Kala Bhairava Pooja: నవంబర్ 22 న కాలభైరవ పూజ చేస్తే.. నరదిష్టి మాయం

Kala Bhairava Pooja: ప్రతి సంవత్సరం కార్తీక మాసంలోని కృష్ణ పక్ష అష్టమి తిథి నాడు కాల భైరవ జయంతి జరుపుకుంటారు. మార్గశీర్ష మాసంలోని శుక్ల పక్ష అష్టమి తిథి నవంబర్ 22న సాయంత్రం 6:07 గంటలకు ప్రారంభమై మరుసటి రోజు 23 నవంబర్ 2024 రాత్రి 7:56 గంటలకు ముగుస్తుంది.

కాల భైరవుడు భూత సంఘ నాయకుడిగా వర్ణించబడ్డాడు. పంచభూతాలకు ప్రభువు, అంటే భూమి, అగ్ని, నీరు, గాలి , ఆకాశాలకు అధిపతి. కాలభైరవుడు జీవితంలో కోరుకున్న శ్రేష్ఠతను, జ్ఞానాన్ని అందించేవాడు. కాలభైరవుని దర్శనం వల్ల అహం, అధర్మం , అన్యాయం ఖచ్చితంగా అంతం అవుతాయని నమ్ముతారు.

మత విశ్వాసాల ప్రకారం, కాలభైరవ జయంతి రోజున ప్రతి వ్యక్తి నల్ల కుక్కకు తీపి రొట్టెలు తినిపించాలి. ఇలా చేయడం ద్వారా జీవితంలో పురోగతి పొందుతాడు. అంతే కాకుండా కాల భైరవుడిని ప్రసన్నం చేసుకోవడానికి పాటించాల్సిన ఇతర మార్గాలను గురించి ఇప్పుడు తెలుసుకుందాం.

కాల భైరవుడిని ప్రసన్నం చేసుకునే మార్గం : 

– గృహ జీవితంలో నివసించే వ్యక్తులు రాజసిక్ సిద్ధి యోగంతో కాల భైరవుడిని పూజించాలి. కాలభైరవుడిని ఆరాధించడం ద్వారా జీవితంలో అన్ని ప్రతికూల శక్తులు తొలగిపోతాయి. పూజ సమయంలో భైరవాష్టకం పఠించండి. ఇలా చేయడం చాలా శ్రేయస్కరం.

– కాలభైరవుడిని ప్రసన్నం చేసుకోవడానికి, ఆవనూనెలో ఉరద్ పకోడాలను వేయించి, ప్రతి శనివారం నల్ల కుక్కకు తినిపించండి. ఈ పరిహారం చేయడం ద్వారా భైరవుని ఆశీస్సులు మీపై ఉంటాయి. ఇదే కాకుండా కాల భైరవుడికి జలేబీ, ఇమర్తి లేదా మాల్పువా కూడా సమర్పించవచ్చు.

తంత్ర , సాధన పద్ధతిలో కాలభైరవుని ఆరాధనకు ప్రత్యేక ప్రాముఖ్యత ఉంది. కాలభైరవుడిని సమయం, మరణం , రక్షణకు దేవుడిగా చెబుతారు. ఆయనను పూజిస్తే భయం, పాపం, దుష్టశక్తులు నశిస్తాయన్నది భక్తుల నమ్మకం. కాశీలో కాలభైరవుడికి ప్రత్యేక పూజలు చేస్తారు. అంతే కాకుండా ప్రతి మంగళవారం , శనివారం అతని భక్తులు వైన్, కొబ్బరి , నల్ల నువ్వులను కూడా స్వామికి సమర్పిస్తారు. కాలభైరవుడి భక్తులకు హాని కలిగించే వారికి మూడు లోకాలలో ఎవరూ ఆశ్రయం కల్పించలేరని నమ్ముతారు.

కాలభైరవుడి చేతిలో త్రిశూలం, కత్తి, కర్ర ఉండటం వల్ల అతన్ని దండపాణి అని కూడా పిలుస్తారు. అందుకే ఈ స్వామిని పూజించడం వల్ల ఇంట్లో ప్రతికూల శక్తులు, చేతబడి, దెయ్యాలు మొదలైన వాటి భయం ఉండదు. ఈ పూజ మనిషికి ఆత్మవిశ్వాసాన్ని పెరుగుతుంది.

Share

• 
• 
• 
• 
• 
•