Nithin: ‘రాబిన్‌హుడ్’ కోసం రామ్-లక్ష్మణ్‌లు.. ఈ సీక్వెన్స్ సినిమాకే హైలైట్

Robinhood – Nithin: టాలీవుడ్ హీరో నితిన్ ప్రస్తుతం భారీ హిట్టు కోసం ప్రయత్నిస్తున్నాడు. హిట్లు ఫ్లాపులతో సంబంధం లేకుండా వరుసపెట్టి సినిమాలు తీస్తూ ప్రేక్షకులను అలరిస్తున్నాడు. అయితే ఈ హీరోకి హిట్టు పడి చాలా కాలమే అయింది. అందువల్ల ఇప్పుడు మంచి హిట్టు కోసం ఎదురుచూస్తున్నాడు.

ఇటీవలే ‘ఎక్స్‌ట్రా ఆర్డినరీ మ్యాన్’ మూవీతో ప్రేక్షకుల ముందుకు వచ్చిన ఈ హీరో అంతగా ఆకట్టుకోలేకపోయాడు. ఈ మూవీపై మంచి అంచనాలు మొదటి నుంచి ఉండగా.. రిలీజ్ అయిన తర్వాత రెస్పాన్స్ అనుకున్నంత స్థాయిలో అందలేదు. దీంతో ఈ మూవీ థియేటర్ వద్ద ఫ్లాపుగా మిగిలింది.

ఇక ఈ సారి ఎలాగైనా హిట్టు కొట్టాలనే గట్టిగా నిర్ణయించుకున్నాడు. ఇందులో భాగంగా ఇప్పుడు సక్సెస్ ఫుల్ డైరెక్టర్ వెంకీ కుడుములతో చేతులు కలిపాడు. ఇక వీరి కాంబోలో ఇప్పటికే వచ్చిన ‘భీష్మ’ మూవీ ఎంతటి విజయం సాధించిందో అందరికీ తెలిసిందే.

దీంతో మరోసారి ఈ క్రేజీ కాంబినేషన్‌ రిపీట్ కావడంతో అందరిలోనూ భారీ అంచనాలు ఏర్పడ్డాయి. ఈ మూవీకి సంబంధించిన అప్డేట్‌ను ఇటీవల రిపబ్లిక్ డే సందర్భంగా రిలీజ్ చేశారు. ఈ మూవీకి గానూ ‘రాబిన్ హుడ్’ అనే టైటిల్‌ను ఖరారు చేశారు. ఇందుకు సంబంధించి విడుదల చేసిన గ్లింప్స్ సినీ ప్రియుల్లో ఫుల్ ఉత్సాహాన్ని నింపాయి.

ఇందులో నితిన్ ఓ దొంగగా కనిపించబోతున్నట్లు ఆ గ్లింప్స్ ద్వారా తెలుస్తోంది. ఈ ఒక్క గ్లింప్స్‌తో సినిమాపై అంచనాలు భారీగా పెరిగిపోయాయి. మైత్రి మూవీ మేకర్స్ ఈ మూవీని అత్యంత గ్రాండ్ లెవెల్లో నిర్మిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది. ఇందులో భాగంగా తాజాగా ఈ మూవీకి సంబంధించి ఓ అప్డేట్ బయటకొచ్చింది.

‘రాబిన్ హుడ్’ మూవీ యూనిట్ తాజాగా ఇంటర్వెల్ యాక్షన్ ఎపిసోడ్ షూటింగ్‌ను స్టార్ట్ చేసింది. ఈ యాక్షన్ ఎపిసోడ్ కోసం చిత్రబృందం ప్రముఖ ఫైట్ మాస్టర్స్ రామ్ లక్ష్మణ్‌లను రంగంలోకి దించింది. ప్రతి సినిమాలో తమ మార్క్ చూపించే ఫైట్ మాస్టర్స్ రామ్ లక్ష్మణ్‌లు ఈ మూవీని ఇంట్రెస్టింగ్‌గా డిజైన్ చేశారు.

ముఖ్యంగా ఇంటర్వెల్ రానున్న ఓ యాక్షన్ సీక్వెన్స్ కోసం బాగా హార్డ్ వర్క్ చేస్తున్నట్లు తెలుస్తోంది. ఈ సీక్వెన్స్ మూవీకే హైలెట్‌గా నిలుస్తుందని అంటున్నారు. చూడాలి మరి ఈ మూవీ నితిన్ కెరీర్‌ను మారుస్తుందా? లేదా అని. ఇకపోతే ఈ మూవీకి జివి ప్రకాష్ కుమార్ మ్యూజిక్ అందిస్తున్నాడు.