టాలీవుడ్ స్టార్ హీరోలు యంగ్ టైగర్ ఎన్టీఆర్, మెగా పవర్ స్టార్ రామ్ చరణ్‌లతో దర్శక ధీరుడు రాజమౌళి తెరకెక్కించిన పాన్ ఇండియా మూవీ RRR. ఈ ఏడాది మార్చిలో ఇండియాలో విడుదలైన ఈ చిత్రం సెన్సేషనల్ హిట్ అయ్యి ఏకంగా రూ. 1200 కోట్ల రూపాయల కలెక్షన్స్‌ను సాధించింది. అలాగే అక్టోబర్ 21న జపాన్‌లోనూ విడుదలైంది. ఎంటైర్ టీమ్ జపాన్ వెళ్లి RRRను పూర్తి స్థాయిలో ప్రమోట్ చేశారు. అక్కడున్న అభిమానులు మన హీరోలను, టీమ్‌ని ఎంతో గొప్పగా రిసీవ్ చేసుకున్నారు. మన దేశంలో కలెక్షన్స్ పరంగా దుమ్మురేపిన ఈ చిత్రం జపాన్‌లోనూ సత్తా చాటుతోంది. విడుదలైన తొలి వారంలోనే RRR చిత్రం 73 మిలియన్ జపనీస్ యెన్ కలెక్షన్స్‌ను సాధించింది. అంటే మన కరెన్సీలో చూస్తే రూ. 4 కోట్లు.
తొలి వారం ఇంత భారీ మొత్తంలో కలెక్షన్స్ సాధించిన సినిమాల్లో RRR ..10వ స్థానాన్ని దక్కించుకుంది. మిగిలిన 9 సినిమాలు జపాన్ సినిమాలే. ఇక జపాన్‌లో అత్యధిక వసూళ్లు సాధించిన విదేశీ చిత్రాల లిస్టులో ముత్తు ఫస్ట్ ప్లేస్‌లో ఉంది. ఈ చిత్రం 400 మిలయన్ జపాన్ యెన్ వసూళ్లను సాధించింది. అంటే రూ.22 కోట్లు. ముత్తు సినిమా జపాన్‌లో ఏడాది కాలం రన్ అయ్యింది. ఇప్పుడు ఇదే ఊపు కొనసాగితే RRR మంచి రికార్డులను సాధిస్తుందని అందరూ భావిస్తున్నారు.
Share
Ram Charan : RC 15...చరణ్ లుక్స్.. శంకర్ స్కెచ్ తెలిస్తే షాకే
Human Values : ప్రతీ 60 ఏళ్లకు మానవ ధర్మాలు ఎందుకు మారతాయి?
