Fahadh Faasil ‘Aavesham’ Movie Joined in Rs 100 Crore Club: ఈ మధ్య మలయాళ సినిమాల జోరు మాములుగా లేదు. ఒకదాని తరువాత ఒకటి.. వస్తుంది.. హిట్ కొడుతోంది.. రీపీట్. ప్రేమలు, మంజమ్మల్ బాయ్స్, భ్రమ యుగం.. ఇలా వరుస సినిమాలు హిట్స్ కొట్టి అందరూ.. మలయాళం వైపు చూసేలా చేసాయి. ఇక ఇప్పుడు ఇంకో సినిమా అందులో యాడ్ అయ్యింది. అదే ఆవేశం.
మలయాళ స్టార్ హీరో ఫహద్ ఫాజిల్ హీరోగా నటించిన ఈ సినిమాకు జిత్తు మాధవన్ దర్శకత్వం వహించగా.. ఫహద్ ఫాసిల్ అండ్ ఫ్రెండ్స్ మరియు అన్వర్ రషీద్ ఎంటర్‌టైన్‌మెంట్స్ బ్యానర్‌పై నజ్రియా నజీమ్ మరియు అన్వర్ రషీద్ నిర్మించారు. ఏప్రిల్ 11 న రిలీజ్ అయిన ఈ సినిమా భారీ విజయాన్ని అందుకోవడమే కాకుండా రికార్డ్ కలక్షన్స్ రాబట్టింది. ఇక ఈ సినిమా దాదాపు 13 రోజుల్లో వంద కోట్లు రాబట్టి షాక్ ఇచ్చింది.
Also Read: Fahadh Faasil: సినిమాలు చూడండి అని వారికి మనమెందుకు చెప్పాలి..
ఆవేశం సినిమా వంద కోట్ల క్లబ్ లో చేరినట్లు మేకర్స్ అధికారికంగా ప్రకటించారు. రెండు వారాలు కూడా కాలేదు.. అప్పుడే వంద కోట్లు అంటే.. ముందు ముందు ఇంకా ఎక్కువే కలెక్ట్ చేస్తుందని ట్రేడ్ వర్గాలు చెప్తున్నాయి. దీంతో అందరూ ఈ సినిమా తెలుగు ఎప్పుడు రిలీజ్ అవుతుందని అడుగుతున్నారు. తెలుగులో కూడా ఫహద్ కు మంచి ఫ్యాన్ బేస్ ఉంది. పుష్ప లో ఫహద్ విలన్ గా నటించాడు. పుష్ప 2 లో కూడా నటిస్తున్నాడు. మరి ఈ సినిమాతో ఫహద్ పాన్ ఇండియా రేంజ్ లో మరో హిట్ ను అందుకుంటాడేమో చూడాలి.
Share
Boeing flight: ఊడిన బోయింగ్ విమానం టైరు..బోయింగ్ ఖాతాలో మరో ప్రమాదం
List of AP Congress Candidates: 14 మందితో కాంగ్రెస్ మరో జాబితా.. పలు స్థానాలకు అభ్యర్థుల మార్పు..
