Flights: ప్రస్తుత కాలంలో బయటకు వెళ్లాలంటే చాలు.. అందరూ బైకు, కార్లను వినియోగిస్తున్నారు. కొద్దిదూరమైనా బైకు లేనిదే అడుగు బయట పెట్టడం లేదు. మన దగ్గర అయితే ప్రతి ఒక్కరూ బైకు.. మరికొందరు కార్లను వాడుతున్నారు. ఇక దిగ్గజ వ్యాపారవేత్తలు, రాజకీయ నాయకులు, సినీ ప్రముఖులు కొందరు మాత్రమే సొంత విమానాలను మెయింటెన్ చేస్తున్నారు.
అయితే అమెరికాలోని ఓ గ్రామంలో మాత్రం ప్రతి ఇంటి ముందు ఓ విమానం ఉంటుంది. మన దగ్గర బైకును ఉపయోగించినట్లే.. అక్కడ విమానాలను వినియోగిస్తుంటారు. చిన్న పనులకు కూడా విమానాల్లో తుర్రున ఎగిరిపోతుంటారు. రోడ్లను రన్‌వేలా ఉపయోగించుకుంటున్నారు.
కాలిఫోర్నియాలోని ఎయిర్ పార్క్ అనే ప్రాంతంలోని ప్రజలు విమానాలను ఎక్కువగా ఉపయోగిస్తుంటారు. అక్కడ మొత్తం 124 ఇళ్లు ఉండగా.. ప్రతి ఇంటి ముందు ఓ విమానం ఉంటుంది. వారికి పైలెట్లతో కూడా పని ఉండదు.. ఎవరి విమానాన్ని వారే నడుపుకుంటారు. అక్కడ నివసించే వారిలో చాలా మంది రిటైర్డ్ ఆర్మీ పైలట్లే ఉంటారు. ప్రతి ఇంట్లో ఒకరికి కచ్చితంగా విమానం నడపడం తెలిసి ఉంటుంది. ఆఫీస్‌లకు, సినిమాలకు, పార్టీలకు ఇలా ఎక్కడికి వెళ్లాలన్నా విమానంలోనే ప్రయాణిస్తుంటారు.
Share
China–Pakistan : చైనాకు దగ్గరైన పాకిస్థాన్.. దానికోసమే..
Happy Hug Day : ఒక్క హగ్.. భయం, బాధ మటుమాయం..!
