Kamal Haasan : హై కోర్టులో కమల్‌కు బిగ్ షాక్… నువ్వు ఎంత పెద్ద స్టార్ అయినా ఇక్కడ తగ్గాల్సిందే

Kamal Haasan : ప్రముఖ కోలీవుడ్ స్టార్ హీరో కమలహాసన్(Kamal Haasan)కన్నడ భాష పై చేసిన కామెంట్లకు కన్నడిగులు ఆగ్రహం వ్యక్తం చేస్తూ క్షమాపణ చెప్పాలని డిమాండ్ చేశారు. అయితే దానిపై స్పందించిన కమలహాసన్..” క్షమాపణ చెప్పను అని, ప్రేమతో కూడిన మాటలకు క్షమాపణ అవసరం లేదని” తెలుపగా.. క్షమాపణ చెప్పకపోతే థగ్ లైఫ్ (Thuglife) సినిమాను కర్ణాటకలో బ్యాన్ చేస్తామని హెచ్చరించారు. నిజంగానే కర్ణాటకలో సినిమా విడుదల ఆగిపోతే దాదాపుగా రూ.20 కోట్ల వరకు నష్టం వస్తుంది. దీంతో చేసేదేమీ లేక క్షమాపణ చెప్పకుండా .. హైకోర్టుని ఆశ్రయించారు కమలహాసన్. కమలహాసన్ తన సినిమా విడుదల అడ్డుకుంటున్నారని హైకోర్టులో పిటిషన్ వేయగా ఇప్పుడు విచారణ జరిపిన హైకోర్టు కమలహాసన్ కు గట్టి షాక్ ఇచ్చింది.

కమలహాసన్ పిటీషన్ విచారించిన కర్ణాటక హైకోర్టు స్పందిస్తూ.. “మీకు మాట్లాడే హక్కు ఉంది. కానీ ఇతరుల మనోభావాలను దెబ్బతీయకూడదు.  ప్రజల మనోభావాలను దెబ్బతీసేంత వరకు స్వేచ్ఛగా మాట్లాడే, భావవ్యక్తీకరణ చేసే ప్రాథమిక హక్కును ఇవ్వకూడదు. మీరు ఎంత పెద్ద స్టార్ అయినా సరే ఒకరి మనోభావాలను దెబ్బతీయనంతవరకు మీకు గౌరవం లభిస్తుంది. కానీ మీరు వారి భాషను కించపరిచి, వారి మనోభావాలను దెబ్బతీశారు. కాబట్టి ఖచ్చితంగా క్షమాపణ చెప్పి తీరాల్సిందే” అంటూ హైకోర్టు స్పష్టం చేసింది. దీంతో కమలహాసన్ కి హైకోర్టులో గట్టి షాక్ తగిలిందని చెప్పవచ్చు. మరి హైకోర్టు ఆదేశాల మేరకు కమలహాసన్ క్షమాపణ చెబుతారా అన్న విషయం ఇప్పుడు ఉత్కంఠ గా మారింది.

కమల్ హాసన్ పిటిషన్లో ఏముంది?

ఇకపోతే తన సినిమా విడుదలను ఆపకుండా రిలీజ్ చేయాలి అని కోరుతూ హైకోర్టుని ఆశ్రయించిన కమలహాసన్ తన పిటీషన్ లో.. కన్నడలో తన సినిమా విడుదల అయ్యేలా చూడాలని, అలాగే తనకు రక్షణ కల్పించాలని పిటిషన్ లో కోరారు. ప్రతి వాదులుగా రాష్ట్ర ప్రభుత్వంతో పాటు కన్నడ ఫిలిం ఛాంబర్ అలాగే ఇతర సంస్థలను కూడా చేర్చారు. అంతేకాకుండా తన సినిమా విడుదలయ్యే వరకూ తగిన భద్రత కూడా కల్పించేలా సిటీ పోలీస్ కమిషనర్ కు, డీజీపీకి కూడా సూచనలు జారీ చేయాలని కమల్ హాసన్ తన ఫిర్యాదులో కోరారు.

అసలేం జరిగింది?

అసలేం జరిగింది అనే విషయానికి వస్తే కమలహాసన్, మణిరత్నం (Mani Ratnam) దర్శకత్వంలో చేస్తున్న సినిమా థగ్ లైఫ్. విడుదల తేదీ దగ్గర పడుతున్న నేపథ్యంలో గత నెల ఈ సినిమా ప్రీ రిలీజ్ ఈవెంట్ ను చెన్నైలో ఘనంగా నిర్వహించారు. ఈ కార్యక్రమానికి కన్నడ స్టార్ హీరో శివరాజకుమార్ (Siva Raj Kumar)కూడా విచ్చేశారు. అయితే ఈ వేదికపై కమలహాసన్ “తమిళం నుండి కన్నడ పుట్టింది” అంటూ కామెంట్ చేసి కన్నడిగుల ఆగ్రహానికి గురి అయ్యారు. ఇకపోతే భాషను కించపరిచి మాట్లాడే హక్కు కమలహాసన్ కి లేదు అని, కమల్ హాసన్ వెంటనే బహిరంగంగా క్షమాపణ చెప్పాలి అని కర్ణాటక రాష్ట్ర బిజెపి అధ్యక్షుడు విజయేంద్రన్ యడియూరప్ప కామెంట్లు చేశారు. అటు కర్ణాటక ఫిలిం చాంబర్ కూడా క్షమాపణలు చెప్పాలని లేకపోతే బ్యాన్ చేస్తామని హెచ్చరించారు. అయితే కమల్ హాసన్ మాత్రం ఇలా క్షమాపణలు చెప్పకుండా హైకోర్టును ఆశ్రయించడంతో అటు హైకోర్టు కూడా కమల్ హాసన్ కు షాక్ ఇచ్చింది. మరి హైకోర్టు నిర్ణయంతో కమలహాసన్ ఆలోచనలు ఎటువైపో చూడాలి.

ఎట్టకేలకు దిగొచ్చిన కమల్ హాసన్..

ఇకపోతే కర్ణాటక హైకోర్టు కూడా క్షమాపణ చెప్పి తీరాల్సిందే అని ఖరాకండిగా ఆదేశాలు జారీ చేయడంతో.. చేసేదేమీ లేక తన ఒక్కడి వల్ల సినిమా నష్టపోకూడదని, సినిమా బృందానికి నష్టం రాకూడదని ఆలోచించిన కమలహాసన్ ఎట్టకేలకు దిగివచ్చాడు. కన్నడ ఫిల్మ్ ఛాంబర్ అధ్యక్షుడికి కమల్ హాసన్ లేఖ రాశారు. తనకు కన్నడ భాష అంటే గౌరవం అంటూ ఆ లేఖలో చెప్పుకొచ్చారు. కానీ, ఎక్కడా కూడా క్షమాపణలు చెప్పలుదు.

ఇప్పుడు కర్ణాటక హై కోర్టు క్షమాపణలు చెప్పాలని తెగేసి చెప్పడంతో… కమల్ హాసన్ ఇప్పుడు సారీ చెబుతారా..? అని అందరూ ఉత్కంఠగా ఎదురుచూస్తున్నారు.

ALSO READ:Jr NTR WAR 2 : ఈ మాత్రం దానికి 85 కోట్లా.. నిర్మాతను ఏకిపారేస్తున్న నెటిజన్స్!

Share

• 
• 
• 
• 
• 
•