Manchu Lakshmi: మంచు విష్ణు-మనోజ్‌ల మధ్య వివాదం కొంతకాలంగా కొనసాగుతున్నప్పటికీ.. తాజాగా బయటకొచ్చిన వీడియోతో రచ్చకెక్కింది. తన అనుచరులను విష్ణు ఎలా కొడుతున్నాడో చూడండంటూ మనోజ్ షేర్ చేసిన వీడియో సోషల్ మీడియాలో వైరలయింది. దీనిపై పెద్ద ఎత్తున చర్చ మొదలైంది. మోహన్ బాబు చెప్పడంతో మనోజ్ ఆ వీడియోను సోషల్ మీడియా నుంచి డిలీట్ చేశారు. అప్పటికే జరగాల్సిందంతా జరిగిపోయింది. ఆ వీడియోతో వారిద్దరి మధ్య వివాదం తారాస్థాయికి చేరుకుందని పలువురు అభిప్రాయపడుతున్నారు.
ఇకపోతే ఈ వ్యవహారంపై మంచు లక్ష్మి స్పందించింది. ఈ విషయాన్ని ఇంట్లో అన్నదమ్ముల మధ్య జరిగే గొడవలానే పరిగణించాలని.. అనవసరంగా రచ్చ చేయొద్దని కోరింది. త్వరలోనే వారిద్దరి మధ్య వివాదం పరిష్కారమవుతుందని స్పష్టం చేసింది. సోషల్ మీడియాలో అనవసరంగా పిచ్చి రాతలు రాయొద్దని హెచ్చరించింది.
అన్నదమ్ముల గొడవ ఇదే..!
కొంతకాలంగా మంచు ఫ్యామిలీలో అన్నదమ్ముల మధ్య విభేదాలున్నాయని వార్తలు వచ్చాయి. మనోజ్- భూమా మౌనికారెడ్డి పెళ్లి సమయంలో ఈ అనుమానాలు మరింత బలపడ్డాయి. అందుకే మనోజ్ తన రెండో వివాహాన్ని గ్రాండ్ కాకుండా సింపుల్ గా చేసుకున్నాడు. ఈ పెళ్లి వేడుకలో విష్ణు అంటీముట్టనట్టు వ్యవహరించాడు. మంచు లక్ష్మినే తమ్ముడి పెళ్లి వేడుకను దగ్గరుండి జరిపించింది. ఈ వివాహ వేడుకకు విష్ణు తన ఫ్యామిలీతో ఇలా వచ్చి అలా వెళ్లిపోయాడు. దీంతో అన్నదమ్ముల మధ్య ఏదో వివాదం నడుస్తోందని టాక్ వచ్చింది.
అన్నదమ్ముల వివాదాల నేపథ్యంలో మనోజ్ వద్ద పనిచేస్తున్న సారథి ఇంటికెళ్లి విష్ణు దాడికి దిగాడని తెలుస్తోంది. విష్ణు దాడిలో గాయపడిన సారథి ప్రస్తుతం ఆస్పత్రిలో చికిత్స పొందుతున్నాడు. ఈ దాడి ఘటనపై మనోజ్ సీరియస్ అయ్యాడు. తన అన్న వ్యవహార శైలిని తప్పుపట్టాడు. దాడి చేయడం తగునా అని ప్రశ్నించాడు. అక్కడతో ఆగలేదు. దాడి దృశ్యాలను రిలీజ్ చేసి విష్ణు తీరును ప్రపంచానికి చూపించాడు. ఇప్పుడు ఈ వీడియో వైరల్ గా మారింది.
ఒకప్పుడు మంచు ఫ్యామిలీ ఒకే భవనంలో ఉండేది. కానీ కొంతకాలంగా వేర్వేరు ఇళ్లలో విష్ణు, మనోజ్ ఉంటున్నారని తెలుస్తోంది. కొంతకాలంగా అన్నదమ్ముల మధ్య మంచి సంబంధాలులేవని మోహన్ బాబు పుట్టినరోజు వేడుకలో తేలిపోయింది. ఆ సమయంలో మోహన్ బాబుతో విష్ణు సన్నిహితంగా ఉండగా .. మనోజ్ చాలా దూరంగా నిల్చున్నాడు. అలాగే రెండేళ్లుగా విష్ణకు మనోజ్ బర్త్ డే విషెస్ చెప్పడం లేదు. అంటే అప్పటి నుంచే అన్నదమ్ముల మధ్య విభేదాలున్నాయని స్పష్టమవుతోంది. అయితే వివాదానికి కారణాలేంటి? విభేదాలు ఎందుకొచ్చాయి? ఈ విషయం తెలియాలంటే విష్ణు గానీ, మనోజ్ కానీ బయటకొచ్చి మాట్లాడాలి.
Share
Latest Gold Rates: గుడ్ న్యూస్.. తగ్గిన బంగారం ధరలు..
Chatbots : చాట్‌బోట్స్‌కు మెడికల్ ఇంటర్వ్యూ..
