Samantha: అందాల భామ సమంత గురించి ప్రత్యేకంగా చెప్పాల్సిన అవసరం లేదు. ఏ మాయ చేసావే అనే సినిమాతో తెలుగుతెరకు పరిచయమయ్యింది. దానికన్నా ముందు చిన్న యాడ్స్ లో కనిపించిన సామ్.. సినిమాల్లోకి రావడానికి సర్జరీలు చేయించుకుందని టాక్ నడిచింది. అందులో ఎంత నిజం అన్నది తెలియదు కానీ.. యాడ్స్ లో సమంత ఫేస్ కి.. సినిమాల్లో ఆమె ఫేస్ కు చాలా తేడా ఉంది అన్నది మాత్రం నిజం. ఇక మొదటి సినిమాతోనే మంచి విజయాన్ని అందుకున్న సామ్.. వెనక్కి తిరిగి చూసుకోవాల్సిన పని రాలేదు. స్టార్ హీరోలందరి సరసన నటించి మెప్పించింది.
ఇక హీరోయిన్ గా కెరీర్ పీక్స్ లో ఉన్న సమయంలోనే సామ్ అక్కినేని ఇంటి కోడలిగా అడుగుపెట్టింది. అందం, అభినయం కలగలిపిన రూపం సమంతది. ఎన్నో ఏళ్ళ ప్రేమ ఫలితం ఇప్పుడు పెళ్లిగా రూపుదిద్దుకుంటుంది అనేసరికి ఆమె ముఖంలో కొత్త అందం కొట్టొచ్చినట్లు కనిపించేది. తన పెళ్లికి కావాల్సిన డిజైనర్ చీరలను కూడా ఆమె దగ్గరుండి డిజైన్ చేయించుకుంది. ఇప్పటివరకు సామ్ పెళ్లి చీరలా ఏ సెలబ్రీటీ చీర లేదు అంటే అతిశయోక్తి కాదు. ఆ చీరపై.. చైతో గడిపిన జ్ఞాపకాలను డిజైన్ చేయించుకుంది. అతడితో బీచ్ కి వెళ్లడం.. తొలిసారి ప్రపోజ్ చేసిన స్థలం.. ఎంగేజ్ మెంట్ ఫొటోస్.. వెకేషన్ ఫొటోస్.. ఇలా ప్రతిదీ ఎంతో అపురూపంగా చేయించుకుంది.
పెళ్లి తరువాత కూడా సామ్ ముఖం అస్సలు మారలేదు. ఇంకా చెప్పాలంటే అందం మరింత ఎక్కువ అయ్యింది. గ్లామర్ పెరిగింది. హెయిర్ కట్ చేయించుకొని ఒక కొత్త సామ్ కనిపించేది. కొన్ని కొన్ని సందర్భాల్లో సామ్ ను మించిన అందం ఇంకెక్కడా లేదు అని అనిపించేలా కనిపించేది. ఇక ఆ అందం, ఆ గ్లామర్ .. చైతో విడిపోయాకా సామ్ లో కనిపించలేదు. అందుకు కారణం.. ఆమె మయోసైటిస్ బారిన పడడమే. చర్మ సంబంధింత వ్యాధి కావడంతో .. ఆ ఎఫెక్ట్ మొత్తం ముఖంపైనే కనిపించింది.
SKN: చిరంజీవి వారసుడి వివాదం.. వారు శునకానందం పొందుతున్నారు
మయోసైటిస్ చికిత్స సమయంలో సామ్ ముఖం పూర్తిగా మారిపోయింది. బక్కచిక్కిపోయి.. ముఖం అంతా పాలిపోయి.. అసలు ఈమె సమంతనేనా అని గుర్తుపట్టలేని స్థితిలో కనిపించింది. ఒక ఏడాది పాటు సోషల్ మీడియాకు కూడా దూరమై.. సామ్ ప్రకృతిలో ఒదిగిపోయింది. కఠినమైన ట్రీట్మెంట్ తీసుకుంటూ.. డైట్ చేస్తూ.. ఎంతో కష్టపడింది. తన శరీరం మొత్తం స్టెరాయిడ్స్ నిండిపోయినా.. సూదులు గుచ్చుతున్నా తట్టుకొని నిలబడింది.
అప్పుడప్పుడు సమంత సోషల్ మీడియాలో పెట్టే ఫోటోలు అభిమానులను అలరిస్తూ ఉంటాయి. మొన్నటి వరకు ముఖం మొత్తం ఎండిపోయినట్లు.. చాలా బక్కగా కనిపించిన సామ్ ముఖంలో ఈసారి చాలా మార్పులు కనిపించాయి. సామ్ మునుపటి రూపంలోకి వస్తుందని తెలుస్తోంది. తాజాగా ఆమె షేర్ చేసిన ఫొటోస్ చూస్తుంటే.. పాత సమంత తిరిగి వచ్చినట్లు కనిపిస్తుంది. ముఖంలో కొత్త సంతోషం.. కొద్దిగా బుగ్గలు వచ్చి ఎంతో అందంగా కనిపించింది. ఈ ఫొటోస్ చూసిన అభిమానులు.. అబ్బా ఇది కదా మాకు కావాల్సింది. ఎంత క్యూట్ గా ఉన్నావ్ సామ్.. ఇలానే ఉండు అంటూ కామెంట్స్ చేస్తున్నారు.
Share
Pakistan Cricketers Fined: దూల తీర్చిన ICC...ముగ్గురు పాకిస్థాన్‌ ప్లేయర్లపై భారీ ఫైన్‌ !
India Wicketkeeper - Champions Trophy: ఛాంపియన్స్ ట్రోఫీ నుంచి పంత్ ఔట్.. రాహుల్ కే ఛాన్స్ !
