Bhargav Ram: మ్యాన్ ఆఫ్ మాసెస్ ఎన్టీఆర్ గురించి ప్రత్యేకంగా చెప్పాల్సిన అవసరం లేదు. ప్రస్తుతం వరుస సినిమాలతో బిజీగా ఉన్న ఎన్టీఆర్.. నేడు మరో సినిమాకు ముహూర్తం పెట్టేశాడు. కేజీఎఫ్ సినిమాతో స్టార్ డైరెక్టర్ గా మారిన ప్రశాంత్ నీల్ సలార్ తరువాత ఎన్టీఆర్ 31ను మొదలుపెట్టాడు. నేడు ఘనంగా ఈ సినిమా పూజా కార్యక్రమం జరిగింది.
మొదటిసారి ఎన్టీఆర్ ఈ పూజా కార్యక్రమానికి కుటుంబంతో సహా హాజరయ్యాడు. ఇక ఈ ఈవెంట్ లో హైలైట్ గా మారాడు ఎన్టీఆర్ రెండో కొడుకు భార్గవ్ రామ్. 2011 లో ఎన్టీఆర్, లక్ష్మీ ప్రణతిని వివాహం చేసుకున్నాడు. 2014లో ఈ జంటకు అభయ్ రామ్ జన్మించాడు. ఇక 2018లో భార్గవ్ రామ్ పుట్టాడు. ఇద్దరు పిల్లల తరువాత ఎన్టీఆర్ కు వారే లోకంగా మారిపోయారు.
అయితే సినిమాలు.. లేకపోతే పిల్లలతో ఆడుకోవడమే ఎన్టీఆర్ పనిగా మారిపోయింది. అభయ్ చాలా సైలెంట్. భార్గవ్ చాలా అల్లరి అని ఎన్టీఆర్ ఎన్నోసార్లు ఇంటర్వ్యూల్లో చెప్పుకొచ్చాడు. అభయ్ పెద్ద క్వశ్చన్ బ్యాంక్ అని, ఏది అనిపిస్తే అది అడిగేస్తాడు అని, ఆ ప్రశ్నలు తట్టుకోలేక ప్రణతిని ఇరికిస్తా అని చెప్పుకొచ్చాడు. ఇక భార్గవ్ అల్లరి భరించడం చాలా కష్టమని తెలిపాడు.
ఇక భార్గవ్ లుక్ మొత్తం తండ్రి ఎన్టీఆర్ నే గుర్తుచేస్తుంది. చిన్నతనంలో ఎన్టీఆర్ ఎలా ఉండేవాడో.. ఇప్పుడు భార్గవ్ ను చూస్తే అలాగే అనిపిస్తుంది. ఈ అన్నదమ్ములు మీడియా కంటికి చిక్కడం చాలా అరుదు. ఇదుగో ఇలా సడెన్ గా ఎప్పుడైనా కనిపించినా.. ఎక్కువ అందరి చూపు భార్గవ్ మీదకే వెళ్తుంది. తండ్రి పక్కన నడుస్తూ చూడండి ఎంత క్యూట్ గా ఉన్నాడో కదా. ప్రస్తుతం ఈ ఫోటోలు నెట్టింట వైరల్ గా మారాయి. బుల్లి టైగర్ భలే ముద్దొస్తున్నాడే అని అభిమానులు కామెంట్స్ చేస్తున్నారు.
Share
Nag Panchami 2024 : ఉత్తరప్రదేశ్‌లో వింత ఆచారం, ఏటా నాగుల పంచమి రోజు ఇలా..
Minister Uttam Kumar: ప్రాజెక్టుకు జరిగిన నష్టాన్ని గుత్తేదారే భరిస్తారు: ఉత్తమ్
