Mahesh Babu: సూపర్ స్టార్ మహేష్ బాబు ప్రస్తుతం SSMB29 తో బిజీగా ఉన్న విషయం తెల్సిందే. రాజమౌళి దర్శకత్వంలో తెరకెక్కనున్న ఈ సినిమాపు అభిమానులు భారీ అంచనాలను పెట్టుకున్నారు. అందుకు తగ్గట్టుగానే జక్కన్న కథను రెడీ చేస్తున్నాడు. ఇప్పటికే స్క్రిప్ట్ వర్క్ ఫినిష్ అయ్యిందని టాక్.
ఇక ఇంకోపక్క క్యాస్టింగ్ పనులను కూడా మొదలుపెట్టే ఆలోచనలో ఉన్నారట. ఈలోపు మహేష్ ను లుక్ పరంగా ప్రిపేర్ అవ్వమని రాజమౌళి చెప్పాడట. గుబురు గడ్డం, లాంగ్ హెయిర్ తో మహేష్ లుక్ ఉండాలని చెప్పడంతో.. సినిమాకు తగ్గట్టు మహేష్ మారుతున్నాడు. అయితే ముందే మహేష్ నుంచి జక్కన్న ఒక మాట తీసుకున్నాడట.
సినిమా స్టార్ట్ అయ్యేవరకు లుక్ రివీల్ చేయకూడదని చెప్పాడట. అందుకే మహేష్ ఇప్పటివరకు బయట ఎక్కడ కనిపించినా క్యాప్, గాగుల్స్ తో మేనేజ్ చేస్తూ వచ్చాడు. కానీ, అనంత్ అంబానీ పెళ్లి వలన మహేష్ లుక్ రివీల్ అయ్యింది. పెళ్ళికి మహేష్ కుటుంబంతో సహా హాజరయ్యాడు. బ్లూ కలర్ షేర్వాణ.. లాంగ్ హెయిర్, గడ్డంతో హాలీవుడ్ హీరోలా కనిపించాడు. ఇదే SSMB29 అని తెలుస్తోంది.
ఇక ఈ లుక్ బయటపడడంతో మహేష్.. జక్కన్నకు ఇచ్చిన మాట తప్పినట్టే అని అభిమానులు మాట్లాడుకుంటున్నారు. తాను లుక్ రివీల్ చేయొద్దు అని చెప్పినా కూడా మహేష్ రివీల్ చేయడంతో ఆయన పై జక్కన్న గుర్రుగా ఉన్నాడని అంటున్నారు. మరి ఇందులో నిజమెంత అనేది తెలియాల్సి ఉంది. ఇకపోతే ఈ సినిమా ఆగస్టులో సెట్స్ మీదకు వెళ్తుందని టాక్ నడుస్తోంది. ఆర్ఆర్ఆర్ తరువాత ఈ సినిమాతో జక్కన్న ఎలాంటి రికార్డులు క్రియేట్ చేస్తాడో చూడాలి.
Share
Viral Video: భారీ వర్షాల కారణంగా ముంచెత్తిన వరదలు.. అయినా పెళ్లికి హాజరైన అతిథులు..
Minister Uttam Comments: ఈ శుభవార్త.. కేవలం ఆ ఉద్యోగులకు మాత్రమే: మంత్రి ఉత్తమ్
