Maname Movie: యంగ్ హీరో శర్వానంద్, కృతి శెట్టి జంటగా శ్రీరామ్ ఆదిత్య దర్శకత్వంలో తెరకెక్కిన చిత్రం మనమే. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ ఈ సినిమాను నిర్మిస్తున్నాడు. విక్రమ్ ఆదిత్య, సీరత్ కపూర్, అయేషా ఖాన్, వెన్నెల కిషోర్, రాహుల్ రవీంద్రన్, రాహుల్ రామకృష్ణ కీలక పాత్రల్లో నటించిన ఈ సినిమా జూన్ 7 న ప్రేక్షకుల ముందుకు రానుంది.
ఇప్పటికే ఈ చిత్రం నుంచి రిలీజ్ అయిన పోస్టర్స్, టీజర్, సాంగ్స్ ప్రేక్షకులను విశేషంగా ఆకట్టుకున్నాయి. ఇక నేడు ఈ సినిమా ట్రైలర్ ను రామ్ చరణ్ రిలీజ్ చేసి చిత్రబృందానికి బెస్ట్ విషెస్ తెలిపాడు. ఇక ఈ ట్రైలర్ లాంచ్ ఈవెంట్ లో డైరెక్టర్ శ్రీరామ్ ఆదిత్య ఒక షాకింగ్ న్యూస్ చెప్పుకొచ్చాడు. ఈ సినిమాలో టోటల్ గా 16 సాంగ్స్ ఉంటాయని చెప్పి షాక్ ఇచ్చాడు. ఈ కాలంలో 6 సాంగ్స్ వినడానికే అభిమానులు వామ్మో అంటున్నారు. అది కూడా ఆ సాంగ్ వినగలిగేవిగా ఉంటే మాత్రమే. అలాంటింది 16 సాంగ్స్ అంటే మాటలు కాదు.
“మనమే సినిమా ఓ సంగీత మహోత్సవం. సినిమాను సంగీతమే నడిపిస్తుంది. మనమే సినిమాలో మొత్తం 16 పాటలు ఉంటాయి. మ్యూజిక్ డైరెక్టర్ హేషమ్ అబ్దుల్ ఈ సినిమాకు ఆత్మ. నా కెరీర్లో తొలిసారి రీరికార్డింగ్ కే ఎక్కువ సమయం కేటాయించాను అంటే అది మనమే సినిమాకు మాత్రమే. నేనేం అడిగినా దానిని హేషమ్ అందించాడు. అతనికి ఓపిక ఎక్కువ. మనమే.. హేషమ్ అబ్దుల్ ఇప్పటి వరకు చేసిన సినిమాల్లో ది బెస్ట్” అని చెప్పుకొచ్చాడు. ఇక ఈ మాటలు విన్న అభిమానులు.. షాక్ అవుతున్నారు. 16 పాటలా.. సినిమాలో సాంగ్స్ ఉంటాయా.. సాంగ్స్ లో సినిమా ఉంటుందా అంటూ కామెంట్స్ చేస్తున్నారు. మరి ఈ సినిమా శర్వాకు ఎలాంటి విజయాన్ని అందిస్తుందో చూడాలి.
Share
iPhone 16 Leaks: ఐఫోన్ 16 ఆగయా.. అదిరిపోయిన ఫీచర్లు!
Suriya 44: ఎట్టకేలకు బంపర్ ఆఫర్ పట్టేసిన బుట్టబొమ్మ..
