Pushpa 2: ఐకాన్ స్టార్ అల్లు అర్జున్, రష్మిక మందన్న జంటగా నటిస్తోన్న మోస్ట్ అవైటెడ్ మూవీ ‘పుష్ప 2’. లెక్కల మాస్టర్ సుకుమార్ ఈ చిత్రాన్ని అత్యంత ప్రతిష్మాత్మకంగా తెరకెక్కిస్తున్నాడు. మూడేళ్ల క్రితం వచ్చిన పుష్ప మూవీ ప్రపంచ వ్యాప్తంగా సినీ ప్రియుల్ని ఎంతో అద్భుతంగా ఆకట్టుకుంది. దీంతో ఈ మూవీకి సీక్వెల్‌ ప్రకటించారు. ఇక అప్పటి నుంచి ఈ మూవీ కోసం సినీ ప్రియులు ఎంతో ఉత్కంఠగా ఎదురుచూస్తున్నారు.
ఈ నేపథ్యంలో మూవీ మేకర్స్ ఎప్పటికప్పుడు అప్డేట్‌లను వదులుతూ ప్రేక్షకాభిమానుల్లో ఫుల్ హైప్ క్రియేట్ చేస్తున్నారు. ఇప్పటికే ఈ మూవీ నుంచి విడుదలైన పోస్టర్స్, ఫస్ట్ లుక్ గ్లింప్స్ సినిమాపై అద్భుతమైన రెస్పాన్స్‌ క్రియేట్ చేశాయి. కాగా ఈ మూవీని ఈ ఏడాది ఆగస్టు 15న రిలీజ్ చేయనున్నట్లు మేకర్స్ ఇదివరకే వెల్లడించారు. ఈ క్రమంలో తాజాగా ఈ మూవీకి సంబంధించి మేకర్స్ మరో సర్ప్రైజ్ అందించారు.
ఈ మేరకు పుష్ప 2 టీజర్ రిలీజ్ డేట్‌ను అనౌన్స్ చేసి ట్రీట్ అందించారు. ఇందులో భాగంగా ఏప్రిల్ 8వ తేదీన ఈ మూవీ టీజర్‌ను రిలీజ్ చేస్తున్నట్లు అఫీషియల్‌గా వెల్లడించారు. అంతేకాకుండా కొత్త పోస్టర్‌ను వదిలారు. అందులో అల్లు అర్జున్ గజ్జకట్టిన కాలును చూపించి టీజర్ డేట్‌ను ప్రకటించారు. కాగా ఇప్పుడీ పోస్టర్ కాపీ అని నెట్టింట ఓ వార్త చక్కర్లు కొడుతోంది. బన్నీ కాళ్లకు గజ్జలు కట్టిన ఈ పోస్టర్.. ఇదివరకే రిలీజ్ అయిన ఓ సినిమా పోస్టర్ నుంచి కాపీ కొట్టారని వార్తలు చక్కర్లు కొడుతున్నాయి.
Also Read: ఈ వారం ఓటీటీలో సందడే సందడి.. మొత్తం సినిమాల లిస్ట్ ఇదే
అయితే అది ఏ సినిమా అని అనుకుంటున్నారా?.. తిరువీర్, ఫరియా అబ్దుల్లా హీరో హీరోయిన్లుగా నటిస్తున్న ‘భగవంతుడు’ మూవీ. రవి పనస ఫిలిం కార్పోరేషన్ ఈ చిత్రాన్ని నిర్మిస్తుంది. మహా శివరాత్రి కానుకగా ఈ మూవీ పోస్టర్‌ని మేకర్స్ రిలీజ్ చేశారు. అందులో ‘భగవంతుడు’ అనే ఒక టైటిల్‌తో.. గజ్జలు కట్టుకున్న ఒక మనిషి కాళ్లని చూపించారు. అయితే ఆ పోస్టర్ ఎంతో క్రియేటివిటీగా ఉండటంతో బాగా వైరల్ అయింది.
దీంతో ఈ మూవీ పోస్టర్ రిలీజ్ అయిన ఇన్ని రోజులకి పుష్ప 2 పోస్టర్ కూడా సేమ్ అలానే ఉండటంతో చాలామంది ఇది కాపీ పోస్టర్ అంటూ కామెంట్లు పెడుతున్నారు. ముందుగా ‘భగవంతుడు’ మూవీ పోస్టర్ రిలీజ్ అయింది కాబట్టి.. పుష్ప 2 మూవీ యూనిట్ ఈ పోస్టర్‌ని కాపీ చేసిందని కొందరు నెటిజన్లు సోషల్ మీడియాలో కామెంట్ల వర్షం కురిపిస్తున్నారు. ప్రస్తుతం అందుకు సంబంధించిన వార్త నెట్టింట వైరల్‌గా మారింది.