TOMCOM Foreign Recruitment| విదేశాల్లో స్కిల్డ్ (నైపుణ్యం), సెమీ స్కిల్డ్ (సెమీ నైపుణ్యం)ఉద్యోగాల కోసం తెలంగాణ రాష్ట్ర రెజిస్టర్డ్ ఏజెన్సీ ప్రకటన జారీ చేసింది. యురోప్ దేశమైన పోర్చుగల్ లో ఆతిథ్యం (హోటల్స్), మెయింటెనెన్స్, బిజినెస్, మేనేజ్మెంట్ రంగాల్లో ఉద్యోగులు కావాలని తెలంగాణ ఓవర్సీస్ మ్యాన్ పవర్ కంపెనీ లిమిటెడ్ (Telangana Overseas Manpower Company Limited – TOMCOM) ప్రకటించింది. ఈ ఉద్యోగాల చేసేవారికి నెలకు 900 యూరోలు (భారత కరెన్సీలో దాదాపు రూ.90,000) నుంచి 1500 యూరోలు (రూ.1,50,000) వరకు నెలసరి వేతనం ఉంటుంది.
పోర్చుగల్లో ఉద్యోగాలు, జీతాల వివరాలు..
పోర్చుగల్లో అందుబాటులో ఉన్న కొన్ని బెస్ట్ సాలరీ ఇచ్చే ఉద్యోగాల జాబితా.
అర్హతలు
ఈ ఉద్యోగాలకు అర్హతలు ఉద్యోగ రకాన్ని బట్టి మారుతాయి. కొన్ని ఉద్యోగాలకు ఇంటర్మీడియట్ (12వ తరగతి) విద్యతో పాటు అనుభవం అవసరం. మరికొన్ని ఉద్యోగాలకు హోటల్ మేనేజ్మెంట్, క్యులినరీ ఆర్ట్స్ (వంట వార్పు), మార్కెటింగ్, లేదా ఈవెంట్ కోఆర్డినేషన్లో డిగ్రీ అవసరం.
వయస్సు, అనుభవం
ఈ ఉద్యోగాలకు అర్హత పొందాలంటే అభ్యర్థుల వయస్సు 21 నుండి 40 సంవత్సరాల మధ్య ఉండాలి. అలాగే, సంబంధిత రంగంలో 2 నుండి 5 సంవత్సరాల అనుభవం ఉండాలి.
దరఖాస్తు విధానం
ఆసక్తి ఉన్న, అర్హత కలిగిన అభ్యర్థులు తమ రెజ్యూమెలను tomcom.resume@gmail.comకు పంపించాలి. మరిన్ని వివరాల కోసం TOMCOM అధికారిక నెంబర్లు.. 9440052592, 9440049937, లేదా 9440051452 ఫోన్ ద్వారా సంప్రదించవచ్చు.
తెలంగాణ రాష్ట్రం తన యువతకు అంతర్జాతీయ ఉద్యోగ అవకాశాలను అందించడానికి నిరంతరం కృషి చేస్తోంది. TOMCOM ద్వారా చట్టబద్ధమైన, ప్రభుత్వ సహాయంతో కూడిన విదేశీ ఉద్యోగ ప్లేస్మెంట్లను సులభతరం చేస్తోంది. ఈ కార్యక్రమం ద్వారా నైపుణ్యం కలిగిన యువతకు మంచి జీతాలతో, విదేశాల్లో ఉద్యోగాలు సాధించే అవకాశం కల్పిస్తోంది. ఈ అవకాశాన్ని సద్వినియోగం చేసుకోవడానికి అర్హత కలిగిన అభ్యర్థులు త్వరగా దరఖాస్తు చేసుకోవాలని కోరుతున్నాము.
Share
OTT Movie : చిన్న పిల్లల్ని బావికి బలిచ్చే వింత మనుషులు... ఒంటరిగా చూసే దమ్ముందా?
India-US Trade Deal: భారత్తో బిగ్ డీల్.. ట్రంప్ సంచలనం
