Dhanush: గత కొంతకాలంగా తమిళ్ నిర్మాతల మండలి కొన్ని సమస్యలతో సతమవుతున్న విషయం తెల్సిందే. అందులో ముఖ్యమైనది అడ్వాన్స్లు తీసుకుని షూటింగ్లు పూర్తిచెయ్యకుండా నిర్మాతలను తిప్పిస్తున్న హీరోలు. ఇది హీరోలకు కొత్తేమి కాదు.
శింబు దగ్గర నుంచి ధనుష్ వరకు చాలామంది స్టార్ హీరోలు సినిమాలు చేస్తామని నిర్మాతల దగ్గరనుంచి అడ్వాన్స్ తీసుకోవడం.. ఆ తరువాత షూటింగ్ కు రమ్మంటే రాకుండా వారిని తిప్పించుకోవడం. ఇలానే కొనసాగుతున్న నేపథ్యంలో తమిళ నిర్మాతల మండలి సంచలన నిర్ణయం తీసుకుంది.
ఇక నుంచి ఏ నటీనటులకు అడ్వాన్స్ లు ఇచ్చేది లేదని ఖరాకండీగా ఒక నిర్ణయం తీసుకున్నారు. అంతేకాకుండా ఆగస్టు 15 నుంచి సినిమా షూటింగ్స్ మొత్తం నిలిపివేయనున్నట్లు తెలిపారు. ఇప్పటివరకు ఎవరైతే సినిమాలు చేస్తామని అడ్వాన్సులు తీసుకున్నారో ఆ సినిమాలన్నీ పూర్తిచేసిన తరువాతే కొత్త సినిమాలకు సైన్ చేయాలని, లేకపోతే చాలా తీవ్ర పరిణామాలను ఎదుర్కోవాల్సి వస్తుందని హెచ్చరించారు.
ఇకనుంచి ఒక సినిమా పూర్తి అయ్యాకనే మరో సినిమాకు డేట్స్ ఇవ్వాలని, అడ్వాన్స్ లు ఇక ఇచ్చేది లేదని ఆదేశాలు జారీ చేశారు. ఇక నిర్మాతల మండలి మొత్తం ధనుష్ పై ఫైర్ అయ్యారు. ధనుష్ ఎన్నో సినిమాలకు అడ్వాన్స్ తీసుకొని ఇంకా షూటింగ్స్ ను పూర్తి చేయలేదని, ఇకనుంచి తమ పర్మిషన్ ఉంటేనే ధనుష్ షూటింగ్ చేయాలనీ హెచ్చరించారు. ప్రస్తుతం ఈ వార్త నెట్టింట వైరల్ గా మారింది. మరి ఈ విషయమై ధనుష్ ఎలా స్పందిస్తాడో చూడాలి.
ప్రస్తుతం ధనుష్ రాయన్ సినిమా సక్సెస్ తో మంచి సంతోషంలో ఉన్నాడు. మొదటి రోజు మిక్స్డ్ టాక్ తెచ్చుకున్న ఈ సినిమా.. ఉన్నాకొద్దీ పాజిటివ్ టాక్ ను అందుకుని రికార్డ్ కలక్షన్స్ దిశగా దూసుకుపోతుంది. ఈ సినిమా తరువాత ధనుష్ చేతిలో మరో మూడు సినిమాలు ఉన్నాయి. మరి ఈ సినిమాల పరిస్థితి ఏంటి అనేది చూడాలి.
Share
Nidhhi Agerwal With Prabhas: ఇదెక్కడి కాంబోరా మావా.. ఇదస్సలు ఊహించలేదే
Padi Kaushik Reddy: మంత్రి సీతక్కపై పాడి కౌషిక్ రెడ్డి వ్యాఖ్యలు.. అసెంబ్లీలో దుమారం
