Samantha: శారీరకంగా, మానసికంగా ఎన్ని ఒడిదుడుకులు ఎదురైనప్పటికీ ఏమాత్రం మనోధైర్యాన్ని కోల్పోకుండా ముందుకు సాగుతోంది స్టార్ హీరోయిన్ సమంత. నాగ చైతన్యతో విడాకులు తీసుకొని కెరీర్‌పై దృష్టి పెడుతున్న సమయంలో మయోసైటిస్ అనే అరుదైన వ్యాధి బారిన ధైర్యంగా నిలబడి ఎదుర్కొంది. దాదాపు ఎనిమిది నెలల పాటు ఆ వ్యాధితో పోరాడి ఇప్పుడిప్పుడే కోలుకుంటోంది. తిరిగి సినిమాలపై ఫోకస్ పెడుతోంది.
ప్రస్తుతం సమంత నటించిన ‘శాకుంతల’ సినిమా రిలీజ్‌కు సిద్ధంగా ఉంది. ఫిబ్రవరి 17న ప్రేక్షకుల ముందుకు రానుంది. అలాగే సామ్ రాజ్ అండ్ డీకే దర్శకత్వంలో ‘సిటాడెల్’ అనే వెబ్‌ సిరీస్‌లో నటిస్తోంది. ఈ వెబ్‌ సిరీస్ షూటింగ్‌కు సామ్ కారులో వెళ్తూ కళ్లు మూసుకొని ఓ సెల్ఫీ తీసుకుంది. దానిని తన ఇన్‌స్టాగ్రామ్‌లో షేర్ చేస్తూ.. ‘వెలుతురిని మనమే వెతుక్కోవాలి’ అని రాసుకొచ్చింది.
ప్రస్తుతం ఈ ఫొటో సోషల్ మీడియాలో వైరలవుతోంది. ఇన్నాళ్లు సామ్ అనారోగ్యంతో ఉండడంతో నిరాశకు గురైన అభిమానులు… తిరిగి షూటింగ్‌లో పాల్గొంటుండడంతో ఖుషీ అవుతున్నారు.
Share
Brain Mapping : అల్జీమర్స్ పేషెంట్కు బ్రెయిన్ మ్యాపింగ్ సక్సెస్..
Cabinet Meeting: ముగిసిన తెలంగాణ కేబినెట్ భేటీ.. బడ్జెట్కు ఆమోదం
