Fire Accident in Nandamuri Kalyan Ram Movie Set’s: నందమూరి కళ్యాణ్ రామ్ ప్రస్తుతం వరుస సినిమాలతో బిజీగా మారిన విషయం తెల్సిందే. గతేడాది డెవిల్ సినిమాతో ప్రేక్షకుల ముందుకు వచ్చిన కళ్యాణ్ రామ్ ఆశించిన ఫలితాన్ని అందుకోలేకపోయాడు. ఇక ఈసారి ఎలాగైనా హిట్ కొట్టాలని గట్టి ప్రయత్నాలు చేస్తున్నాడు. అందులో భాగంగానే కళ్యాణ్ రామ్ నటిస్తున్న తాజా చిత్రం NKR21. ప్రదీప్ చిలుకూరి దర్శకత్వం వహిస్తున్న ఈ చిత్రాన్ని అశోక క్రియేషన్స్, ఎన్టీఆర్ ఆర్ట్స్ బ్యానర్స్ పై అశోక్ వర్ధన్ ముప్పా, సునీల్ బలుసు నిర్మిస్తున్నారు.
ప్రస్తుతం శరవేగంగా షూటింగ్ జరుపుకుంటున్న ఈ సినిమా సెట్ లో భారీ అగ్నిప్రమాదం జరిగినట్లు తెలుస్తోంది. అయితే ఇది జరిగి చాలా రోజులు అయ్యాక బయటపడడం విశేషం. కొన్ని సీన్స్ కోసం CBI ఆఫీస్ సెట్ వేశారట. రూ. 4 కోట్లు ఖర్చుపెట్టి ఆ ఆఫీస్ సెట్ వేయగా.. 9 రోజులుగా అక్కడే షూటింగ్ జరుపుకుంటుంది. అయితే చివరి రోజున ఈ సెట్ లో అగ్ని ప్రమాదం సంభవించింది. ఈ ప్రమాదంలో సెట్ మొత్తం అగ్నికి ఆహుతయ్యిందని సమాచారం. దీనివలన దాదాపు కళ్యాణ్ రామ్ కు కొన్ని కోట్ల నష్టం వాటిల్లిందని టాక్. అయితే ఈ విషయం ఎక్కడ పొక్కకుండా మేకర్స్ బాగా మ్యానేజ్ చేసినట్టు తెలుస్తోంది.
ప్రస్తుతం ఈ సినిమా వేరే లొకేషన్ లో షూటింగ్ ను జరుపుకుంటుంది. ఇక ఈ సినిమాలో కళ్యాణ్ రామ్ సరసన సాయి మంజ్రేకర్ నటిస్తోంది. ఈ సినిమాపై కళ్యాణ్ రామ్ చాలా ఆశలు పెట్టుకున్నాడు. ఇక హీరోగానే కాకుండా కళ్యాణ్ రామ్ నిర్మాతగా కూడా వ్యవహరిస్తున్న విషయం తెల్సిందే. ప్రస్తుతం దేవర సినిమా కళ్యాణ్ రామ్ చేతిలోనే ఉంది. మరి ఈ రెండు సినిమాలతో నందమూరి హీరో ఎలాంటి విజయాలను అందుకుంటాడో చూడాలి.
Share
Man Kills Minor Girl: ఎంగేజ్ మెంట్ క్యాన్సిల్.. తల నరికి తీసుకెళ్లిన వ్యక్తి!
BJP MP Navneet Rana: బీజేపీ ఎంపీ నవనీత్ రాణాపై కేసు నమోదు..!
