Hurricane Milton: హెలెన్ తుఫాను పెను విధ్వంసాన్ని మర్చిపోక ముందు అమెరికాను మరో తుఫాన్ వణిస్తోంది. ఫ్లోరిడా వైపు మిల్టన్ హరికేన్ శరవేగంగా దూసుకొస్తోంది. అత్యంత ప్రమాదకరమైన 5వ కేటగిరీ హరికేన్ మిల్టన్ దెబ్బకు అమెరికాలోని పలు ప్రాంతాలు పెద్ద ఎత్తున ఆస్తి, ప్రాణ నష్టాన్ని కలిగించే అవకాశం ఉందని అమెరికా తుఫాన్ హెచ్చరికల కేంద్రం వెల్లడించింది. శరవేగంగా వస్తున్న హరికేన్ ఇవాళ ఫ్లోరిడా దగ్గర తీరం దాటే అవకాశం కనిపిస్తోంది.
అమెరికాను తాకిన తీవ్ర గాలులు
మిల్టన్ హరికేన్ ప్రభావంతో బుధవారం తెల్లవారుజాము నుంచే తీవ్రమైన గాలులు వీస్తాయని నేషనల్ హరికేన్ సెంటర్ (ఎన్‌హెచ్‌సీ) వెల్లడించింది. మిల్టన్ ఐదో కేటగిరీ హరికేన్ కావడంతో అధికారులు అలర్ట్ అయ్యారు. పలు రాష్ట్రాల్లో ఎమర్జెన్సీ విధించారు. ప్రజలను సేఫ్ జోన్లకు తరలిస్తున్నారు. ఫ్లోరిడాలోని ప్రజలు సురక్షిత ప్రాంతాలకు చేరుకోవాలని ప్రెసిడెంట్ బైడన్ కోరారు. ప్రజల ప్రాణాలు, ఆస్తులను ధ్వంసం చేసే రాక్షస తుఫాన్ విషయంలో జాగ్రత్తగా ఉండాలని సూచించారు.
ఐదో కేటగిరీ తుఫాన్ టోర్నడోకు మించి బీభత్సం సృష్టిస్తుందని వాతావరణ నిపుణులు హెచ్చరిస్తున్నారు. ఫ్లోరిడాలో ఇప్పటికే పలు సురక్షిత షెల్టర్లను ఏర్పాటు చేసినట్లు ఆ రాష్ట్ర గవర్నర్ వెల్లడించారు. తుఫాన్ నేపథ్యంలో ఫ్యూయెల్ స్టేషన్ల దగ్గర వాహనాలు బారులు తీరాయి. చాలా స్టేషన్ల ముందు నో స్టాక్ బోర్డులు దర్శనం ఇస్తున్నాయి. ఎలక్ట్రిక్ వాహనాల కోసం అధికారులు ప్రత్యేకంగా స్టేషన్లు ఏర్పాటు చేస్తున్నారు.
ఈ శతాబ్ద కాలంలో అత్యంత తీవ్రమైన తుఫాన్
మిల్టన్ తుఫాన్ తొలత రెండో కేటగిరీ హరికేన్ గా మొదలై ప్రస్తుతం ఐదో కేటగిరీ హరికేన్ గా బలపడింది. ఈ తుఫాన్ ప్రభావంతో సుమారు 200 కిమీ నుంచి 280 కిమీకి పైగా వేగంతో గాలులు వీస్తాయి. ఇంత వేగంగా తుఫాన్ బలపడటం ఆశ్చర్యం కలిగిస్తుందంటున్నారు వాతావరణ నిపుణులు. గత శతాబ్ద కాలంలో ఇదే అత్యంత తీవ్రమైన తుఫాన్ కావచ్చని అంచనా వేస్తున్నారు. రీసెంట్ గా ఫ్లోరిడాను తాకిన హెలెన్ తుఫాన్ నాలుగో కేటగిరీకి చెందినది.
దీని ప్రభావంతో సుమారు 225 కిమీ వేగంతో గాలులు వీచాయి. నార్త్‌ కరోలినా, సౌత్‌ కరోలినా, జార్జియా, ఫ్లోరిడా, టేనస్సీ, వర్జీనియా సహా పలు రాష్ట్రాల్లో సుమారు 230 మంది ప్రాణాలు కోల్పోయారు. ఇప్పటికీ సహాయక చర్యలు కొనసాగుతున్నాయి. ఇప్పుడు ఐదో కేటగిరీ హరికేన్ గా మిల్టన్ రూపుదిద్దుకోవడంతో ప్రజలు ప్రాణాలను అరచేతిలో పెట్టుకుని సురక్షిత ప్రాంతాలకు తరలి వెళ్తున్నారు. అటు ఫ్లోరిడాలో టూరిస్టు కేంద్రాలైన డిస్నీ ల్యాండ్‌, కెన్న‌డీ స్పేస్ సెంట‌ర్ల‌ను క్లోజ్ చేశారు.
Timelapse from our cameras on the International Space Station (ISS) shows the eye of Hurricane Milton.
Travelling across the Gulf of Mexico on 08 October 2024 pic.twitter.com/oR1dLwzWPf
— sen (@sen) October 8, 2024
బైడెన్ విదేశీ పర్యటన రద్దు
ఇక మిల్టన్ హరికేన్ నేపథ్యంలో ప్రెసిడెంట బైడన్ విదేశీ పర్యటనను రద్దు చేసుకున్నారు. జర్మనీ, అంగోలాలో బైడెన్ పర్యటించాల్సి ఉంది. కానీ, తుఫాన్ పునరావాస పనులను ఆయన నిరంతరం పర్యవేక్షిస్తున్నారు. ఈ నేపథ్యంలో ఫారిన్ టూర్ క్యాన్సిల్ చేసుకున్నారు.
Timelapse flying by Hurricane Milton about 2 hours ago.
1/6400 sec exposure, 14mm, ISO 500, 0.5 sec interval, 30fps pic.twitter.com/p5wBlC95mx
— Matthew Dominick (@dominickmatthew) October 8, 2024
సోషల్ మీడియాలో మిల్టన్ హరికేన్ బీభత్సం
మిల్టన్ హరికేన్ సోషల్ మీడియాలో బీభత్సం సృష్టిస్తోంది. ప్రమాదకరమైన ఈ తుఫాన్ కు సంబంధించి పరిశోధకులు కీలక విషయాలను పంచుకుంటున్నారు. పశ్చిమ-మధ్య ఫ్లోరిడాలో మిల్టన్ హరికేన్ విధ్వంసం సృష్టించబోతుందని నేషనల్ హరికేన్ సెంటర్ వెల్లడించింది. పలువురు శాస్త్రవేత్తలు మిల్టన్ హరికేన్ కు సంబంధించి స్పేస్ నుంచి తీసిన వీడియోలను నెటిజన్లతో పంచుకుంటున్నారు. NASA వ్యోమగామి మాథ్యూ డొమినిక్ డ్రాగన్ ఎండీవర్ అంతరిక్ష నౌక నుంచి తీసిన వీడియోను షేర్ చేశారు.
At 10:28 a.m. EDT October 7, the space station flew over Hurricane Milton and external cameras captured views of the category 5 storm, packing winds of 175 miles an hour, moving across the Gulf of Mexico toward the west coast of Florida. pic.twitter.com/MTtdUosiEc
— International Space Station (@Space_Station) October 7, 2024
Read Also: మస్క్ మామ బంపర్ ఆఫర్.. అలా చేస్తే రూ.4 వేలు ఇస్తాడట, చంపేద్దాం అనుకుంటున్నాడా?
Share
Saddula Bathukamma 2024: సంస్కృతి, సాంప్రదాయాలకు ప్రతీక సద్దుల బతుకమ్మ.. విశిష్టత తెలుసా ?
Sukarma Yog Horoscope: రేపు సుకర్మ యోగంతో ఈ రాశులు ధనవంతులు కాబోతున్నారు
