Hansika: చైల్డ్ ఆర్టిస్ట్గా ఇండస్ట్రీలోకి అడుగుపెట్టిన హన్సిక.. అల్లు అర్జున్ నటించిన ‘దేశముదురు’ సినిమాతో హీరోయిన్గా పరిచయం అయింది. అగ్రహీరోల సరసన నటించి కొద్దిరోజుల్లోనే స్టార్ హీరోయిన్ స్టేటస్ దక్కించుకుంది. ఇప్పటి వరకు తెలుగు, తమిళ భాషల్లో కలిపి దాదాపు 50 పైగా చిత్రాల్లో నటించింది ఈ అమ్మడు.
గతేడాది తన చిన్ననాటి స్నేహితుడు, ముంబైకి చెందిన బిజినెస్మ్యాన్ సోహైల్ కతురియను వివాహం చేసుకుంది. జైపూర్లోని ఓ ప్యాలెస్లో వీరి వివాహం ఘనంగా జరిగింది. సినీప్రముఖులు ఈ వేడుకకు హాజరై సందడి చేశారు. ఇకపోతే వారి పెళ్లి వేడుకనంతా ఓ డాక్యుమెంటరీగా చిత్రీకరించారు. ప్రముఖ ఓటీటీ ప్లాట్ఫామ్ డిస్నీప్లస్ హాట్స్టార్లో లవ్ షాదీ డ్రామ్ పేరుతో ఈ డాక్యుమెంటరీ స్ట్రీమింగ్ అవుతోంది.
ఇక ఈ డాక్యుమెంటరీ కోసం హన్సిక వారి కుటుంబ సభ్యులకు సంబంధించి కొన్ని సన్నివేశాలను ప్రత్యేకంగా చిత్రీకరించారు. తాజాగా స్ట్రీమింగ్ అవుతున్న ఎపిసోడ్లో హన్సిక తల్లి మోనా మోత్వానీ ఇంట్రస్టింగ్ కామెంట్లు చేసింది. పెళ్లికి సోహైల్ కుటుంబ సభ్యులు సరైన సమయానికి రాకపోవడంతో తెగ టెన్షన్ పడ్డారట. ఆ సమయంలో సోహైల్ తల్లికి ఫోన్ చేసి ఇంకా ఆలస్యంగా వస్తే నిమిషానికి రూ. 5 లక్షలు చెల్లించాల్సి ఉంటుందని చెప్పారట. ప్రస్తుతం ఈ విషయం సోషల్ మీడియాలో తెగ వైరలవుతోంది.
Share
Vishaka ODI: విశాఖ వన్డే సాగేనా? ఆగేనా?.. వర్షం వర్రీ..
Amritpal Singh: పంజాబ్లో హైఅలెర్ట్.. చిక్కినట్టే చిక్కి తప్పించుకున్న అమృత్పాల్ సింగ్
