Vakeel Saab2 : పవర్ స్టార్ పవన్ కల్యాణ్ ఫ్యాన్స్ కు గుడ్ న్యూస్. వకీల్ సాబ్ సీక్వెల్ రాబోతోంది. ఈ విషయాన్ని దర్శకుడు వేణు శ్రీరామ్ ప్రకటించారు. 2021లో విడుదలైన వకీల్‌సాబ్‌ మంచి విజయం సాధించింది. విమర్శకుల ప్రశంసలు అందుకుంది. ఈ చిత్రం విడుదలై రెండేళ్లు పూర్తయిన సందర్భంగా ఈ సినిమా విశేషాలను వేణు శ్రీరామ్ గుర్తు చేసుకున్నాడు.
బాలీవుడ్‌ మూవీ ‘పింక్‌’కు రీమేక్‌గా వకీల్ సాబ్ వచ్చింది. పవన్ కు జోడిగా శ్రుతి హాసన్‌ నటించింది. అంజలి, అనన్య, నివేదా థామస్‌ కీలక పాత్రల్లో పోషించారు. ఈ ముగ్గురి పక్షాన పోరాడే న్యాయవాది పాత్రలో పవన్ అద్భుతంగా నటించాడు. ఈ సినిమాలోని కోర్టు సీన్స్ హైలైట్‌గా నిలిచాయి.
దర్శకుడు వేణు శ్రీరామ్ వకీల్ సాబ్ సీక్వెల్ పై కీలక విషయాలు వెల్లడించారు. ఈ సినిమా పనులు మొదలయ్యాయని తెలిపారు. ప్రస్తుతం స్క్రిప్ట్‌ వర్క్‌ జరుగుతోందని వెల్లడించారు. త్వరలోనే వకీల్ సాబ్ -2 పూర్తి వివరాలు అధికారికంగా ప్రకటిస్తామని చెప్పారు. ఈ సీక్వెల్‌ను ప్రకటించిన వెంటనే వకీల్ సాబ్ లోని పాటలు, డైలాగులు మళ్లీ వైరల్ అవుతున్నాయి. ఫ్యాన్స్ ఖుషీ అవుతున్నారు. ప్రస్తుతం #2YearsForVakeelSaab, #VakeelSaab2
హ్యాష్‌ ట్యాగ్‌లు ట్విటర్‌లో ట్రెండ్‌ అవుతున్నాయి.
పవన్ కల్యాణ్ ప్రస్తుతం క్రిష్ దర్శకత్వంలో హరిహర వీరమల్లు, హరీష్ శంకర్ దర్శతత్వంలో ఉస్తాద్ భగత్ సింగ్ చిత్రాల్లో నటిస్తున్నారు. ఈ సినిమాల షూటింగ్ జరుగోతోంది. ఈ రెండు మూవీలు పూర్తైన తర్వాత వకీల్ సాబ్ -2 సెట్స్ పైకి వెళ్లే అవకాశం ఉంది.
Share
Etala, Bandi : అందుకే మాపై కేసులు.. ఈటల, బండి ఫైర్..
Quran:- ఖురాన్ లోని ఆ రెండు వ్యాఖ్యలు చదవితే…
