Salaar : పాన్ ఇండియా స్టార్ ప్రభాస్ ప్రస్తుతం నటిస్తున్న మూవీ సలార్. ఈ సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఈ చిత్రాన్ని కేజీఎఫ్ డైరక్టర్ ప్రశాంత్ నీల్ తెరకెక్కిస్తున్నాడు. దీంతో సలార్ పై భారీ అంచనాలున్నాయి. తాజాగా ఈ సినిమా టీజర్ రిలీజ్ అయ్యింది.
యాక్షన్ థ్రిల్లర్‌ గా రూపొందుతున్న సలార్ తెలుగు, తమిళ, కన్నడ, మళయాళ, హిందీ భాషల్లో విడుదలకానుంది. సలార్ టీజర్ సినిమాకు మరింత హైప్ ను క్రియేట్ చేసింది. “సింహం, చిరుత, పులి, ఏనుగు, చాలా ప్రమాదం కానీ జురాసిక్‌ పార్క్‌లో కాదు ఎందుకుంటే ఆ పార్కులో..’ అంటూ టీనూ ఆనంద్‌ చెప్పిన డైలాగ్ సినిమాపై మరింత ఆసక్తిని పెంచేలా ఉంది. రక్తంతో తడిసిన చేతిని పిడికిలి బిగించిన షాట్ లో ప్రభాస్ కనిపించాడు. విలన్ పృథ్వీరాజ్‌ సుకుమారన్‌ చూపిస్తూ టీజర్ ముగించారు. రవి బస్రూర్ అందించిన బ్యాగ్రౌండ్ మ్యూజిక్ అదిరిపోయింది.
ప్రభాస్ ఫ్యాన్స్ కోరుకునే మాస్‌ అంశాలతో సలార్‌ను తెరకెక్కిస్తున్నారని టీజర్ ను చూస్తే అర్థమవుతోంది. ఈ మూవీ రెండు పార్ట్ లుగా విడుదల కానుంది. సలార్ పార్ట్1 సెప్టెంబర్ 28న ప్రేక్షకుల ముందుకురానుంది. ఈ మూవీలో జగపతిబాబు, పృథ్వీరాజ్‌ సుకుమారన్‌, శ్రుతిహాసన్‌ కీలక పాత్రల్లో పోషిస్తున్నారు.
Share
Tirumala Updates : తిరుమలలో యూపీఐ చెల్లింపులు
Divine Power : ఇంట్లో దైవశక్తి ఉందని చెప్పడానికి సంకేతం ఇదే!
