Nithin – Robinhood: టాలీవుడ్ హీరో నితిన్కి హిట్ పడి చాలా కాలమే అయింది. వరుస పెట్టి సినిమాలు చేస్తున్నా.. ఆశించినంత స్థాయిలో ప్రేక్షకులను ఆకట్టుకోలేకపోతున్నాడు. అయినా ఎక్కడా కూడా నిరాశ పడకుండా.. హిట్లు ఫ్లాపులతో సంబంధం లేకుండా వరుస సినిమాలు చేస్తూ దూసుకుపోతున్నాడు.
గతేడాది ‘ఎక్స్ట్రా ఆర్డినరీ మ్యాన్’ మూవీతో ప్రేక్షకులను పలకరించాడు. అయితే ఎన్నో అంచనాలతో థియేటర్లలో రిలీజ్ అయిన ఈ చిత్రం పెద్దగా ఆకట్టుకోలేకపోయింది. ఈ మూవీ రిలీజ్కు ముందు మంచి పాజిటివ్ రెస్పాన్స్ అందుకున్నా.. రిలీజ్ తర్వాత మాత్రం ఆకట్టుకోవడంలో విఫలం అయింది. దీంతో ఈ చిత్రాన్ని ప్రేక్షకులు రిజెక్ట్ చేశారు.
అయితే ఈ సారి ఎలా అయినా బ్లాక్ బస్టర్ హిట్ కొట్టాలని నిర్ణయించుకున్నాడు. ఇందులో భాగంగానే ఇప్పుడు ఓ డిఫరెంట్ కాన్సెప్ట్తో ప్రేక్షకుల ముందుకు రావడానికి సిద్దమయ్యాడు. ఇందులో భాగంగా ఇప్పుడు దర్శకుడు వెంకీ కుడుముల డైరెక్షన్లో ‘రాబిన్హుడ్’ మూవీ చేస్తున్నాడు. ఇదివరకే నితిన్ – వెంకీ కుడుముల కాంబోలో వచ్చిన ‘భీష్మ’ సూపర్ హిట్ అయింది. ఇక ఇప్పటి మరో సారి వీరి కాంబో సెట్ కావడంతో అందరిలోనూ భారీ అంచనాలు ఏర్పడ్డాయి.
Also Read : ‘రాబిన్హుడ్’ కోసం రామ్-లక్ష్మణ్లు.. ఈ సీక్వెన్స్ సినిమాకే హైలైట్
కాగా ఇప్పటికే ఈ మూవీ నుంచి విడుదలైన పోస్టర్లు, గ్లింప్స్ చాలా అద్భుతంగా ప్రేక్షకుల్ని ఆకట్టుకున్నాయి. ముఖ్యంగా గ్లింప్స్లో నితిన్ లుక్ అందరినీ అట్రాక్ట్ చేశాయి. ఎన్నడూ లేని పాత్రలో నితిన్ నటిస్తున్నట్లు తెలుస్తోంది. ఇదిలా ఉంటే తాజాగా ఈ మూవీకి సంబంధించి అదిరిపోయే అప్డేట్ను మేకర్స్ అందించారు.
ఇవాళ శ్రీరామనవమి సందర్భంగా ఈ మూవీ రిలీజ్ డేట్ను అనౌన్స్ చేశారు. ఈ చిత్రాన్ని ఈ ఏడాది డిసెంబర్ 20న రిలీజ్ చేస్తున్నట్లు సోషల్ మీడియా వేదికగా వెల్లడించారు. ఈ మేరకు ఓ పోస్టర్ రిలీజ్ చేశారు. అందులో నితిన్ క్యాప్ పెట్టుకొని ఓ బైక్పై కూర్చుని చాలా సీరియస్ ఉండటం చూడవచ్చు. ప్రస్తుతం ఈ పోస్టర్ నెట్టింట వైరల్ అవుతోంది. ఈ అప్డేట్తో సినీ ప్రియులు, అభిమానులు ఫుల్ ఖుష్ అవుతున్నారు. ఈ మూవీతో పాటు నితిన్ మరోక కొత్త చిత్రాన్ని ఇటీవలే ప్రకటించాడు. తమ్ముడు అనే టైటిల్తో కొత్త చిత్రంతో ప్రేక్షకుల ముందుకు వస్తున్నాడు.
Make way for the conman you'd love to meet ❤🔥#Robinhood in cinemas from December 20th, 2024 💥💥@actor_nithiin @VenkyKudumula @gvprakash @SonyMusicSouth pic.twitter.com/8uARUhDGlX
— Mythri Movie Makers (@MythriOfficial) April 17, 2024
Share
Vivo T3x 5G : వివో నుంచి చీపెస్ట్ ఫోన్.. 50MP, 6000mAh బ్యాటరీ దీని సొంతం!
Jharkhand Crime News : దారుణం.. భార్య, పిల్లల్ని గొడ్డలితో నరికి చంపిన కర్కశుడు
