Allu Arjun: పవన్ కు శుభాకాంక్షలు తెలిపిన బన్నీ..

Allu Arjun: జనసేనాని పవన్ కళ్యాణ్ కొత్త చరిత్ర సృష్టించాడు. పదేళ్ల తరువాత మొదటి విజయమే రికార్డు సృష్టించాడు. పిఠాపురంలో భారీ మెజారిటీతో గెలిచి చూపించాడు. ఇక దీంతో పవన్ కు సోషల్ మీడియా శుభాకాంక్షలు తెలుపుతూ పోస్టులు పెడుతున్నారు. అభిమానులతో పాటు సినీ, రాజకీయ ప్రముఖులు పవన్ విజయాన్నీ కొనియాడుతున్నారు.

తాజాగా అల్లు అర్జున్ సైతం పవన్ కు ట్విట్టర్ వేదికగా శుభాకాంక్షలు తెలిపాడు. ” ఈ అద్భుతమైన విజయం అందుకున్నందుకుపవన్ కళ్యాణ్ గారికి హృదయపూర్వక అభినందనలు తెలుపుతున్నాను. సంవత్సరాల తరబడి ప్రజలకు సేవ చేయాలనే మీ కృషి, అంకితభావం మరియు నిబద్ధత ఎల్లప్పుడూ హృదయాన్ని హత్తుకునేవి. ప్రజలకు సేవ చేసే మీ కొత్త ప్రయాణానికి శుభాకాంక్షలు” అంటూ చెప్పుకొచ్చాడు. అయితే ఈ ట్వీట్ పై పవన్ ఫ్యాన్స్ మండిపడుతున్నారు. దానికి కారణం కూడా లేకపోలేదు.

పవన్ కు సపోర్ట్ గా బన్నీ ట్వీట్ చేసిన మరుసటి రోజే.. వైసీపీ నేత శిల్పారామాచంద్రారెడ్డి కోసం బన్నీ నంద్యాల వెళ్ళాడు. ఆయన తరుపున ప్రచారం చేయకపోయినా.. ఆ సమయంలో బన్నీ అక్కడకు వెళ్లడం.. పవన్ కు విరుద్ధముగా పనిచేయడమే అని అభిమానులు చెప్పుకొచ్చారు. ఇక ఆ తరువాత బన్నీ ఈ ఘటనపై క్లారిటీ కూడా ఇచ్చాడు. శిల్పా రామచంద్రారెడ్డి తనకు మంచి స్నేహితుడు అని, ఒకానొక సమయంలో ఆయనకు తోడుగా ఉంటానని మాట ఇచ్చానని.. దాన్ని నిలబెట్టుకోవడానికి మాత్రమే వెళ్లినట్లు తెలిపాడు.

ఇక బన్నీ అలా ఆయన ఇంటికి వెళ్లడంతో ఏమైనా అద్భుతం జరిగి.. నంద్యాలలో వైసీపీ వస్తుందేమో అనుకున్నారు.. కానీ, అక్కడ కూడా టీడీపీ రాజ్యమేలింది. దీంతో బన్నీపై పవన్ ఫ్యాన్స్ విమర్శలు గుప్పించడం మొదలుపెట్టారు. ఏదిఏమైనా బన్నీ.. తానెప్పుడు మెగా ఫ్యామిలీకి అండగానే ఉంటానని చెప్పడానికి ఈ ట్వీట్ కన్నా ఎక్కువ ఇంకేమి అవసరం లేదని మరికొంతమంది తెలుపుతున్నారు.

Heartiest congratulations to @PawanKalyan garu on this tremendous victory . Your hardwork, dedication and commitment to serve the people for years has always been heart touching . Best wishes for your new journey to serve the people .

— Allu Arjun (@alluarjun) June 4, 2024