Naa Anveshana: సోషల్ మీడియా ఇన్ఫ్లుయెన్సర్, యూట్యూబర్ గా పేరు దక్కించుకున్న నా అన్వేషణ అన్వేష్ దేశాలు చుట్టేస్తూ.. అక్కడ విషయాలను ఫాలోవర్స్ తో పంచుకుంటూ మరింత పాపులారిటీ సొంతం చేసుకున్నారు. ప్రపంచ యాత్రికుడు, నా అన్వేషణ వంటి యూట్యూబ్ ఛానల్స్ ద్వారా 70 లక్షలకు పైగా ఫాలోవర్స్ ను కలిగి ఉన్న ఈయన.. ఇటీవల తనకు సంబంధంలేని విషయాలలో తలదూర్చి భారీగా ఫాలోవర్స్ ను కోల్పోవడమే కాకుండా పోలీస్ కేస్ అంటూ ఇబ్బందుల్లో పడ్డారు.
అయితే అలాంటి అన్వేష్ తాజాగా కీలక నిర్ణయం తీసుకున్నారు. ఇకపై మీకోసం కాదు నాకోసం అంటూ చేసిన కామెంట్లు సోషల్ మీడియాలో వైరల్ గా మారుతున్నాయి. ట్రావెల్లర్ గా పేరు దక్కించుకున్న అన్వేష్ తాజాగా మాట్లాడుతూ.. ఇకపై నేను ట్రావెలింగ్ ఆపేద్దాం అనుకుంటున్నాను. ఇప్పటికే 130 దేశాలు తిరిగాను. ఇక సంపాదించింది చాలు. ప్రస్తుతం నా దగ్గర 8కోట్లు ఉన్నాయి. వీటితో మీకోసం కాదు ఇకపై నాకోసం మిగిలిన దేశాలు తిరుగుతాను. ప్రాణం ఉన్నంతవరకు ప్రజా సమస్యలపై పోరాడుతాను” అంటూ ఒక వీడియో రిలీజ్ చేశారు. ప్రస్తుతం అన్వేష్ చేసిన ఈ కామెంట్లు సోషల్ మీడియాలో వైరల్ గా మారుతున్నాయి. ప్రపంచం తిరగడమే పనిగా పెట్టుకున్నాడేమో అంటూ కామెంట్లు చేస్తున్నారు నెటిజన్స్.
ALSO READ:Manchu Family: మంచు ఇంట మొదలైన సంక్రాంతి సంబరాలు.. ఉద్యోగులకు బట్టలు, డబ్బు పంపిణీ.
ప్రముఖ నటుడు శివాజీ గత ఏడాది డిసెంబర్లో హీరోయిన్స్ వస్త్రధారణ పై కామెంట్ చేసిన విషయం తెలిసిందే. అయితే ఈయన కామెంట్లకు చాలామంది మద్దతుగా నిలిచారు. కానీ అన్వేష్ మాత్రం ఈ విషయంపై తలదూర్చి ఇబ్బందుల్లో పడ్డారు. అంతేకాదు గరికపాటిపై కూడా వివాదాస్పద వ్యాఖ్యలు చేశారు. దీంతో రంగంలోకి దిగిన గరికపాటి టీం ఆయనపై విమర్శలు గుప్పిస్తూ చర్యలు తీసుకోవాలని ఒక ప్రకటన విడుదల చేసింది. అంతేకాదు ఇండియాని కూడా దూషిస్తూ కామెంట్లు చేయడంతో చాలామంది ఈయనపై విమర్శలు గుప్పించారు. పైగా 20 లక్షల మందికి పైగా ఫాలోవర్స్ అన్ ఫాలో కొట్టారు. అయినా కూడా ఇతడి నోటి దూల ఆగడం లేదు. దీంతో రంగంలోకి దిగిన కరాటే కళ్యాణి పంజాగుట్ట పోలీస్ స్టేషన్లో ఇతనిపై కేసు కూడా ఫైల్ చేయించింది.
ఇకపోతే అన్వేష్ ఇండియాలోకి అడుగుపెట్టగానే అరెస్టు చేయడానికి పోలీసులు సిద్ధంగా ఉన్నట్లు సమాచారం. ముఖ్యంగా అతడి వివాదాస్పద వీడియోలు నెటిజన్ లకి కూడా ఆగ్రహాన్ని తెప్పిస్తున్నాయి. ఈ క్రమంలోనే ఇతడిని ఏ క్షణమైనా అరెస్టు చేయవచ్చు అనే కామెంట్లు కూడా వ్యక్తం అవుతూ ఉండడం గమనార్హం.
?utm_source=ig_web_copy_link&igsh=MzRlODBiNWFlZA==
Share
Telangana Govt: పోలవరం-నల్లమల సాగర్ ప్రాజెక్టు, పిటిషన్ వెనక్కి తీసుకున్న తెలంగాణ ప్రభుత్వం
Best Mileage Cars Petrol: సెలెరియో TO నెక్సాన్.. సూపర్ మైలేజ్ ఇచ్చే పెట్రోల్ కార్లు ఇవే!
