C-DAC Recruitment: డిగ్రీ అర్హతతో 805 ఉద్యోగాలు.. గోల్డెన్ అపార్చునిటీ, నోటిఫికేషన్ పూర్తి వివరాలివే..

భారత ప్రభుత్వ ఎలక్ట్రానిక్స్, ఇన్ఫర్మేషన్ టెక్నాలజీ మంత్రిత్వ శాఖ పరిధిలోని ప్రతిష్టాత్మక సంస్థ సెంటర్ ఫర్ డెవలప్‌మెంట్ ఆఫ్ అడ్వాన్స్‌డ్ కంప్యూటింగ్ (C-DAC) భారీ ఉద్యోగ నోటిఫికేషన్‌ను విడుదల చేసింది. దేశవ్యాప్తంగా ఉన్న వివిధ సి-డాక్ కేంద్రాల్లో ఖాళీగా ఉన్న ప్రాజెక్ట్ ఇంజినీర్, టెక్నీషియన్ పోస్టులను భర్తీ చేయనున్నట్లు ప్రకటించింది. సాంకేతిక రంగంలో స్థిరపడాలనుకునే నిపుణులకు ఇదొక అద్భుతమైన అవకాశం.

వెకెన్సీ వివరాలు.. 

ఈ నోటిఫికేషన్ ద్వారా హైదరాబాద్‌తో పాటు బెంగళూరు, చెన్నై, ఢిల్లీ, కోల్‌కతా, ముంబయి, నొయిడా, పుణె, మరియు తిరువనంతపురం సెంటర్లలో ఉన్న పోస్టులను భర్తీ చేస్తారు. మొత్తం 805 ఖాళీలు అందుబాటులో ఉన్నాయి. ఇందులో ప్రాజెక్ట్ ఇంజినీర్లు, సీనియర్ ప్రాజెక్ట్ ఇంజినీర్లు, ప్రాజెక్ట్ మేనేజర్లు, టెక్నీషియన్ విభాగాల్లో పోస్టులు కేటాయించారు.

విద్యార్హతలు, వయస్సు వివరాలు.. 

అభ్యర్థులు పోస్టును అనుసరించి సంబంధిత విభాగంలో (Computer Science, IT, Electronics మొదలైనవి) బీఈ/బీటెక్, ఎంటెక్ లేదా ఇతర పీజీ డిగ్రీ ఉత్తీర్ణులై ఉండాలి. కొన్ని ఉన్నత స్థాయి పోస్టులకు పీహెచ్‌డీతో పాటు నిర్ణీత పని అనుభవం తప్పనిసరి. అభ్యర్థుల గరిష్ట వయోపరిమితి 56 ఏళ్లుగా నిర్ణయించారు. నిబంధనల ప్రకారం రిజర్వేషన్ వర్గాలకు వయో సడలింపు ఉంటుంది.

ఉద్యోగ ఎంపిక విధానం, దరఖాస్తు వివరాలు.. 

అభ్యర్థుల ఎంపిక ప్రక్రియ బహుళ దశల్లో ఉంటుంది. దరఖాస్తు చేసుకున్న అభ్యర్థులకు మొదట రాత పరీక్ష నిర్వహిస్తారు. అందులో ప్రతిభ కనబరిచిన వారికి స్కిల్ టెస్ట్, ఇంటర్వ్యూ నిర్వహిస్తారు. తుది ఎంపిక పూర్తిగా అభ్యర్థి అకాడమిక్ రికార్డు, ఇంటర్వ్యూ ప్రదర్శనపై ఆధారపడి ఉంటుంది. ఆసక్తి గల అభ్యర్థులు సి-డాక్ అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి.

నోటిఫికేషన్ ముఖ్య సమాచారం.. 

మొత్తం పోస్టులు: 805

దరఖాస్తు విధానం: ఆన్‌లైన్

చివరి తేదీ: ఫిబ్రవరి 20, 2026

అర్హత కలిగిన అభ్యర్థులు చివరి నిమిషం వరకు వేచి చూడకుండా వెంటనే దరఖాస్తు చేసుకోవాలని అధికారులు సూచించారు. పూర్తి వివరాల కోసం అభ్యర్థులు అఫీషియల్ వెబ్‌సైట్‌ను సందర్శించవచ్చు.

అఫీషియల్ వెబ్ సైట్: https://cdac.in/

ALSO READ: Oppo Reno 14: ఓప్పో ఫ్లాగ్‌షిప్ ఫోన్‌పై రూ.6000 ధర తగ్గింపు.. 6000mAh బ్యాటరీ, 50MP కెమెరా