NTR 30 : ఎన్టీఆర్ లేటెస్ట్ మూవీ NTR 30 కొరటాల శివ దర్శకత్వంలో రూపొందుతోన్న సంగతి తెలిసిందే. రామోజీ ఫిల్మ్ సిటీలో వేసిన స్పెషల్ సెట్లో చిత్రీకరణ జరుగుతుంది. పాన్ ఇండియా మూవీగా రూపొందుతోన్న ఈ చిత్రాన్ని మేకర్స్ భారీ బడ్జెట్తో రూపొందిస్తున్నారు. ఇందులో బాలీవుడ్ స్టార్ సైఫ్ అలీఖాన్ విలన్గా నటిస్తున్నారు. తాజా షెడ్యూల్లో ఎన్టీఆర్, సైఫ్లపై సన్నివేశాలను చిత్రీకరిస్తున్నారు. తాజాగా ఈ టీమ్లో బుల్లి తెర బ్యూటీ చైత్రా రాయ్ జాయిన్ అయ్యింది. ఈ విషయాన్ని ఆమెనే స్వయంగా తెలియజేసింది.
రీసెంట్ ఇంటర్వ్యూలో చైత్రా రాయ్ మాట్లాడుతూ ‘‘ఎన్టీఆర్, సైఫ్ అలీఖాన్లను సెట్స్లో కలవటం చాలా అదృష్టం. వారితో కలిసి నటించటం ఓవరంగా భావిస్తున్నాను’’ అని తెలిపారు. NTR 30లో సైఫ్ అలీఖాన్ భార్య పాత్రలో చైత్ర కనిపించనుంది. తెలుగు, కన్నడలో పలు సీరియల్స్ ద్వారా ఆడియెన్స్ను ఆకట్టుకున్న ఈమె తెలుగులో అష్టాచమ్మా సీరియల్తో పరిచయం అయ్యారు. అత్తారింట్లో అక్కా చెల్లెళ్లు, దటీజ్ మహాలక్ష్మి వంటి సీరియల్స్లోనూ నటించారు. ఇప్పుడు రాధకు నీవేరా ప్రాణం సీరియల్లో నటిస్తున్నారు చైత్రా రాయ్.
RRR తర్వాత ఎన్టీఆర్ నటిస్తోన్న పాన్ ఇండియా మూవీ NTR 30 కావటంతో సినిమాపై భారీ అంచనాలు నెలకొన్నాయి. సముద్రం బ్యాక్ డ్రాప్లో తెరకెక్కుతోన్న చిత్రమిది. బాలీవుడ్ బ్యూటీ జాన్వీ కపూర్ హీరోయిన్గా నటిస్తోంది. ఎన్టీఆర్ను కొరటాల మాస్ అవతార్లో ప్రెజంట్ చేయబోతున్నారు. ముఖ్యంగా యాక్షన్ సన్నివేశాలు, వీఎఫ్ఎక్స్ కోసం హాలీవుడ్ టెక్నీషియన్స్ కూడా జాయిన్ అయ్యారు. ప్లానింగ్ ప్రకారం షూటింగ్ శరవేగంగా జరుగుతోంది. వచ్చే ఏడాది ఏప్రిల్ 5న NTR 30 రిలీజ్ కానుంది. నందమూరి కళ్యాణ్ ఎన్టీఆర్ ఆర్ట్స్, యువ సుధ ఆర్ట్స్ బ్యానర్స్పై హరికృష్ణ.కె, మిక్కిలినేని సుధాకర్ ఈ చిత్రాన్ని నిర్మిస్తున్నారు.
Share
Hyderabad: 'ORR'పై పొలిటికల్ రేస్.. ఆ సొమ్మంతా అందుకేనా?.. గ'లీజు' దందా?
Rains: అకాల వర్షం.. పంట నష్టం.. అన్నదాతకు చానా కష్టం..
