిచి కిరాతకంగా చంపేశాడు. నడిరోడ్డుపై కాకుండా, ఆమె పని చేసే ఆఫీస్లో అందరూ చూస్తుండగానే ఈ ఘాతుకానికి ఒడిగట్టాడు. ఈ దారుణ ఘటన స్థానికంగా తీవ్ర సంచలనం సృష్టించింది.
పోలీసులు తెలిపిన వివరాల ప్రకారం.. పాతబస్తీ కిషన్బాగ్కు చెందిన బంగి దేబోరా అనే మహిళ కవాడీగూడలోని రత్నదీప్ భవనంలో ఉన్న ఒక స్పా సెంటర్లో బ్యూటిషియన్గా ఉద్యోగం చేస్తోంది. అయితే, గత కొంతకాలంగా ఈ దంపతుల మధ్య ఏదో ఒక విషయంలో మనస్పర్థలు, గొడవలు జరుగుతున్నాయి. ఎప్పటిలాగే మంగళవారం ఉదయం కూడా ఇంట్లో ఇద్దరి మధ్య తీవ్రస్థాయిలో ఘర్షణ జరిగింది. ఆ గొడవ తర్వాత దేబోరా ఎప్పటిలాగే మనస్తాపంతోనే తన స్పా సెంటర్కు డ్యూటీకి వచ్చేసింది.
కానీ, భార్యపై కక్ష పెంచుకున్న భర్త ఆమెను వదిలిపెట్టాలనుకోలేదు. దేబోరా ఆఫీస్కు వెళ్లిన కొద్దిసేపటికే అతను కూడా కవాడీగూడకు చేరుకున్నాడు. నేరుగా నాలుగో అంతస్తులో ఉన్న స్పా సెంటర్లోకి దూసుకెళ్లాడు. అక్కడ భార్యను చూసి మళ్లీ గొడవకు దిగాడు. మాట మాట పెరగడంతో ఒక్కసారిగా కోపంతో ఊగిపోయిన అతను, తనతో పాటు వెంట తెచ్చుకున్న పదునైన కత్తిని తీసి దేబోరాపై విచక్షణారహితంగా దాడి చేశాడు. ఆమె శరీరంపై పిచ్చిపిచ్చిగా పొడవడంతో, తీవ్ర రక్తస్రావమై దేబోరా అక్కడికక్కడే ప్రాణాలు విడిచింది.
ఈ ఘాతుకానికి పాల్పడిన అనంతరం నిందితుడు అక్కడి నుంచి పరారయ్యాడు. ఆ తర్వాత నేరుగా అత్తాపూర్ పోలీస్ స్టేషన్కు వెళ్లి పోలీసుల ఎదుట లొంగిపోయాడు. సమాచారం అందుకున్న గాంధీనగర్ పోలీసులు ఘటనా స్థలానికి చేరుకుని మృతదేహాన్ని స్వాధీనం చేసుకున్నారు. ప్రస్తుతం ఈ కేసును గాంధీనగర్ పోలీసులు ఆధీనంలోకి తీసుకుని, అసలు హత్యకు గల పూర్తి కారణాలపై దర్యాప్తు చేస్తున్నారు.
Also Read: హైదరాబాద్లో ఆర్టీసీ కార్మికుల భారీ ర్యాలీ.. ప్రభుత్వానికి సీపీఐ గట్టి హెచ్చరిక
Share
విద్యార్థులుకు ‘యాపిల్’ అదిరి పోయే ఆఫర్.. ఇది మళ్ళీ మళ్ళీ రాదు..
కాలేజ్ బ్యాక్డ్రాప్ లో క్రైమ్ థ్రిల్లర్... ఎట్టకేలకు ఓటీటీ ఎంట్రీకి సిద్ధం
