పంజాబ్ నేషనల్ బ్యాంక్‌లో ఆఫీసర్ జాబ్స్, బీటెక్ పాసైతే చాలు!

పంజాబ్ నేషనల్ బ్యాంక్‌లో ఆఫీసర్ పోస్టుల భర్తీకి నోటిఫికేషన్ విడుదలయింది. ప్రభుత్వ రంగ బ్యాంకుల్లో కెరీర్ ప్రారంభించాలని భావిస్తున్న నిరుద్యోగులకు ఇది మంచి అవకాశం. న్యూదిల్లీ ప్రధాన కేంద్రంగా పనిచేస్తున్న పంజాబ్ నేషనల్ బ్యాంక్ (PNB) మానవ వనరుల విభాగం ఈ ఖాళీలను భర్తీ చేస్తోంది. వివిధ ఇంజినీరింగ్ విభాగాల్లో ఆఫీసర్ స్థాయి పోస్టుల కోసం దరఖాస్తులు కోరుతోంది. అర్హత కలిగిన అభ్యర్థులు నిర్ణీత గడువులోగా ఆన్‌లైన్ ద్వారా దరఖాస్తు చేసుకోవాలని అధికారులు సూచించారు

మొత్తం 30 ఆఫీసర్ పోస్టుల భర్తీకి ఈ నోటిఫికేషన్ వెలువడింది. ఇందులో మూడు రకాల స్పెషలైజేషన్లు ఉన్నాయి.

పోస్టుల వివరాలు: 

ఆఫీసర్ (సివిల్ ఇంజినీర్): 21 పోస్టులు

ఆఫీసర్ (ఎలక్ట్రికల్ ఇంజినీర్): 07 పోస్టులు

ఆఫీసర్ (మెకానికల్ ఇంజినీర్): 02 పోస్టులు

విద్యార్హత: దరఖాస్తు చేసుకునే అభ్యర్థులు గుర్తింపు పొందిన యూనివర్సిటీ నుండి సంబంధిత విభాగంలో బీఈ లేదా బీటెక్ పూర్తి చేసి ఉండాలి. విద్యార్హతతో పాటు నోటిఫికేషన్‌లో పేర్కొన్న విధంగా నిర్ణీత కాలం పాటు వృత్తిపరమైన అనుభవం కలిగి ఉండటం తప్పనిసరి. సాంకేతిక పరిజ్ఞానంతో పాటు బ్యాంకింగ్ రంగంపై ప్రాథమిక అవగాహన ఉన్నవారికి ప్రాధాన్యత ఉంటుంది.

వయోపరిమితి:  అభ్యర్థుల వయసు 20 ఏళ్ల నుంచి 30 ఏళ్ల మధ్య ఉండాలి. ప్రభుత్వ నిబంధనల ప్రకారం రిజర్వేషన్ వర్గాలకు గరిష్ట వయోపరిమితిలో సడలింపులు వర్తిస్తాయి. అభ్యర్థులు తమ వయసును ధ్రువీకరించే పత్రాలను దరఖాస్తు సమయంలో సమర్పించాల్సి ఉంటుంది.

ఉద్యోగ ఎంపిక ప్రక్రియ: ఈ పోస్టులకు అభ్యర్థులను రెండు దశల్లో ఎంపిక చేస్తారు. మొదట ఆన్‌లైన్ రాత పరీక్ష నిర్వహిస్తారు. ఇందులో ప్రతిభ కనబరిచిన వారిని తదుపరి దశలో ఇంటర్వ్యూకు పిలుస్తారు. ఈ రెండు విభాగాల్లో సాధించిన మెరిట్ ఆధారంగా తుది ఎంపిక జాబితా రూపొందిస్తారు. అభ్యర్థుల నైపుణ్యాలను పరీక్షించే విధంగా రాత పరీక్షా పత్రం ఉంటుంది.

దరఖాస్తు విధానం: అర్హులైన అభ్యర్థులు కేవలం ఆన్‌లైన్ ద్వారానే దరఖాస్తు చేసుకోవాలి. పీఎన్‌బీ అధికారిక వెబ్‌సైట్‌లోకి వెళ్లి నోటిఫికేషన్ వివరాలు పూర్తిగా చదువుకోవాలి. ఫోటోగ్రాఫ్ అలానే సంతకం వంటి ఇతర ధ్రువపత్రాలను స్కాన్ చేసి అప్‌లోడ్ చేయాలి. దరఖాస్తు రుసుము చెల్లించిన తర్వాత ఫారమ్‌ను సబ్మిట్ చేయాలి. భవిష్యత్తు అవసరాల కోసం దరఖాస్తు కాపీని ప్రింట్ తీసుకోవడం ఉత్తమం.

ముఖ్యమైన తేదీలు: దరఖాస్తు ప్రక్రియ ఇప్పటికే ప్రారంభమైంది. ఆన్‌లైన్ అప్లికేషన్ సమర్పించడానికి మే 05, 2026 ఆఖరి తేదీగా నిర్ణయించారు. గడువు ముగిసిన తర్వాత వచ్చే దరఖాస్తులను ఎట్టి పరిస్థితుల్లోనూ పరిగణనలోకి తీసుకోరు. అభ్యర్థులు చివరి నిమిషం వరకు వేచి చూడకుండా ముందుగానే దరఖాస్తు చేసుకోవడం మంచిది. సాంకేతిక సమస్యల వల్ల దరఖాస్తు ఆగిపోకుండా జాగ్రత్త వహించాలి.

అఫీషియల్ వెబ్ సైట్: https://pnb.bank.in/

ALSO READ: నిరుద్యోగులకు సువర్ణవకాశం.. 827 కానిస్టేబుల్ ఉద్యోగాలకు దరఖాస్తు గడువు పెంపు