Prabhu:రంగంతో అనుబంధం ఉన్న వారికి కోలీవుడ్‌కి చెందిన దివంగ‌త సీనియ‌ర్ న‌టుడు శివాజీ గ‌ణేష‌న్ గురించి ప్ర‌త్యేకంగా చెప్ప‌న‌క్క‌ర్లేదు. ఆయ‌న‌కు ఇద్ద‌రు కుమారుల్లో ప్ర‌భు సినీ ఇండ‌స్ట్రీలోకి హీరోగా ఎంట్రీ ఇచ్చారు. ఇప్పుడు ప‌లు చిత్రాల్లో క్యారెక్టర్ ఆర్టిస్ట్‌గానూ రాణిస్తున్నారు. ఈ సీనియ‌ర్ స్టార్ ఘ‌ర్ష‌ణ, చంద్రముఖి వంటి చిత్రాల ద్వారా తెలుగు ప్రేక్ష‌కుల‌కు కూడా సుప‌రిచితుడే. ఈయ‌న ఇప్పుడు చెన్నైలోని ఓ ప్రైవేటు హాస్పిటల్లో జాయిన్ కావ‌టంతో అభిమానులు టెన్ష‌న్ ప‌డుతున్నారు.
అస‌లేం జ‌రిగిందంటే ప్ర‌భు కొన్నాళ్లుగా కిడ్నీ సంబంధిత వ్యాధితో బాధ‌ప‌డుతున్నారు. దీంతో ఆయ‌న్ని హాస్పిటల్లో జాయిన్ చేశారు. లేజ‌ర్ ట్రీట్మెంట్‌తో కిడ్నీలోని రాళ్ల‌ను తీసేసిన‌ట్లు డాక్ట‌ర్స్ చెప్పారు. మరో రెండు, మూడు రోజుల్లో ప్ర‌భుని హాస్పిట‌ల్ నుంచి డిశ్చార్జ్ చేస్తామ‌ని డాక్ట‌ర్స్ తెలిపారు.
ఇక బాల న‌టుడిగానే కెరీర్ స్టార్ట్ చేసిన ప్ర‌భు.. శివాజీ గ‌ణేష‌న్‌ను ఫాలో అవుతూ హీరోగా త‌మిళంలోనే ఎంట్రీ ఇచ్చి అక్క‌డే స్థిర‌ప‌డ్డారు. ఎన‌బై, తొంబై ద‌శ‌కాల్లో ప్ర‌భు హీరోగా ఓ వెలుగు వెలిగారు. త‌ర్వాత హీరో నుంచి క్యారెక్టర్ ఆర్టిస్ట్‌గా మారిపోయారు. డార్లింగ్‌లో ప్ర‌భాస్ తండ్రిగా న‌టించారు. ఇలా ప‌లు తెలుగు, త‌మిళ చిత్రాల్లో న‌టించారు. రీసెంట్‌గా ఆయ‌న వెండితెర‌పై క‌నిపించిన చిత్రం వారిసు.
Share
Sania Mirza : టెన్నిస్ కు సానియా గుడ్ బై.. కెరీర్ సాగింది ఇలా.. రికార్డులెన్నో..
Governor : కొత్త గవర్నర్ గా బాధ్యతలు చేపట్టనున్న అబ్దుల్ నజీర్..బిశ్వభూషణ్ కు వీడ్కోలు..
