Indian Air Force Recruitment 2025: ఇండియన్ ఎయిర్ ఫోర్స్‌లో ఉద్యోగాలు.. ఈ అర్హతలుంటే చాలు జాబ్ గ్యారంటీ !

Indian Air Force Recruitment 2025: భారత వైమానిక దళం (Indian Air Force – IAF) దేశ రక్షణలో కీలక పాత్ర పోషిస్తున్న ఒక ప్రతిష్టాత్మక సంస్థ. IAF 2025 సంవత్సరానికి .. గ్రూప్ C పోస్టుల కోసం 153 ఖాళీలను భర్తీ చేయడానికి నోటిఫికేషన్‌ను విడుదల చేసింది. ఈ రిక్రూట్మెంట్ ద్వారా అడ్వర్టైజ్‌మెంట్ నంబర్ 01/2025 ప్రకారం.. లోయర్ డివిజన్ క్లర్క్ (LDC), హిందీ టైపిస్ట్, డ్రైవర్, కార్పెంటర్, కుక్, మల్టీ-టాస్కింగ్ స్టాఫ్ (MTS), హౌస్ కీపింగ్ స్టాఫ్ వంటి వివిధ పోస్టులను భర్తీ చేయనున్నారు. ఈ రిక్రూట్మెంట్ యువతకు భారత వైమానిక దళంలో సివిలియన్ ఉద్యోగాల్లో చేరే అద్భుతమైన అవకాశాన్ని అందిస్తుంది. ఈ నోటిఫికేషన్ కు సంబంధించిన అర్హతలు, జీతంతో పాటు పూర్తి వివరాలను గురించి ఇప్పుడు తెలుసుకుందాం.

నోటిఫికేషన్ వివరాలు:

భారత వైమానిక దళం గ్రూప్ C రిక్రూట్మెంట్ కోసం. మే 17, 2025 నుండి జూన్ 15, 2025 వరకు ఆఫ్‌లైన్‌లో అప్లై చేసుకోవాల్సి ఉంటుంది. ఆసక్తి ఉన్న అభ్యర్థులు అధికారిక వెబ్‌సైట్ http://indianairforce.nic.in/ నుండి నోటిఫికేషన్ PDFని డౌన్‌లోడ్ చేసుకోవచ్చు. దరఖాస్తు ఫారమ్‌ను నింపి, సంబంధిత ఎయిర్ ఫోర్స్ స్టేషన్/యూనిట్ చిరునామాకు పంపించాలి.

అర్హతలు:
గ్రూప్ C పోస్టులకు అర్హతలు పోస్టును బట్టి మారుతాయి. సాధారణంగా.. అభ్యర్థులు కనీసం 10వ తరగతి లేదా 12వ తరగతి ఉత్తీర్ణులై ఉండాలి.

లోయర్ డివిజన్ క్లర్క్ (LDC), హిందీ టైపిస్ట్: 12వ తరగతి ఉత్తీర్ణతతో పాటు ఇంగ్లీష్‌లో 35 పదాలు/నిమిషం లేదా హిందీలో 30 పదాలు/నిమిషం టైపింగ్ స్పీడ్ అవసరం.

డ్రైవర్: 10వ తరగతి ఉత్తీర్ణత, డ్రైవింగ్ లైసెన్స్ అవసరం.

కుక్ , కార్పెంటర్: 10వ తరగతి ఉత్తీర్ణతతో పాటు సంబంధిత ట్రేడ్‌లో సర్టిఫికేట్ లేదా డిప్లొమా కలిగి ఉండాలి.

మల్టీ-టాస్కింగ్ స్టాఫ్ (MTS): 10వ తరగతి ఉత్తీర్ణత సరిపోతుంది. వయస్సు 18 నుండి 25 సంవత్సరాల మధ్య ఉండాలి. SC/ST/OBC/PWD అభ్యర్థులకు ప్రభుత్వ నిబంధనల ప్రకారం వయోపరిమితిలో సడలింపు ఉంటుంది. అభ్యర్థులు తప్పకుండా భారతీయ పౌరులై ఉండాలి.

ఎంపిక ప్రక్రియ:
గ్రూప్ C రిక్రూట్మెంట్ ఎంపిక ప్రక్రియలో రెండు దశలు ఉంటాయి.

రాత పరీక్ష: ఈ పరీక్షలో జనరల్ అవేర్‌నెస్, న్యూమరికల్ ఆప్టిట్యూడ్, జనరల్ ఇంటెలిజెన్స్ & రీజనింగ్, , జనరల్ ఇంగ్లీష్ వంటి అంశాలపై ప్రశ్నలు ఉంటాయి. పరీక్ష ఆబ్జెక్టివ్ రూపంలో ఉంటుంది.

స్కిల్/ప్రాక్టికల్/ఫిజికల్ టెస్ట్: పోస్టును బట్టి.. అభ్యర్థులు టైపింగ్ టెస్ట్, డ్రైవింగ్ టెస్ట్, లేదా ఇతర స్కిల్ టెస్ట్‌లను ఉంటాయి. ఈ దశలోనే డాక్యుమెంట్ వెరిఫికేషన్, మెడికల్ ఎగ్జామినేషన్ కూడా నిర్వహిస్తారు.

జీతం, ఇతర ప్రయోజనాలు:

గ్రూప్ C పోస్టులకు జీత భత్యాలు 7వ CPC పే మ్యాట్రిక్స్ ప్రకారం ఉంటాయి. లెవెల్ 1 పోస్టులకు నెలకు ₹18,000, లెవెల్ 2 పోస్టులకు ₹19,900 జీతం ఉంటుంది. ఇందులో డియర్‌నెస్ అలవెన్స్, హౌస్ రెంట్ అలవెన్స్ (HRA), ప్రావిడెంట్ ఫండ్, పెన్షన్ వంటి అదనపు ప్రయోజనాలు ఉంటాయి.

Also Read: డీగ్రీ, బీటెక్ పాసైతే చాలు.. ఈ ఉద్యోగానికి అప్లై చేసుకోవచ్చు.. జీతం రూ.2,50,000

 గ్రూప్ C  ఉద్యోగాలు ఎందుకు ?
భారత వైమానిక దళంలో గ్రూప్ C సివిలియన్ ఉద్యోగాలు నాన్-కంబాట్ రోల్స్‌లో దేశ సేవ చేయడానికి అవకాశం కల్పిస్తాయి. ఈ ఉద్యోగాలు మీకు స్థిరమైన ఆదాయం, ఉద్యోగ భద్రత, గౌరవప్రదమైన కెరీర్‌ను అందిస్తాయి.

IAF గ్రూప్ C రిక్రూట్మెంట్ 2025 అనేది భారతీయ యువతకు ఒక అద్భుతమైన అవకాశం. అధికారిక నోటిఫికేషన్‌ను జాగ్రత్తగా చదివి, అర్హతలను బట్టి, లాస్ట్ డేట్‌కు ముందే దరఖాస్తు చేసుకోండి.

Share

• 
• 
• 
• 
• 
•