Kalyan Ram.. నందమూరి కళ్యాణ్ రామ్ (Nandamuri Kalyan Ram) ఒకప్పుడు నిర్మాతగా ఎలాంటి సాహసాలు చేసేవారో అందరికీ గుర్తుంది. ఆయన కెరియర్ ప్రమాదంలో పడ్డ సమయంలో అతను ఒక్కడే సినిమా చేసి అందరికీ షాక్ ఇచ్చారు. ముఖ్యంగా ఈ సినిమా సెన్సేషనల్ హిట్ అయ్యి, ఈయన కెరియర్ ను మలుపు తిప్పింది. అంతే కాదు నిర్మాతగా మంచి లాభాలు కూడా అందుకున్నారు. అయితే ఆ తర్వాత ఈయనకు ఎక్కువగా ఎదురు దెబ్బలే తగిలాయని చెప్పాలి. ముఖ్యంగా కత్తి, జయీ భవ, హరే రామ్ , ఇజం , ఓం త్రిడి ఇలా ఎన్నో చిత్రాలు సొంత బ్యానర్ లోనే హీరోగా నటించినా.. అన్ని చిత్రాలతో కూడా దెబ్బతిన్నాడు కళ్యాణ్ రామ్.
అప్పుల బాధ నుంచి కళ్యాణ్ రామ్ ను బయటపడేసిన ఎన్టీఆర్..
ముఖ్యంగా ఇందులో ఈ సినిమాలన్నీ కొట్టిన దెబ్బ ఒక ఎత్తైతే.. ఓం త్రీ డీ సినిమా కొట్టిన దెబ్బ ఇంకో ఎత్తు అని చెప్పవచ్చు. ఇవి చాలవు అన్నట్లు రవితేజతో చేసిన బయట చిత్రం కిక్ -2 కూడా భారీగా తేడా కొట్టడంతో కళ్యాణ్ రామ్ తేరుకోలేకపోయారు. ముఖ్యంగా ఈ నిర్మాణం మనకెందుకు అనే స్థాయికి దిగజారి పోయారు కళ్యాణ్ రామ్. ఇలాంటి టైంలో ఆయన తమ్ముడు స్టార్ హీరో ఎన్టీఆర్ అండగా నిలిచారు. నిర్మాతగా కళ్యాణ్ రామ్ కు అత్యధిక లాభాలు అందించిన చిత్రం ఎన్టీఆర్ హీరోగా నటించిన జై లవకుశ. ఈ సినిమా కంటెంట్ పరంగానే కాదు బాక్స్ ఆఫీస్ వద్ద కూడా సంచలనం సృష్టించింది. నిర్మాతగా కళ్యాణ్ రామ్ కు మంచి లాభాలు అందించి, అప్పటి వరకు ఉన్న కళ్యాణ్ రామ్ అప్పులన్నింటినీ కూడా ఈ సినిమా తీర్చేసింది. ఇక తర్వాత ఆయనే హీరోగా బింబిసారా సినిమాతో మరో బ్లాక్ బస్టర్ విజయాన్ని సొంతం చేసుకున్నారు. ఈ సినిమా ఎంత విజయం సాధించింది అంటే ఈ సినిమాపై పెట్టిన పెట్టుబడి రెట్టింపు స్థాయిలో వెనక్కి రావడం ఆయన ఆనందానికి అవధులు లేవనే చెప్పాలి.
కళ్యాణ్ రామ్ కళ్యాణం మూవీ లో విజయశాంతి కీలక రోల్..
ఇలా వరుస చిత్రాలు చేస్తూ సక్సెస్ బాట పట్టిన కళ్యాణ్ రామ్ కి దేవర మరో విజయాన్ని అందించింది. అంతకుమించి బిజినెస్ జరిగింది. మంచి లాభాలకు సినిమాను అమ్ముకున్నారు. అటు సినిమా నిర్మాతగా ఈయన హ్యాపీ . ఈయన సినిమా కొన్న బయ్యర్లు కూడా హ్యాపీ. అలా మొత్తానికి భారీ విజయాన్ని సొంతం చేసుకున్నారు. ఇదిలా ఉండగా మరోవైపు కళ్యాణ్ రామ్ హీరోగా కళ్యాణం అనే సినిమా చేస్తున్నారు. ఇందులో సీనియర్ స్టార్ హీరోయిన్ విజయశాంతి కీలక పాత్ర పోషిస్తున్నట్లు సమాచారం. ఒకప్పుడు వరుస సినిమాలు చేస్తూ భారీ విజయాన్ని అందుకున్న విజయశాంతి.. చాలా సంవత్సరాల తరువాత మహేష్ బాబు హీరోగా నటించిన సరిలేరు నీకెవ్వరు సినిమాతో రీ ఎంట్రీ ఇచ్చి మంచి విజయాన్ని అందుకుంది. అయితే ఈ సినిమా తర్వాత మళ్లీ ఆమె సినిమాలో కనిపించలేదు. అయితే ఇప్పుడు మళ్లీ చాలా సంవత్సరాల గ్యాప్ తర్వాత కళ్యాణ్ రామ్ హీరోగా నటిస్తున్న కళ్యాణం సినిమాలో కీలక పాత్ర పోషిస్తోంది.మొత్తానికి అయితే ఈ సినిమా హిట్ అయితే ఇక కళ్యాణ్ రామ్ దశ తిరిగినట్టే అని చెప్పడంలో సందేహం లేదు.
Share
Telangana Cabinet: త్వరలోనే కేబినెట్ విస్తరణ.. ఢిల్లీలో సీఎం రేవంత్ బిజీ బిజీ
Railway Rules: టిక్కెట్ లేని రైలు ప్రయాణం.. ఫైన్ కడితే బెర్త్ దొరుకుతుందా? జైలు శిక్ష ఎప్పుడు విధిస్తారంటే?
