Manchu Manoj Playing Key Role in Teja Sajja’s ‘Mirai’: యంగ్ హీరో తేజ సజ్జ ఈ ఏడాది ‘హనుమాన్’ సినిమాతో వచ్చి బ్లాక్ బస్టర్ హిట్ అందుకున్నాడు. జాంబి రెడ్డి సినిమాతో సూపర్ హిట్ అందుకున్న నటుడు తేజ సజ్జ – దర్శకుడు ప్రశాంత్ వర్మ.. మరోసారి ‘హనుమాన్’తో ఎవరూ ఊహించని ఘన విజయాన్ని సొంతం చేసుకున్నారు. ఈ మూవీతో అటు తేజ సజ్జ పేరు.. ఇటు ప్రశాంత్ వర్మ పేరు అమాంతంగా పెరిగిపోయింది.
ఈ ఏడాది సంక్రాంతి కానుకగా ఈ సినిమా ప్రేక్షకుల ముందుకు వచ్చింది. అనంతరం స్టార్ హీరోల సినిమాలను సైతం వెనక్కి నెట్టి సంక్రాంతి రేసులో విన్నర్‌గా నిలిచింది. ముఖ్యంగా ఈ మూవీలో తేజ సజ్జ యాక్టింగ్ అందరికీ నచ్చింది. ఇక ఈ మూవీ ఘన విజయం సాధించడంతో తేజకు వరుస సినిమా ఆఫర్లు వస్తున్నాయి.
అందులో డిఫరెంట్ కాన్సెప్ట్ ఉన్న స్టోరీలనే ఎంచుకుంటున్నాడు. ఇందులో భాగంగానే ఇప్పుడు ఒక సరికొత్త సినిమాకు గ్రీన్ సిగ్నల్ ఇచ్చాడు. ఈ మేరకు రవితేజతో ‘ఈగల్’ మూవీ తీసిన దర్శకుడు కార్తిక్ ఘట్టమనేనితో ఓ మూవీ చేస్తున్నాడు. ఈ చిత్రానికి తాజాగా మేకర్స్ టైటిల్‌ను రివీల్ చేశారు. ఈ మేరకు ఈ సినిమాకు గానూ ‘మిరాయ్’ అనే టైటిల్‌ను ఖరారు చేశారు. ఈ మేరకు రిలీజ్ చేసిన గ్లింప్స్ ఓ రేంజ్‌లో ఉన్నాయనే చెప్పాలి.
Also Read: తేజ సజ్జ కొత్త సినిమా ‘మిరాయ్’.. ఏంటి బాసు ఆ లేడీతో ఫైట్..?
అందులో తేజ సజ్జ మాస్ యాక్షన్ సీన్లలో కనిపించి అదరగొట్టేశాడు. గ్లింప్స్‌లో యాక్షన్ సీన్స్ మరో రేంజ్‌లో ఉన్నాయనే చెప్పాలి. ఈ గ్లింప్స్ ప్రకారం.. ఈ మూవీ ఒక గ్రంథం చుట్టూ తిరుగుతుందని తెలుస్తోంది. ఏది ఏమైనా తేజ సజ్జ మరో హిట్టు కొట్టబోతున్నాడని ప్రేక్షకులు, అభిమానులు చర్చించుకుంటున్నారు.
పాన్ ఇండియా రేంజ్‌లో తెరకెక్కుతోన్న ఈ మూవీని పీపుల్స్ మీడియా ఫ్యాక్టరీ బ్యానర్‌పై నిర్మిస్తున్నారు. ఇదిలా ఉంటే ఈ మూవీకి సంబంధించి తాజాగా మరొక అప్డేట్ నెట్టింట వైరల్ అవుతోంది. ఇందులో టాలీవుడ్ హీరో మంచు మనోజ్ కీలక పాత్రలో నటిస్తున్నట్లు తెలుస్తోంది. అందుకు సంబంధించి అఫీషియల్ అప్డేట్‌ను త్వరలో వెల్లడించనున్నట్లు సమాచారం.
అయితే ఈ మూవీలో అతడు సెకండ్ హీరోగా కనిపిస్తారా? లేక విలన్‌గా కనిపిస్తారా? అనేది తెలియాల్సి ఉంది. మే 20న మంచు మనోజ్ బర్త్ డే కావడంతో ఆ రోజు ఈ మూవీకి సంబంధించిన క్రేజీ అప్డేట్‌ని రివీల్ చేయనున్నట్లు టాక్ వినిపిస్తోంది. కాగా ఈ ‘మిరాయ్’ సినిమా వచ్చే ఏడాది అంటే 2025 ఏప్రిల్ 18న గ్రాండ్‌గా 2డి, 3డిలో రిలీజ్ కానుంది.