Dhanush Sekhar Kammula Kubera movie(Cinema news in telugu): శుక్రవారం మహా శివరాత్రి సందర్భంగా టాలీవుడ్ నుంచి వరుస సర్ప్రైజ్లు వచ్చాయి. కొత్త కొత్త అప్డేట్లతో పలు సినిమాలకు సంబంధించిన పోస్టర్లు, గ్లింప్స్, సినిమా అనౌన్స్మెంట్లను మేకర్స్ పోటీ పడి రిలీజ్ చేశారు.
అందులో బాలయ్య బాబు నటిస్తోన్న ‘ఎన్బికే 109’ నుంచి ఫస్ట్ గ్లింప్స్, మంచు విష్ణు ‘కన్నప్ప’ నుంచి ఫస్ట్ లుక్, ప్రభాస్ ‘కల్కి 2898ఏడీ’ నుంచి ఫస్ట్ లుక్ సహా ఇతర మూవీల నుంచి కూడా అదిరిపోయే అప్డేట్లు రిలీజ్ అయ్యాయ. అయితే అందులో ధనుష్, నాగార్జున, శేఖర్ కమ్ముల కాంబినేషన్లో వస్తున్న సినిమా అప్డేట్ కూడా ఉంది.
ఈ చిత్రానికి గానూ మేకర్స్ తాజాగా టైటిల్ను ఖరారు చేశారు. ఇందులో భాగంగా ‘కుబేర’ అనే టైటిల్ను ఫిక్స్ చేసినట్లు తెలిపారు. ఈ టైటిల్తో పాటు మూవీ గ్లింప్స్ కూడా పంచుకున్నారు.
READ MORE: ఈ రోజు టీవీల్లోకి స్టార్ హీరోల బ్లాక్ బస్టర్ సినిమాలు.. లిస్ట్ ఇదిగో
కాగా ఈ గ్లింప్స్ వీడియో మొదట గౌరీశంకరులను చూపిస్తూ స్టార్ట్ అవుతుంది. ఆ తర్వాత ధనుష్ ఎంట్రీ ఇస్తాడు. ధనుష్ పూర్తిగా మాసిపోయిన గడ్డంతో ఓ సింపుల్ డ్రెస్లో కనిపించాడు. దీంతో ధనుష్ను అలా చూసిన ఫ్యాన్స్ అవక్కావుతున్నారు.
ఇటీవల కెప్టెన్ మిల్లర్ మూవీలో ధనుష్ లుక్ అదిరిపోయేలా ఉంటుంది. అంతేకాకుండా అందులో ధనుష్ నటనకి కూడా ఫ్యాన్స్ ఫిదా అయిపోయారు. అలానే ఇటీవల రివీల్ చేసిన ధనుష్ కొత్త సినిమా ‘రాయన్’ ఫస్ట్ లుక్లో కూడా పవర్ఫుల్గా కనిపించాడు.
అయితే ఇప్పుడు కుబేర అంటూ మరొక కొత్త సినిమాలో ధనుష్ని ఇలా చూసే సరికి ఫ్యాన్స్ బాగా డీలా పడిపోయినట్లు తెలుస్తోంది. ఒకరకంగా చూస్తే శేఖర్ కమ్ముల గట్టిగానే ప్లాన్ చేస్తున్నట్లు అనిపిస్తుంది. ఇకపోతే ఈ మూవీ పాన్ఇండియా రేంజ్లో తెరకెక్కుతోంది.
READ MORE: కల్కి 2898 ADలో ప్రభాస్ నయా లుక్, సర్ప్రైజ్ గిఫ్ట్
తెలుగు, తమిళం, హిందీ, కన్నడ, మలయాళం భాషల్లో రిలీజ్ కానుంది. కాగా ఈ మూవీలో ధనుష్ లుక్, టైటిల్ రెండూ పరస్పరం విరుద్ధంగా ఉండటం మూవీపై మరింత ఆసక్తి రేకెత్తిస్తోంది.
ఇక ఈ మూవీలో నేషనల్ క్రష్ రష్మిక మందన హీరోయిన్గా నటిస్తుండగా.. బాలీవుడ్ నటుడు జిమ్ సర్భ్ కీలక పాత్రలో కనిపించబోతున్నాడు. ప్రముఖ సంగీత దర్శకుడు దేవిశ్రీ ప్రసాద్ ఈ సినిమాకి మ్యూజిక్ అందిస్తున్నాడు. అలాగే శ్రీవెంకటేశ్వర సినిమాస్ ఎల్ఎల్పి, అమిగోస్ క్రియేషన్స్ బ్యానర్లపై సునీల్నారంగ్, పుస్కూర్ రామ్ మోహన్రావు నిర్మిస్తున్నారు.
Share
Araku Road Accident : అరకులోయలో ఘోర ప్రమాదం.. నలుగురు మృతి
Telangana Jobs : TSERCలో ఉద్యోగాల భర్తీ.. నోటిఫికేషన్ విడుదల
