Fahadh Faasil’s Aavesham Movie Telugu Remake: ఒక భాషలో హిట్ అయిన సినిమాను మరో భాషలో రీమేక్ చేయడం కామన్ గా నడుస్తోంది. పాన్ ఇండియా సినిమా వచ్చాకా ఆ భాష ఈ భాష అని లేకుండా అన్ని సినిమాలు అన్ని భాషల్లో రిలీజ్ అవుతున్నాయి. చాలా రేర్ కేసుల్లో ఆ సినిమాలను రీమేక్ ప్లాన్ చేస్తున్నారు. ఇకపోతే తాజాగా భారీ బ్లాక్ బస్టర్ హిట్ అందుకున్న ఒక సినిమా తెలుగులో రీమేక్ చేస్తున్నారని వార్తలు వినిపిస్తున్నాయి. ఆ సినిమానే ఆవేశం.
మలయాళ స్టార్ హీరో ఫహాద్ ఫాజిల్ హీరోగా నటించిన ఈ సినిమాకు జిత్తు మాధవన్ దర్శకత్వం వహించాడు. ఫహద్ ఫాసిల్ అండ్ ఫ్రెండ్స్ మరియు అన్వర్ రషీద్ ఎంటర్‌టైన్‌మెంట్స్ బ్యానర్‌పై నజ్రియా నజీమ్ మరియు అన్వర్ రషీద్ నిర్మించిన ఈ చిత్రం ఏప్రిల్ 11 న రిలీజ్ అయ్యి భారీ విజయాన్ని అందుకుంది. రూ. 150 కోట్ల వసూళ్లను అందుకొని వందకోట్ల క్లబ్ లో చేరింది.
ఇక ఈ మధ్యనే ఈ సినిమా ఓటిటీ బాట పట్టిన విషయం తెల్సిందే. అమెజాన్ ప్రైమ్ లో ఈ సినిమా మలయాళ భాషలో స్ట్రీమింగ్ అవుతుంది. సినిమా హిట్ టాక్ అందుకున్నప్పటి నుంచి తెలుగులో ఎప్పుడు రిలీజ్ అవుతుంది అని అభిమానులు ఎంతగానో ఎదురుచూసారు. కనీసం ఓటిటీలోనైనా అన్ని భాషల్లో డబ్బింగ్ ఉంటుందని అయినా అనుకున్నారు. కానీ, మేకర్స్ కేవలం మలయాళ భాషలో మాత్రమే స్ట్రీమింగ్ ఇచ్చారు. అంటే .. ఈ సినిమా తెలుగులో డబ్ చేయడం లేదు.. రీమేక్ ప్లాన్ చేస్తున్నారు అనే టాక్ నడుస్తోంది.
Also Read: Ram Charan: బాబాయ్ తో అబ్బాయ్.. ఎన్నిరోజులు అయ్యింది ఈ ఫ్రేమ్ చూసి..
ఒకవేళ ఈ సినిమా తెలుగు వెర్షన్ ను రిలీజ్ చేయాలనుకుంటే ఈపాటికే రిలీజ్ చేసి ఉండాలి. అలా చేయలేదు అంటే కచ్చితంగా రీమేక్ చేస్తున్నారని అంటున్నారు. అయితే ఫహాద్ ప్లేస్ ను రీప్లేస్ చేసే నటుడు ఎవరు.. ? అని తెలుగువారు మాట్లాడుకుంటున్నారు. మరి రీమేక్ చేస్తే ఆవేశం స్టార్ ఎవరు అవుతారో చూడాలి.
Share
Sajjala Ramakrishna Reddy: వీళ్లు అసలు మనుషులా..? పిశాచాలా..?: సజ్జల రామకృష్ణారెడ్డి ఫైర్!
Jay Shah Says on Rahul Dravid: త్వరలో కోచ్ పదవికి నోటిఫికేషన్.. ఇంపాక్ట్ రూల్‌పై జై షా మాట!
