Sexual Assault Charges on Jani Master Can Tollywood Form a Panel to Counter the Casting Couch: టాలీవుడ్ లో మరోసారి కాస్టింగ్ కౌచ్ వ్యవహారం గుప్పుమంటుంది. ప్రముఖ కొరియోగ్రాఫర్ జానీ మాస్టర్‌పై మహిళా కొరియోగ్రాఫర్ లైంగిక ఆరోపణలు చేసారు. దీంతో జానీ మాస్టర్‌పై కేసు నమోదు చేసారు పోలీసులు. ప్రస్తుతం జానీ మాస్టర్ అందుబాటులో లేరు. ఫోన్ స్విచ్చాఫ్ వస్తుంది. బాధితురాలి స్టేట్ మెంట్ రికార్డ్ చేసారు పోలీసులు.
ఇదిలావుంటే.. ఈ కేసులో మరో కీలక పరిణామం చోటుచేసుకుంది. అవకాశాల ముసుగులో మహిళా కొరియోగ్రాఫర్ పై జానీ మాస్టర్ లైంగికంగా దాడి చేసినట్లుతెలుస్తోంది. ఇటీవల ఓ సినిమాకు కొరియోగ్రాఫర్ గా ఆ మహిళకు అవకాశం వచ్చింది. అయితే కొన్ని కారణాల వల్ల అదే సినిమాకు సంబంధించి జానీ మాస్టర్ కు అవకాశం ఇచ్చింది ఆ చిత్ర యూనిట్.. దీనిపై ఇద్దరి మధ్య గొడవ జరిగినట్లు తెలుస్తోంది.
గత కొంతకాలంగా జానీ మాస్టర్ టీమ్ లో కొరియోగ్రాఫర్ గా చేస్తున్నా అని బాధిత యువతి చెబుతోంది. చెన్నై, ముంబై లలో ఔట్ డోర్ షూటింగ్స్ లతో పాటు.. హైదరాబాద్ నార్సింగ్ లోని తన ఇంటి లో సైతం.. జానీ మాస్టర్ తనపై పలుమార్లు లైంగిక దాడి చేశాడని ఆరోపిస్తున్నారు. పెళ్లి చేసుకుంటానని నమ్మించి మోసం చేసినట్లు చెబుతున్నారు.
ఇక.. జానీ మాస్టర్ పై కేసుతో మరోసారి టాలీవుడ్ లో కాస్టింగ్ కౌచ్ వ్యవహారం తెరపైకొచ్చింది. గతంలోనూ టాలీవుడ్ లో కాస్టింగ్ కౌచ్ సంచలనం సృష్టించింది. చిత్రసీమకు సంబంధించిన మహిళా నటులకు భద్రత కల్పించాలంటూ మహిళా సంఘాలు సైతం ఆందోళనకు దిగాయి. కాస్టింగ్ కౌచ్ కు సంబంధించి అప్పట్లో నానా రచ్చ జరిగింది. టాలీవుడ్ మహిళలపై జరుగుతున్న లైంగిక దాడులపై సబ్ కమిటీ వేయాలని అప్పట్లోనే సర్వత్రా డిమాండ్ విన్పించింది. కానీ ఆ తర్వాత అంతా సైలెంట్ అయ్యారు. తాజాగా జానీ మాస్టర్ వ్యవహారంతో కాస్టింగ్ కౌచ్ మరోసారి హాట్ టాపిక్ గా మారింది.
Also Read: ఎక్కడ పడితే అక్కడ, ఆఖరికి ఇంట్లో కూడా.. జానీ మాస్టర్ కేసులో సంచలన నిజాలు
ఇటీవల కేరళలో మహిళలకు సంబంధించి జస్టిస్ హేమ కమిటీ ఇచ్చిన రిపోర్ట్ సంచలనంగా మారింది. దీంతో ఇక్కడ కూడా అలాంటి కమిటీ వేయాలన్న డిమాండ్ విన్పిస్తోంది. అందులో భాగంగానే .. టాలీవుడ్ లో మహిళల భద్రతకు సంబంధించి కమిటీ వేయాలని ఇటీవల మూవీ ఆర్టిస్ట్ అసోసియేషన్ అధ్యక్షుడు మంచు విష్ణు సైతం ట్వీట్ చేసారు.
చిత్రసీమకు సంబంధించి అవకాశాల ముసుగులో ఇలాంటి ఘటనలు ఎన్నో జరుగుతున్నాయి. కొందరు బయటకు వచ్చి ఫిర్యాదు చేస్తున్నారు. మరికొందరు అలాగే ఈ ముసుగులో మగ్గిపోతున్నారు. కాగా.. మహిళలను వేధించే దుర్మార్గుల అంతు చూడాలంటే కచ్చితంగా జస్టిస్ హేమ కమిటీ తరహాలో సబ్ కమిటీ వేయాలన్న డిమాండ్ ఇప్పుడు సర్వత్రా విన్పిస్తోంది. కాగా ఈ ఘటనపై సినీ పెద్దలు ఏ విధంగా స్పందిస్తారో అన్నది కూడా చర్చనీయాంశంగా మారింది.
Share
Ritika Nayak: అందం చూడవయా ఆనందించవయా.. అంటూ రితికా నాయక్
Actress Hema Angry: ఎక్కడకు రమ్మంటే అక్కడి వస్తా.. వాళ్లకు నటి హేమా సవాల్
