Manchu Manoj: రీ రిలీజ్ లతో కొత్త సినిమాలను చంపొద్దు.. భైరవం పై ఖలేజా ఎఫెక్ట్..

Manchu Manoj: భైరవం(Bhairavam) సినిమా ద్వారా మంచు మనోజ్ ,నారా రోహిత్, బెల్లంకొండ శ్రీనివాస్ మంచి సక్సెస్ అందుకున్నారు. ఈ సినిమా మే 30వ తేదీ ప్రేక్షకుల ముందుకు వచ్చి మంచి పాజిటివ్ టాక్ సొంతం చేసుకుని దూసుకుపోతుంది. విజయ్ కనకమెడల దర్శకత్వంలో ప్రేక్షకుల ముందుకు వచ్చిన ఈ చిత్రం గరుడన్ సినిమాకు రీమేక్ చిత్రంగా ప్రేక్షకుల ముందుకు వచ్చిన విషయం తెలిసిందే .ఇక ఈ సినిమా తెలుగుకు అనుగుణంగా మార్పులు చేసి ప్రేక్షకుల ముందుకు తీసుకువచ్చారు. అన్ని ప్రాంతాలలో ఈ సినిమాకు మంచి పాజిటివ్ టాక్ రావడంతో చిత్ర బృందం ఎంతో సంతోషం వ్యక్తం చేస్తున్నారు. ఈ క్రమంలోనే చిత్ర బృందం సక్సెస్ మీట్ కార్యక్రమాన్ని నిర్వహించారు.

కొత్త సినిమాలపై రీ రిలీజ్ ఎఫెక్ట్…

ఈ సినిమా సక్సెస్ మీట్ కార్యక్రమంలో భాగంగా చిత్ర బృందం మీడియా సమావేశంలో పాల్గొంటూ మీడియా వారు అడిగే ప్రశ్నలకు సమాధానాలు ఇచ్చారు.. ఇక ఈ కార్యక్రమంలో భాగంగా రిపోర్టర్ నిర్మాతను ప్రశ్నిస్తూ… ప్రస్తుతం భైరవం సినిమాతో పాటు ఖలేజా(Khaleja) సినిమాను కూడా తిరిగి విడుదల చేశారు… ఖలేజా సినిమా భైరవం కలెక్షన్ల పై ప్రభావం చూపించిందని మీరు భావిస్తున్నారా? అంటూ ప్రశ్న వేశారు. ఈ ప్రశ్నకు నిర్మాత సమాధానం కచ్చితంగా ఉంటుందని తెలిపారు. ఒక కొత్త సినిమా విడుదలైనప్పుడు పోటీగా మరొక సినిమా విడుదలైతే ఖచ్చితంగా కొత్త సినిమాపై ప్రభావం చూపుతోందని సమాధానం ఇచ్చారు. మరి ఈ విషయం గురించి ఫిలిం ఛాంబర్ లో చర్చించి ఏదైనా నిర్ణయం తీసుకోవచ్చు కదా అంటూ మరొక ప్రశ్న వేశారు.

వీకెండ్ లో వద్దు….

ఇప్పటివరకు ఈ విషయం గురించి ఫిలిం చాంబర్లో చర్చించాలనే ఆలోచన మాకైతే రాలేదు మీరు ఇచ్చిన సలహా కారణంగా ఈ విషయం గురించి అందరూ చర్చిస్తే బాగుంటుందని అభిప్రాయాన్ని వ్యక్తం చేశారు. ఈ క్రమంలోనే మంచు మనోజ్(Manchu Manoj) ఈ విషయంపై స్పందిస్తూ తన నిర్ణయాన్ని కూడా తాను తెలియజేస్తానని తెలిపారు. ఇలా ఒక కొత్త సినిమా విడుదల అవుతున్నప్పుడు పాత సినిమాలను రీ రిలీజ్ చేయటం వల్ల కొత్త సినిమా కలెక్షన్లపై ఆ ప్రభావం చూపుతుందని దయచేసి కొత్త సినిమాలు రిలీజ్ అవుతున్నప్పుడు పాత సినిమాలను రీ రిలీజ్ చేసి కొత్త సినిమాలను చంపొద్దని కోరారు.

#ManchuManoj On Re-Releases:

"Re-releases weekend avoid చేసి… weekdays పెట్టుకుంటే… that will be a great idea.

మన తెలుగు సినిమాను మన తెలుగు సినిమాతోనే చంపుకుంటున్నట్లుగా ఉంది." pic.twitter.com/rlgXH4avd9

— Gulte (@GulteOfficial) May 31, 2025

ఒకవేళ పాత సినిమాలను తిరిగి రీలీజ్ చేయాలి అనుకుంటే వీకెండ్ కాకుండా వీక్ డేస్ లో విడుదల చేస్తే బాగుంటుందనేది నా సొంత అభిప్రాయం అని మనోజ్ ఈ సందర్భంగా రీ రిలీజ్ సినిమాల విడుదల గురించి తన అభిప్రాయాన్ని తెలియజేస్తూ చేసిన ఈ వ్యాఖ్యలు ప్రస్తుతం వైరల్ అవుతున్నాయి. మనోజ్ చేసిన ఈ వ్యాఖ్యలు న్యాయబద్ధంగానే ఉన్నాయని చెప్పాలి. ఒక సినిమా కోసం ఎంతోమంది కష్టపడి పనిచేస్తారు. అలాంటిది సినిమా విడుదలైనప్పుడు ఇదివరకే విడుదలైన బ్లాక్ బాస్టర్ సినిమాలు తిరిగి విడుదల అయితే కచ్చితంగా కొత్త సినిమాలపై ఆ ప్రభావం చూపించి కలెక్షన్లు తగ్గే అవకాశాలు ఉంటాయి. మరి ఈ విషయంపై ఫిలిం ఛాంబర్ లో చర్చించి ఈ సమస్యకు చెక్ పెడతారా లేదా అనేది తెలియాల్సి ఉంది.