Khaleja Re Release: రీ రిలీజ్ లో చరిత్ర సృష్టించిన ఖలేజా.. వరల్డ్ వైడ్ కలెక్షన్లు ఎంతంటే?

Khaleja Movie: సూపర్ స్టార్ మహేష్ బాబు (Mahesh Babu)నటించిన సినిమాలలో ఖలేజా (Khaleja)సినిమా ఒకటి. డైరెక్టర్ త్రివిక్రమ్ శ్రీనివాస్ దర్శకత్వంలో ప్రేక్షకుల ముందుకు వచ్చిన ఈ సినిమా 2010 అక్టోబర్ 7వ తేదీ ప్రేక్షకుల ముందుకు వచ్చింది. మహేష్ బాబు, అనుష్క(Anushka) హీరో హీరోయిన్లుగా నటించిన ఈ సినిమా అప్పట్లో ఎన్నో అంచనాల నడుమ ప్రేక్షకుల ముందుకు వచ్చినప్పటికీ ప్రేక్షకుల అంచనాలను మాత్రం చేరుకోలేకపోయింది . ఈ సినిమాపై అభిమానులు భారీ అంచనాలు పెట్టుకున్న నేపథ్యంలోనే సినిమాకు దెబ్బ పడిందని ఇటీవల నిర్మాత కళ్యాణ్ తెలిపారు. ఒకరకంగా చెప్పాలంటే ఈ సినిమాని మహేష్ బాబు అభిమానులే అప్పుడు చంపేశారని ఈయన తెలిపారు.

రీ రిలీజ్ తో రికార్డ్….

ఇలా 14 సంవత్సరాల తర్వాత తిరిగి ఈ సినిమా మరోసారి థియేటర్లలో ప్రేక్షకుల ముందుకు వచ్చింది. అయితే మొదట్లో విడుదలైన సమయంలో ఈ సినిమా థియేటర్లలో ప్రేక్షకులను ఆకట్టుకోలేకపోయిన బుల్లితెరపై మాత్రం సుమారు 1500 సార్లు టెలికాస్ట్ అయ్యి మరొక రికార్డు సృష్టించింది. ఇలా టెలివిజన్లో చూసిన అభిమానులు ఈ సినిమా ఎందుకు ఫ్లాప్ అయ్యిందనే ఆలోచనలు కూడా చేశారు. ఇలా అభిమానుల కోసమే మరోసారి ఈ సినిమాని మే 30 వ తేదీ తిరిగి విడుదల చేసిన సంగతి తెలిసిందే. అయితే ఈ సినిమాకు ఊహించని విధంగా అభిమానుల నుంచి ఆదరణ లభించటం విశేషం.

రీ రిలీజ్ లో చరిత్ర సృష్టించిన ఖలేజా…

ఇలా వారం రోజులపాటు ఈ సినిమాకు మంచి ఆదరణ లభించడమే కాకుండా హౌస్ ఫుల్ కావడంతో చిత్ర బృందం ఎంతో సంతోషం వ్యక్తం చేశారు. ఇక ఈ సినిమా మొదటి రోజు నుంచి కూడా అద్భుతమైన కలెక్షన్లను రాబట్టింది. తాజాగా ఈ వారం రోజులలో ఖలేజా రీలీజ్ ద్వారా ఎన్ని కలెక్షన్లు రాబట్టిందనే విషయాలను చిత్ర బృందం అధికారక పోస్టర్ ద్వారా వెల్లడించారు. మే 30వ తేదీ విడుదలైన ఈ సినిమా వారం వ్యవధిలోగా ఏకంగా రూ. 13.2 కోట్ల రూపాయల కలెక్షన్లను రాబట్టి రికార్డులను సృష్టించింది.. రీ రిలీజ్ సమయంలో ఈ తరహా కలెక్షన్లను ఏ సినిమా కూడా రాబట్టలేదని చెప్పాలి. 14 సంవత్సరాల తర్వాత తిరిగి ప్రేక్షకుల ముందుకు వచ్చిన ఈ సినిమాకు వచ్చిన కలెక్షన్లు చూస్తుంటే ఇదొక రీ రిలీజ్ సినిమా లాగా లేదని, ఈ సినిమా ఒక చరిత్రను సృష్టించిందని చిత్ర బృందం సంతోషం వ్యక్తం చేశారు.

14 years late…but the rage was real! 13.2CR at the box office💥
Khaleja didn’t just re-release, it rewrote history! 😎

Fans showed up. Screens went houseful. Records got shaken.@urstrulyMahesh #Khaleja4K#RecordBreakingKhaleja4K pic.twitter.com/f5olcvnGYD

— Khaleja4K (@KhalejaTheFilm) June 5, 2025

ప్రస్తుతం ఈ సినిమా కలెక్షన్లకు సంబంధించిన పోస్టర్ విడుదల చేయడమే కాకుండా రీ రిలీజ్ లో ఇంత మంచి సక్సెస్ అందుకోవడంతో కేక్ కట్ చేసి సంబరాలు చేసుకున్నారు. ఒకప్పుడు ఈ సినిమాని చంపేసిన అభిమానులే ఇప్పుడు తిరిగి ఈ సినిమాకు ప్రాణం పోసారని చెప్పాలి. ఇక మహేష్ బాబు సినిమాల విషయానికొస్తే ప్రస్తుతం ఈయన రాజమౌళి దర్శకత్వంలో నటిస్తున్న విషయం తెలిసిందే . ఈ సినిమా పాన్ ఇండియా స్థాయిలో అత్యంత భారీ బడ్జెట్ సినిమాగా ప్రేక్షకుల ముందుకు రాబోతుంది. మహేష్ బాబు ఈ సినిమా పనులలో ఎంతో బిజీగా గడుపుతున్నారు. ఈయన చివరిగా త్రివిక్రమ్ శ్రీనివాస్ దర్శకత్వంలో నటించిన గుంటూరు కారం సినిమా ద్వారా ప్రేక్షకుల ముందుకు వచ్చారు కానీ ఈ సినిమా పెద్దగా ప్రేక్షకులను ఆకట్టుకోలేక పోయిందని చెప్పాలి.

Share

• 
• 
• 
• 
• 
•