Veera Dheera Soora: చియాన్ విక్రమ్ ప్రధాన పాత్రలో నటించిన “వీర ధీర సూరన్” సినిమా ఎప్పటి నుంచో ప్రేక్షకుల్లో భారీ అంచనాలు క్రియేట్ చేసింది. ఎస్.యూ. అరుణ్ కుమార్ దర్శకత్వంలో తెరకెక్కిన ఈ యాక్షన్ థ్రిల్లర్, అన్ని వర్గాల ఆడియన్స్‌ను ఆకట్టుకునేలా మాస్ మరియు క్లాస్ ఎలిమెంట్స్‌ను మిళితం చేసింది. అయితే, సినిమా రిలీజ్‌కు ముందే కొన్ని అడ్డంకులు ఎదురవడం, చివరికి విక్రమ్ స్వయంగా రంగంలోకి దిగడం సినీ లవర్స్‌లో హాట్ టాపిక్‌గా మారింది.
ఈ సినిమా గ్రాండ్ రిలీజ్ కోసం అందరూ ఎదురు చూస్తుండగా, అనూహ్యంగా మార్నింగ్ షోలు రద్దయ్యాయి. దానికి కారణం ఫైనాన్స్ క్లియరెన్స్ సమస్యలు. ప్రొడక్షన్ టీమ్ ఈ సమస్యను క్లియర్ చేయడానికి ప్రయత్నిస్తున్నప్పటికీ, డీల్ కుదరవడంతో రిలీజ్‌కు ఆటంకం ఏర్పడింది. అయితే, ఇక్కడే చియాన్ విక్రమ్ తన హీరోయిజం ఆఫ్-స్క్రీన్‌లోనూ చూపించాడు! సినిమా విడుదల ఆగిపోతే, పెద్ద మైనస్ అవుతుందని అర్థం చేసుకున్న విక్రమ్, తన రెమ్యునరేషన్‌నే రిస్క్‌లో పెట్టి ఫైనాన్స్ సమస్యను పరిష్కరించాడని సమాచారం. ఇది అభిమానులను ఆనందింపజేసిన విషయమే కాకుండా, విక్రమ్‌కి ఉన్న డెడికేషన్‌ను మరోసారి రుజువు చేసింది.
కథ విషయానికి వస్తే, కాళి (విక్రమ్) అనే కిరాణా షాప్ యజమాని తన కుటుంబంతో ప్రశాంతంగా జీవిస్తుంటాడు. కానీ అనుకోని సంఘటనల్లో క్రైమ్ మాఫియా ఉచ్చులో చిక్కుకుంటాడు. తన కుటుంబాన్ని రక్షించుకోవడానికి, ఎస్.పి. అరుణగిరి (ఎస్.జే. సూర్య) అనే పోలీస్ అధికారితో పోరాడాల్సిన పరిస్థితి వస్తుంది. కాళి ఈ క్రిమినల్ వరల్డ్‌ను ఎలా ఎదుర్కొంటాడనేది ఆసక్తికరంగా చూపించారు.
ఈ సినిమాలో ఎస్.జే. సూర్య, సురాజ్ వెంజరమూడు, దుషారా విజయన్, సిద్దిఖ్ వంటి స్టార్ కాస్టింగ్ ఉందనే విషయం తెలిసిందే. జీవీ ప్రకాష్ కుమార్ సంగీతం అందించగా, థేనీ ఈశ్వర్ సినిమాటోగ్రఫీ హైలైట్‌గా నిలిచింది. సెన్సార్ బోర్డులో U/A సర్టిఫికేట్ పొందిన ఈ సినిమా నిడివి 2 గంటల 42 నిమిషాలు. ఇప్పటికే విడుదలైన ట్రైలర్ & టీజర్‌కు భారీ రెస్పాన్స్ వచ్చింది. ముఖ్యంగా విక్రమ్-ఎస్.జే. సూర్య మధ్య ఉన్న కెమిస్ట్రీ, పవర్‌ఫుల్ డైలాగ్స్, హై వోల్టేజ్ యాక్షన్ సీన్స్ సినిమాపై మరింత హైప్ క్రియేట్ చేశాయి.
ఈ సినిమా సక్సెస్ అయితే, “వీర ధీర సూరన్: పార్ట్ 1” అనే ప్రీక్వెల్ తెరకెక్కించేందుకు మేకర్స్ సన్నాహాలు చేస్తున్నట్లు టాక్. అంటే, ఇది ఒక ఫ్రాంచైజీగా మారే అవకాశాలు ఉన్నాయన్న మాట! విక్రమ్ తన కెరీర్‌లో ఎన్నో డిఫరెంట్ షేడ్స్ ఉన్న పాత్రలు పోషించాడు. ఇప్పుడు “వీర ధీర సూరన్”తో సినిమా రిలీజ్‌కు వచ్చిన అడ్డంకులు తొలగిపోయిన తర్వాత, విక్రమ్ అభిమానుల్లో మరింత ఉత్సాహం నెలకొంది. ఈ సినిమా బాక్సాఫీస్ రికార్డులు తిరగరాస్తుందా? లేదంటే ఇది ఒక డీసెంట్ హిట్‌గా మిగిలిపోతుందా? అన్నది త్వరలోనే తెలుస్తుంది! అయితే, విక్రమ్ ఈ ప్రాజెక్ట్ కోసం చూపించిన డెడికేషన్ మాత్రం ఇండస్ట్రీలో హాట్ టాపిక్ అవుతుంది!
Share
Where is Sajjala: సడన్ గా మాయమైన సజ్జల.. వైసీపీ లో ఏం జరుగుతోంది..?
Taara Technology: గూగుల్ ఎక్స్ నుంచి కొత్తగా తారా టెక్నాలజీ..ఇది ఎలా పనిచేస్తుందో తెలుసా..
