Heaviest Man : ప్రపంచంలోని భారీకాయుల్లో ఆ రష్యన్ ఒకడు. అధిక బరువు కారణంగా ఐదేళ్లుగా సోఫాకే పరిమితమయ్యాడు. బరువును తగ్గించుకునే క్రమంలో 60 ఏళ్ల లియోనిద్ ఆండ్రీవ్ మరణించాడు. అతని బరువు 281 కిలోలు. అథ్లెట్ కావాలనేది అతని కల.
దశాబ్దం క్రితం అతనో హంటర్. అప్పట్లో అతని బరువు 77 కిలోల బరువు మాత్రమే. సొంతంగా వ్యవసాయ క్షేత్రాన్ని చూసుకునేవాడు. ఇక వ్యవసాయ పనుల్లో ఎంతో చలాకీ. ఆర్మీ నుంచి బయటికొచ్చినప్పుడే బరువు సమస్య ఎదురైంది. మూడంటే మూడే నెలల్లో దాదాపు రెట్టింపయ్యాడు.
106 కిలోలకు బరువు పెరిగిన తర్వాత.. ఇక ఆగలేదు. పెరుగుతూనే ఉన్నాడు. జీవక్రియలో లోపం వల్లే బరువు పెరుగుతున్నట్టు వైద్యులు గుర్తించి.. అతడిని హెచ్చరించారు. మెటాబాలిక్ డిజార్డర్ కారణంగా ఊహించనంత భారీకాయం వచ్చేసింది. బరువు పెరుగుదల వల్ల సొంతంగా ఏ పనులూ చేసుకోలేని అశక్తతకు చేరాడు.
సోఫాకే పరిమితమై ఒంటరి జీవితం గడపాల్సి వచ్చింది. రెండు సార్లు వివాహమైనా.. విడాకులతోనే ఆ జీవితం ముగిసింది. అతడిని చూసుకునేందుకు సంతానం కూడా లేదు. ఇరుగుపొరుగు వారు అతడికి సాయం చేసేవారు. ఆండ్రీవ్ బరువు పెరగకుండా వైద్యులు ఎన్ని ప్రయత్నాలు చేసినా ఫలితం లేకపోయింది.
గత వారం చనిపోవడానికి కొన్ని రోజుల ముందే బరువు తగ్గే ప్రయత్నంలో భాగంగా డైట్ మార్పు చేశాడు. పిండిపదార్థాలకు గుబ్ బై చెప్పడమే కాదు.. అతి స్వల్ప మొత్తంలో ఆహారం తీసుకునేవాడు. ఓ కప్పు సూప్తో లంచ్ ముగించేవాడు. తాను బరువు తగ్గుతానని స్థానిక విలేకరులకు చెప్పాడు. ఆపై కొన్ని రోజులకే ఆండ్రీవ్ మరణించాడు.
Share
Aadudam Andhra: ఏపీలో "ఆడుదాం ఆంధ్రా".. 12 కోట్లు ప్రైజ్ మనీ.. రిజిస్ట్రేషన్లు షురూ
Rare Rat : ఆ ఎలుక దెబ్బకు టెంకాయ బద్దలు!
