Smartphones comparison: గూగుల్ నుంచి వచ్చిన సరికొత్త ఫ్లాగ్షిప్ ఫోన్‌ పిక్సెల్ 10 ప్రో. ఈ ఫోన్‌ మార్కెట్లో అడుగుపెట్టగానే స్మార్ట్‌ఫోన్‌ ప్రపంచంలో కొత్త చర్చ మొదలైంది. ఎందుకంటే ప్రతి సంవత్సరం గూగుల్ తన పిక్సెల్ సిరీస్‌తో ఒక కొత్త ప్రయోగం చేస్తుంది, ఈసారి కూడా అదే జరిగింది. పిక్సెల్ 10 ప్రోను చూసినప్పుడు, ఫోన్‌ అంటే కెమెరా మాత్రమే కాదు, అది ఒక తెలివైన సహాయకుడు అనే భావనను గూగుల్ మళ్లీ నిరూపించింది.
పిక్సెల్ 10 ప్రో
పిక్సెల్ 10 ప్రోలో ప్రధాన ఆకర్షణ టెన్సర్ జి5 చిప్‌. ఇది గూగుల్ స్వయంగా రూపొందించిన ప్రాసెసర్‌. ఈ చిప్‌ ద్వారా ఏఐ సామర్థ్యాలు మరింత శక్తివంతమయ్యాయి. వాయిస్‌ కమాండ్‌లు, లైవ్‌ ట్రాన్స్‌లేషన్‌, ఫోటో ఎడిటింగ్‌, కాల్‌ స్క్రీనింగ్‌ — ఇవన్నీ ఇప్పుడు మరింత వేగంగా, సరిగ్గా పనిచేస్తాయి. ఉదాహరణకు, మీరు ఒక ఫోటో తీస్తే, బ్యాక్‌గ్రౌండ్‌లో ఉన్న అనవసర వస్తువులను మేజిక్‌ ఎడిటర్‌ కొన్ని సెకండ్లలో తొలగిస్తుంది. వీడియోల్లో కూడా కొత్త ఏఐ ఫీచర్లు అద్భుతంగా పనిచేస్తున్నాయి. లైట్‌ తక్కువ ఉన్నప్పుడు కూడా వీడియోలు ప్రకాశవంతంగా, స్పష్టంగా కనిపించేలా చేస్తుంది.
డిజైన్‌ ప్రీమియం అనుభూతి
డిజైన్‌ విషయానికి వస్తే, పిక్సెల్ 10 ప్రోలో 6.3 అంగుళాల ఎల్‌టిపిఓ ఓలీడ్ డిస్‌ప్లే ఉంది. ఈ స్క్రీన్‌ చిన్నగా కనిపించినా, హ్యాండ్‌లో పట్టుకునేందుకు చాలా సౌకర్యంగా ఉంటుంది. గూగుల్ ఈసారి డిస్‌ప్లే క్వాలిటీని మరింత మెరుగుపరచింది. స్క్రోలింగ్‌ చేస్తుంటే ఫ్రేమ్‌రేట్‌ మార్పులు సాఫ్ట్‌గా ఉంటాయి. డిజైన్‌లో గాజు బ్యాక్‌ ఫినిష్‌, మెటల్‌ ఫ్రేమ్‌, క్లీనుగా ఉన్న కెమెరా బార్‌ లుక్‌ ఈ ఫోన్‌కి ప్రీమియం అనుభూతిని ఇస్తుంది.
50 మెగాపిక్సెల్‌ ప్రధాన కెమెరా
కెమెరా విషయానికి వస్తే పిక్సెల్ అనగానే గుర్తొచ్చేది. అద్భుతమైన ఫోటోలు. ఈసారి 50 మెగాపిక్సెల్‌ ప్రధాన కెమెరా, 48 మెగాపిక్సెల్‌ అల్ట్రావైడ్‌, 48 మెగాపిక్సెల్‌ టెలిఫోటో లెన్స్‌ కలిపి ట్రిపుల్‌ రియర్‌ కెమెరా సిస్టమ్‌ను ఇచ్చారు. గూగుల్ ఫోటో ప్రాసెసింగ్‌లో ఉన్న ఏఐ అల్గారిథమ్‌లు ఇప్పుడు మరింత బలంగా పని చేస్తున్నాయి. ఫోటోలో చర్మం సహజంగా కనిపించేలా టోన్‌ బ్యాలెన్స్‌ చేస్తుంది. నైట్‌ ఫోటోలు చాలా వివరంగా వస్తాయి. పిక్సెల్ పోర్ట్రెయిట్‌ ఫోటోలు తీసినప్పుడు సబ్జెక్ట్‌ ఫోకస్‌లో స్పష్టంగా, బ్యాక్‌గ్రౌండ్‌ మృదువుగా కనిపించేలా చేస్తుంది. 42 మెగాపిక్సెల్‌ ఫ్రంట్‌ కెమెరా కూడా చాలా బాగుంది. వీడియో కాల్స్‌ అయినా, వ్లాగింగ్‌ అయినా క్లియర్‌గా కనిపిస్తుంది.
లాగ్‌ లేకుండా గేమ్స్‌ ఆడుకోవచ్చు
పనితీరు విషయానికి వస్తే, టెన్సర్ జి5 చిప్‌తో పాటు 16జిబి ర్యామ్ ఉండటం వల్ల ఫోన్‌ చాలా వేగంగా పనిచేస్తుంది. ఏ యాప్‌ ఓపెన్‌ చేసినా, గేమ్స్‌ ఆడినా, మల్టీటాస్కింగ్‌ చేసినా లాగ్‌ అనేది కనిపించదు. అయితే ఇది పూర్తిగా గేమింగ్‌ ఫోన్‌ కాదు. గూగుల్ దృష్టి మొత్తం స్మార్ట్‌ అనుభవంపై, అంటే రోజువారీ వాడకాన్ని సులభంగా, తెలివిగా మార్చడంపైనే ఉంది.
5000 mAh కెపాసిటీ బ్యాటరీ
బ్యాటరీ 5000 mAh కెపాసిటీతో వస్తుంది. సాఫ్ట్‌వేర్‌ ఆప్టిమైజేషన్‌ బాగుండడం వల్ల సాధారణ వాడకంలో రెండు రోజులు సులభంగా నిలుస్తుంది. 30W వైర్డ్‌ చార్జింగ్‌, క్యూఐ2 వైర్‌లెస్‌ చార్జింగ్‌ సపోర్ట్‌ ఉన్నాయి. నూతన చార్జింగ్‌ స్టాండర్డ్‌ వల్ల మాగ్నెటిక్‌ యాక్సెసరీలతో కూడా సౌకర్యంగా పని చేస్తుంది.
7 ఏళ్ల అప్‌డేట్స్‌తో సాప్ట్‌వేర్
సాఫ్ట్‌వేర్‌ పిక్సెల్ యొక్క ప్రాణం లాంటిది. ఆండ్రాయిడ్ 16తో ఇది వచ్చి, 7 ఏళ్ల అప్‌డేట్లు ఇవ్వబోతున్నామని గూగుల్ ప్రకటించింది. ఇది ప్రస్తుత స్మార్ట్‌ఫోన్‌ ప్రపంచంలో పెద్ద మార్పు. ఆపిల్‌ ఐఫోన్‌లకు మాత్రమే ఇంతకాలం సపోర్ట్‌ దొరికేది, ఇప్పుడు ఆ స్థాయికి గూగుల్ చేరింది. దీని అర్థం మీరు ఈ ఫోన్‌ కొన్న తర్వాత 2032 వరకూ కొత్త అప్‌డేట్లు, సెక్యూరిటీ ప్యాచ్‌లు పొందుతారు.
శాంసంగ్‌ గెలాక్సీ – ఐఫోన్ 17 ప్రో సింక్లో ఏది బెస్ట్
ఇప్పుడు పోటీదారులతో పోల్చితే, శాంసంగ్‌ గెలాక్సీ S25 అల్ట్రా పెద్ద స్క్రీన్‌, ఎక్కువ బ్రైట్‌నెస్‌, ఫాస్ట్‌ చార్జింగ్‌లో ముందుంటుంది. ఐఫోన్ 17 ప్రో వీడియో స్టెబిలిటీ, ఎకోసిస్టమ్‌ సింక్లో బలంగా ఉంటుంది. కానీ గూగుల్ పిక్సెల్ 10 ప్రో మాత్రం ఏఐ అనుభవంలో, ఫోటోగ్రఫీలో, సాఫ్ట్‌వేర్‌ సపోర్ట్‌లో వీరిని మించి నిలుస్తుంది. పిక్సెల్ అనేది కేవలం హార్డ్‌వేర్‌ కాదు, సాఫ్ట్‌వేర్‌ తెలివి కలిసిన ఫోన్‌.
ఇండియా మార్కెట్లో కొనడం సులభమేనా?
ఇండియా మార్కెట్లో కూడా ఇప్పుడు పిక్సెల్ కొనడం చాలా సులభమైంది. గూగుల్ అధికారిక స్టోర్‌ నుంచి డైరెక్ట్‌గా ఆర్డర్‌ చేయొచ్చు. ఫ్లిప్‌కార్ట్‌, రిలయన్స్‌ డిజిటల్‌లో కూడా అందుబాటులో ఉంది. ధర సుమారు రూ.94,999 నుండి ప్రారంభమవుతుంది. కొన్ని ఆఫర్లతో ఇది రూ.85,000 వరకూ తగ్గుతుంది.
ఈ మూడింటిలో ఏది బెస్ట్ అంటే?
పిక్సెల్ 10 ప్రో 2025లో స్మార్ట్‌ అనుభవం కావాలంటే ఇదే ఫోన్‌ అని చెప్పవచ్చు. ఎవరైనా ఫోటోలను ఎక్కువగా తీసేవారు, వ్లాగ్‌ చేయేవారు, స్మార్ట్‌ ఏఐ సహాయం కావాలనుకునేవారు, వారికి ఇది అద్భుతమైన ఎంపిక. ఐఫోన్ లేదా శాంసంగ్‌తో పోలిస్తే ఫోటోల్లో పిక్సెల్ సహజంగా కనిపిస్తుంది, సాఫ్ట్‌వేర్‌ సపోర్ట్‌ దీర్ఘకాలం ఉంటుంది. గూగుల్ సొంత చిప్‌, ఏఐ ఫీచర్ల కలయికతో పిక్సెల్ 10 ప్రోలో ఫ్లాగ్షిప్ పోరులో ఒక ప్రత్యేక స్థానాన్ని సంపాదించింది.
Share
Revanth Reddy Birthday: అభిమాని బర్త్ డే గిఫ్ట్.. ట్యాంక్ బండ్ పై సీఎం రేవంత్ సైకత శిల్పం
Pratika Rawal Medal : ప్రతీకా రావల్ కు ఘోర అవ‌మానం..కానీ అంత‌లోనే ట్విస్ట్‌, ICC బాస్ జై షా నుంచి పిలుపు
