Operation Valentine: మెగా ప్రిన్స్ వరుణ్ తేజ్ బ్లాక్ బస్టర్ కంబ్యాక్ కోసం ఎంతగానో ఎదురుచూస్తున్నాడు. వరుస పెట్టి సినిమాలు చేస్తూ ప్రేక్షకాభిమానులను అలరిస్తున్నాడు. వరుణ్ తేజ్కు హిట్ పడి చాలా కాలమే అయింది. ఇటీవల ఎన్నో అంచనాలతో ప్రేక్షకుల ముందుకు వచ్చిన ‘గాండీవధారి అర్జున’ మూవీ కూడా బాక్సాఫీసు వద్ద ఘోరంగా విఫలమైంది. ఈ సినిమాపై ఎన్నో ఆశలు పెట్టుకున్న వరుణ్కు నిరాశే మిగిలింది.
దీంతో తన తదుపరి మూవీని ఆచి తూచి సెలెక్ట్ చేసుకుంటున్నాడు. ప్రేక్షకులకు ఎలాంటి స్టోరీ అయితే కనెక్ట్ అవుతుందో.. అలాంటి కథలనే ఎంచుకుంటున్నాడు. ఇందులో భాగంగా ఇప్పుడు ఓ మూవీ చేస్తున్నాడు. శక్తిప్రతాప్ సింగ్ దర్శకత్వంలో ‘ఆపరేషన్ వాలెంటైన్’ మూవీ చేస్తున్నాడు. ఈ మూవీను దర్శకుడు ఎంతో ప్రతిష్టాత్మకంగా తెరకెక్కిస్తున్నాడు. తెలుగు, హిందీ భాషల్లో తెరకెక్కుతోన్న ఈ మూవీ ద్వారా వరుణ్ బాలీవుడ్లోకి ఎంట్రీ ఇవ్వబోతున్నాడు.
మాజీ మిస్ యూనివర్స్ మానుషి చిల్లర్ హీరోయిన్గా నటిస్తోన్న ఈ మూవీని సోనీ పిక్చర్స్ ఇంటర్నేషనల్ ప్రొడక్షన్స్, రినైసన్స్ పిక్చర్స్ సంస్థలు సంయుక్తంగా నిర్మిస్తున్నాయి. భారతదేశంలో ఎదుర్కొన్న అతిపెద్ద వైమానిక దాడుల నేపథ్యంలో యథార్థ సంఘటనల ఆధారంగా ఈ మూవీ రూపుదిద్దుకుంటోంది. ఇందులో వరుణ్ తేజ్ ఫైటర్ పైలట్గా నటిస్తుండగా.. మానుషి చిల్లర్ రాడార్ ఆఫీసర్గా కనిపించనుంది.
ఇక ఇప్పటికే ఈ మూవీ నుంచి విడుదలైన పోస్టర్స్, గ్లింప్స్ ప్రేక్షకుల్లో భారీ అంచనాలను పెంచేశాయి. వీటికి అభిమానుల నుంచి మంచి రెస్పాన్స్ కూడా వచ్చింది. దీంతో ఈసారి అయినా వరుణ్ తేజ్ మంచి హిట్ కొట్టాలని అంతా అనుకుంటున్నారు. ఇప్పటికే ఈ మూవీ రిలీజ్ డేట్ను మేకర్స్ అనౌన్స్ చేసినా.. అది వాయిదాలు పడుతూ వచ్చింది.
తాజాగా మరొకసారి కొత్త రిలీజ్ డేట్ను అనౌన్స్ చేశారు. ఈ సినిమాను మార్చి 1న రిలీజ్ చేస్తున్నట్లు తాజాగా తెలిపారు. దీంతో ఎప్పుడెప్పుడు ఈ సినిమా వస్తుందా? అని ఎదురుచూస్తున్న అభిమానులకు ఇదొక సర్ప్రైజ్ అనే చెప్పాలి.
Share
Chiranjeevi - Venkaiah Naidu: ఆ కారణంతోనే నేను రాజకీయాల నుంచి బయటకు వచ్చేశాను: చిరంజీవి
CM Revanth Reddy : పాపాలను కాంగ్రెస్ పై నెట్టే కుట్ర.. బీఆర్ఎస్ పై సీఎం రేవంత్ రెడ్డి ఫైర్..
