Kumari Aunty: కుమారి ఆంటీ పరిచయం అవసరం లేని పేరు. రోడ్డు పక్కన ఎన్నో రకాల ఆహార పదార్థాలను అమ్ముతూ ఎంతో మంది ఆకలి తీర్చుతూ పెద్ద ఎత్తున బిజినెస్ జరుపుకుంటున్నారు. కుమారి ఆంటీ 2011వ సంవత్సరం నుంచి ఈ బిజినెస్ ప్రారంభించారు కానీ ఇటీవల కాలంలో ఈమె సోషల్ మీడియా పుణ్యమా అంటూ ఎంతో ఫేమస్ అయ్యి ప్రస్తుతం సెలబ్రెటీ రేంజ్ లో హోదా అనుభవిస్తున్నారు. ఇక ఇటీవల కాలంలో కుమారి ఆంటీ(Kumari Aunty) బుల్లితెర కార్యక్రమాలలో సందడి చేస్తున్నారు అలాగే సినిమా ప్రమోషన్లలో కూడా ఈ భాగం అవుతున్న సంగతి తెలిసిందే.
ఇకపోతే ఇటీవల ఒక ఇంటర్వ్యూలో పాల్గొన్న కుమారి ఆంటీ తన బిజినెస్ గురించి తన వ్యక్తిగత జీవితం గురించి ఎన్నో ఆసక్తికరమైన విషయాలను అభిమానులతో పంచుకున్నారు. ఈ నేపథ్యంలోనే కుమారి ఆంటీ సోషల్ మీడియా వల్ల ఎదుర్కొంటున్న ఇబ్బందుల గురించి కూడా తెలిపారు. ఎన్ని సంవత్సరాల నుంచి ఈ ఫుడ్ బిజినెస్ ప్రారంభించారనే ప్రశ్న ఎదురవడంతో తాను 2011 వ సంవత్సరం నుంచి ఈ బిజినెస్ చేశానని అయితే “రెండు లివర్లు ఎక్స్ ట్రా.. మీది 1000 అయింది”అనే డైలాగు కారణంగానే పాపులర్ అయ్యానని తెలిపారు. అసలు ఆ వీడియో ఎవరు తీసారో కూడా తనకు తెలియదని కుమారి ఆంటీ తెలిపారు.
ఈ వీడియో సోషల్ మీడియాలో వైరల్ గా మారడంతో ఎంతోమంది యూట్యూబర్లు తన స్టాల్ వద్దకు వచ్చి వీడియోలు తీయడం మొదలుపెట్టారు. తద్వారా ట్రాఫిక్ కూడా ఎక్కువ అయిందని దీంతో పోలీసులు తన బిజినెస్ అక్కడి నుంచి తీసేయాలని ఆంక్షలు పెడుతూ తన షాప్ తీసేసే పరిస్థితులు ఏర్పడ్డాయని కుమారి ఆంటీ ఈ సందర్భంగా తెలియజేశారు. ఇలా సోషల్ మీడియా కారణంగా తనకు చాలా ఇబ్బంది కూడా కలిగిందని అయితే ఆ సమయంలో రేవంత్ రెడ్డి(Revanth Reddy) గారు చూపిన చొరవ ఎప్పటికీ మర్చిపోలేనని ఆయనకు జీవితాంతం రుణపడి ఉంటానని కుమారి ఆంటీ తెలిపారు.
సీఎం రేవంత్ రెడ్డి గారికి కృతజ్ఞతలు..
ఈ సందర్భంగా కుమారి ఆంటీ సీఎం రేవంత్ రెడ్డి గారికి ప్రత్యేకంగా ధన్యవాదాలు తెలుపుతూ పేదల పాలిట దేవుడిలా సీఎం రేవంత్ రెడ్డి ఉన్నారని ఆయన పరిపాలన రామరాజ్యంలా ఉందని ఇలాంటి వాళ్లు ఉన్నన్ని రోజులు మాలాంటి వారికి ఎలాంటి డోకా ఉండదు అంటూ సీఎం రేవంత్ రెడ్డికి ప్రత్యేకంగా ధన్యవాదాలు తెలిపారు. ఆరోజు రేవంత్ రెడ్డి సార్ చొరవ తీసుకోకపోతే మా పరిస్థితి ఎలా ఉండేదో తలుచుకుంటేనే భయం వేస్తుందని, మాకు ఇంత సహాయం చేసినందుకు సీఎం సార్ కు చాలా చాలా థాంక్స్ అంటూ కుమారి ఆంటీ తెలిపారు. ఈమె ప్రతిరోజు మధ్యాహ్నం హైటెక్ సిటీ ప్రాంతంలో ఎన్నో రకాల ఆహార పదార్థాలను తయారు చేసి తీసుకువచ్చి అక్కడ అమ్ముతూ భారీ స్థాయిలోనే సంపాదన అందుకుంటున్న సంగతి తెలిసిందే.
Also Read: ఎవరేమనుకున్నా పర్లేదు.. ప్రభాస్ అన్న మీరు నా హార్ట్ లో ఉన్నారు: శర్వానంద్
Share
ఘోరంగా ఓడినా.. సైకోకు బుద్ధి రాలేదు.. జగన్పై విరుచుకుపడ్డ మంత్రి
ఓలా వెనుకబాటు, ఏథర్ ముందడుగు.. ఈవీ రంగంలో కొత్త పోటీ!
