Ramya Raghupathi: కృష్ణ‌గారితో నాకు సంబంధం అంట‌గ‌ట్టాడు: ర‌మ్యా ర‌ఘుప‌తి

Ramya Raghupathi : సీనియ‌ర్ న‌టుడు వి.కె.న‌రేష్‌, అతని మూడో భార్య ర‌మ్యా ర‌ఘుప‌తికి మ‌ధ్య చానాళ్లుగా గొడ‌వ జ‌రుగుతుంది. న‌టి ప‌విత్రా లోకేష్‌ను న‌రేష్ త్వ‌ర‌లోనే వివాహం చేసుకోబోతున్న‌ట్లు ఇటీవ‌ల ప్ర‌క‌టించిన సంగ‌తి తెలిసిందే. ఆ ప్ర‌క‌ట‌నకు సంబంధించిన వీడియో న‌రేష్‌, ప‌విత్రా లోకేష్ లిప్ లాక్ కూడా ఉండ‌టం అనేది హాట్ టాపిక్‌గా మారింది. దీనిపై న‌రేష్ మూడో భార్య ర‌మ్యా ర‌ఘుప‌తి ఓ ఇంటర్వ్యూలో రియాక్ట్ అయ్యింది. ‘‘నరేష్ దారుణాలు రోజు రోజుకీ మితిమీరిపోతున్నాయి. న‌న్ను వ‌దిలించుకోవ‌టానికి దారుణాతి దారుణ‌మైన ఆరోప‌ణ‌లు చేశాడు. దేవుడులాంటి కృష్ణ‌గారితో నాకు అక్ర‌మ సంబంధం అంట‌గ‌ట్టాడు. నా ద్వారా కృష్ణ‌గారికి ప్రాణ హాని ఉన్న‌ట్లు ఓ లెట‌ర్‌ను న‌రేష్ రాసి.. కృష్ణ‌గారి సంత‌కాన్ని ఫోర్జ‌రీ చేసి నాపై కేసు పెట్టాడు. నా ద‌గ్గ‌ర ఆధారాలు కూడా ఉన్నాయి.

కృష్ణ‌గారి పేరు పోవ‌టం నాకు ఇష్టం లేక‌, ఆయ‌న‌పై మర్యాద‌తో ఇన్నాళ్లు ఈ విష‌యం బయ‌ట‌కు చెప్ప‌లేదు. ప‌విత్రా లోకేష్ తొలిసారి మా ఇంటికి వ‌చ్చిన‌ప్పుడు నా చేత్తో త‌న‌కు అన్నం పెట్టాను. ఇప్పుడామె నాకు సున్నం పెట్టాల‌ని చూస్తుంది. నేను వారి పెళ్లి జ‌ర‌గ‌నివ్వ‌ను. న‌రేష్‌కు విడాకులిచ్చే ప్ర‌స‌క్తే లేదు’’ అని చెప్పింది. మ‌రి ర‌మ్యా ర‌ఘుప‌తి లేటెస్ట్ వ్యాఖ్య‌ల‌పై వి.కె.న‌రేష్ ఎలా రియాక్ట్ అవుతాడో చూడాలి మ‌రి.