Brahma Muhurtham: బ్రహ్మముహూర్తంలో ఆ పనులు చేస్తే మీరు ఎప్పటికైనా అదృష్టవంతులు అవుతారట. నమ్మకం, భక్తితో చేసే ఏ పూజైనా మీకు ఫలిస్తుందట. బ్రహ్మముహూర్తానికి అంతటి పవర్ ఉంటుందిన పండితులు సూచిస్తున్నారు. అయితే ఎలాంటి పనులు చేయాలో ఇప్పుడు ఈ కథనంలో తెలుసుకుందాం.
హిందూ ధర్మశాస్త్రాల ప్రకారం సూర్యోదయానికి ముందు వచ్చే బ్రహ్మముహూర్తం (సుమారు తెల్లవారుజామున 4:00 నుండి 5:30 వరకు) అత్యంత శక్తివంతమైన సమయమట. ఈ సమయంలో చేసే పనులు శారీరక, మానసిక మరియు ఆధ్యాత్మిక వృద్ధికి తోడ్పడతాయట. అఇయతే బ్రహ్మముహూర్తంలో అదృష్టాన్ని మరియు విజయాన్ని ప్రసాదించే కొన్ని ముఖ్యమైన పనులు ఏంటో ఇప్పుడు తెలుసుకుందాం.
కరదర్శనం (అరచేతులను చూసుకోవడం): నిద్రలేవగానే మొదటగా మీ రెండు అరచేతులను కలిపి చూసుకోవాలి. అరచేతి చివర లక్ష్మీదేవి, మధ్యలో సరస్వతి, మూలంలో గోవిందుడు ఉంటారని శాస్త్రం చెబుతోందట. అందుకే అరచేతి చూసుకుంటూ ఈ కింద శ్లోకం చదువుకోవాలట.
కరాగ్రే వసతే లక్ష్మీః కరమధ్యే సరస్వతీ |
కరమూలే స్థితో గౌరీ ప్రభాతే కరదర్శనమ్ ||
భూమాతకు నమస్కారం: మంచం దిగి నేలపై అడుగు పెట్టే ముందు భూమికి నమస్కరించాలట. మనం రోజంతా భూమిని తొక్కుతుంటాం కాబట్టి క్షమించమని ప్రార్థించడం ఒక ఉత్తమ సంస్కారమట.
ధ్యానం మరియు ఆత్మపరిశీలన: బ్రహ్మముహూర్తంలో వాతావరణం చాలా ప్రశాంతంగా ఉంటుంది. ఈ సమయంలో కనీసం 10-15 నిమిషాలు ధ్యానం చేయడం వల్ల జ్ఞాపకశక్తి పెరుగుతుందట ఒత్తిడి తగ్గుతుందట.. నేను ఎవరు? నా లక్ష్యం ఏమిటి? అనే ఆత్మపరిశీలన చేసుకోవడానికి ఇది సరైన సమయమట.
ఇష్ట దైవ ప్రార్థన లేదా మంత్ర జపం: మీకు ఇష్టమైన దైవాన్ని స్మరించుకోవడం లేదా గాయత్రీ మంత్రం వంటి శక్తివంతమైన మంత్రాలను పఠించడం వల్ల సానుకూల శక్తి (Positive Energy) లభిస్తుందట. ఈ సమయంలో చేసే ప్రార్థనలు త్వరగా ఫలిస్తాయని పండితులు సూచిస్తున్నారు.
చదువు లేదా మేధోమథనం: విద్యార్థులకు కొత్త విషయాలు నేర్చుకోవాలనుకునే వారికి ఈ సమయం అమూల్యమైనదట. మెదడు ఈ సమయంలో చాలా చురుగ్గా ఉంటుందట కాబట్టి కష్టమైన విషయాలను కూడా సులభంగా అర్థం చేసుకోవచ్చట.
ప్రణాళికా రచన (Planning): రోజంతా మీరు చేయవలసిన పనుల గురించి ఒక స్పష్టమైన ప్రణాళిక సిద్ధం చేసుకోవడానికి ఇది ఉత్తమ సమయమట. ప్రశాంతమైన మనస్సుతో నిర్ణయాలు తీసుకుంటే ఆ రోజంతా పనులు విజయవంతంగా సాగుతాయట.
ఈ సమయంలో చేయకూడని పనులు: బ్రహ్మమూహూర్తంలో కొన్ని పనులు అసలు చేయకూడదట. అందులో మొదటిది ప్రతికూల ఆలోచనలు చేయడం మానుకోవాలట. కోపం, అసూయ లేదా బాధ కలిగించే విషయాల గురించి అసలు ఆలోచించకూడదట. బ్రహ్మముహూర్తంలో భోజనం చేయడం నిషిద్ధమట. (అనారోగ్య సమస్యలు ఉన్నవారు మినహా). ఈ సమయంలో ఆహారం అసలు తీసుకోకూడదని పండితులు సూచిస్తున్నారు. ఇంకా ఫోన్ చూడటం లేదా టీవీ చూడటం వంటి పనుల వల్ల ఈ సమయం లో లభించే శక్తి వృధా అవుతుందట. బ్రహ్మముహూర్తంలో మేల్కొనే అలవాటు ఉన్నవారికి ఆయురారోగ్యాలు, ఐశ్వర్యం మరియు మనశ్శాంతి లభిస్తాయని పండితులు సూచిస్తున్నారట.
ముఖ్య గమనిక: పైన తెలిపిన వివరాలు కొందరు నిపుణులు, వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం.
Share
ప్రపంచంలో అతిపెద్ద హోటల్.. అమ్మో, అన్ని వేల రూమ్స్ ఉన్నాయా?
60 టన్నుల ట్యాంకర్ పడి కారు నుజ్జునుజ్జు.. సీసీ ఫుటేజీలో బయటపడ్డ అసలు నిజం!
