kanguva: కంగువా రిలీజ్ డేట్‌పై నిర్మాత ఫుల్ క్లారిటీ..!

kanguva: కోలీవుడ్ స్టార్ హీరో సూర్య తెలుగు ప్రేక్షకులకు సుపరిచితమే. ఆయనకు టాలీవుడ్‌లోనూ ప్రత్యేక ఫ్యాన్ బేస్ ఉంది. ఆయన సినిమా రిలీజ్ అవుతుందంటే చాలు.. థియేటర్ల వద్ద హంగామా మామూలుగా ఉండదు. ఇదిలా ఉంటే సూర్య ప్రస్తుతం ఓ భారీ బడ్జెట్ చిత్రం ‘కంగువ’లో నటిస్తున్నాడు. శివ దర్శకత్వంలో తెరకెక్కుతోన్న ఈ మూవీపై అందరిలోనూ అంచనాలు ఉన్నాయి. పీరియాడికల్ డ్రామాగా రూపొందుతోన్న ఈ మూవీ షూటింగ్ శరవేగంగా జరుపుకుంటోంది.

ఇందులో బాలీవుడ్ బ్యూటీ దిశా పఠానీ హీరోయిన్‌గా నటిస్తుంది. కాగా కంగ అనే పరాక్రముడి కథతో ‘కంగువ’ మూవీ ప్రేక్షకుల ముందుకు రాబోతున్నట్లు టాక్ వినిపిస్తోంది. అంతేకాకుండా ఈ సినిమాలో సూర్య ఆరు భిన్నమైన అవతారాల్లో కనిపించనున్నట్లు తెలుస్తోంది. ఇదిలా ఉంటే తాజాగా ఈ మూవీ రిలీజ్ డేట్‌ గురించి నిర్మాత ధనంజయన్ ఆసక్తికర విషయాలు పంచుకున్నారు. ఇది తమ డ్రీమ్ ప్రాజెక్ట్ అని అన్నారు. సినిమా పూర్తి కాకముందే విడుదల తేదీ ప్రకటించి ఒత్తిడికి గురికావడం తమకు ఏ మాత్రమూ ఇష్టం లేదని తెలిపారు.

ఇది ఇంటర్నేషనల్ ప్రాజెక్ట్‌ అని అన్నారు. 3డి, సీజీ వర్క్‌కు చాలా సమయం పట్టే అవకాశం ఉంది. అందువల్లనే తామింకా రిలీజ్ డేట్‌ని నిర్ణయించలేదని పేర్కొన్నారు. అయితే ఇప్పటికే సూర్య పార్ట్ పూర్తయిందని.. ఇంకా బాబీ డియోల్‌పై చిత్రీకరించవలసినవి.. కొంత ప్యాచ్ వర్క్ మిగిలి ఉందని తెలిపారు. కాగా ప్రస్తుతం తమ ఫోకస్ అంతా పోస్ట్ ప్రొడక్షన్‌పైనే ఉందని చెప్పుకొచ్చారు.