India’s position:-సైన్స్ అండ్ టెక్నాలజీ విషయంలో అభివృద్ధి చెందిన దేశాలతో పోటీపడి ముందుకు వెళ్లడానికి ఇండియా కృషిచేస్తోంది. ఇప్పటికే ఇతర దేశాల సాయం లేకుండా ఇండియా ఎన్నో కొత్త అధ్యాయనాలకు శ్రీకారం చుట్టింది. ఇండియా చేసిన ఎన్నో పరిశోధనలు.. ఇతర దేశాలకు సోర్స్గా మారాయి. ఇక సైన్స్ అండ్ టెక్నాలజీ విషయంలో ఇతర దేశాలతో పోటీపడి ఇండియా ఏ స్థానానికి చేరుకుందో బయటపడింది.
ప్రపంచవ్యాప్తంగా ట్రెండింగ్లో ఉన్న 44 టెక్నాలజీల విషయంలో చైనా టాప్ స్థానంలో ఉంది. ఇక ఈ విభాగంలో టాప్ 5 స్థానంలో ఇండియా చోటుదక్కించుకుందని శాస్త్రవేత్తలు గర్వంగా తెలిపారు. ఇప్పటికే ఇతర దేశాలతో పోటీపడుతూ సైన్స్ అండ్ టెక్నాలజీ సూపర్పవర్గా మారాలనుకుంటున్న చైనా తొలి విజయం సాధించింది. అయితే ఇంకా ఎన్నో అభివృద్ధి చెందిన దేశాలతో పోటీపడుతూ ఇండియా కూడా ఈ లిస్ట్లో చోటుదక్కించుకోవడం పరిశోధకులకు కొత్త ఉత్సాహాన్ని అందించనుంది.
డిఫెన్స్, స్పేస్, రోబోటిక్స్ విషయంలో ఇండియా ఇతర దేశాలకు గట్టి పోటిని అందిస్తుందని రిపోర్టులో తేలింది. హైపర్సోనిక్స్ లాంటి ఏరో ఇంజన్స్ విషయంలో ఇండియా మూడో స్థానాన్ని దక్కించుకుంది. డ్రోన్స్, రోబోటిక్స్ విభాగంలో ఇండియా నాలుగో స్థానంలో నిలిచింది. చైనా తర్వాత అత్యధిక విభాగాల్లో టాప్లో నిలిచిన దేశంగా అమెరికా విజయాన్ని సాధించింది. ఆ తర్వాత స్థానం ఇండియాకు దక్కడం గర్వంగా ఉందంటూ నిపుణులు సంతోషం వ్యక్తం చేస్తున్నారు.
ఈ లిస్ట్ను బట్టి ప్రపంచంలో సైన్స్ అండ్ టెక్నాలజీని ఏ దేశం శాసిస్తుందో సులువుగా అంచనా వేయవచ్చని నిపుణులు తెలిపారు. చైనా ఇప్పటికే తన పరిశోధనల్లో వేగం పెంచగా.. ఈ రిపోర్ట్ వారికి మరింత కొంత ఉత్సాహాన్ని అందిస్తుందని అందరూ భావిస్తున్నారు. దీని కారణంగా ఇతర దేశాలకు చైనా టార్గెట్గా మారనున్నట్టు తెలుస్తోంది. చైనాకంటే ముందుగా పరిశోధనలు చేయాలని దేశాలన్నీ టార్గెట్గా పెట్టుకోనున్నట్టు నిపుణులు అభిప్రాయపడుతున్నారు. ఈ పోటీలో ఇండియా కూడా భాగంకానుంది.
Share
Spiritual Topics : తీర్ధాన్ని మూడుసార్లు తీసుకోవాలా
New electric scooter:-333 కి.మీ. రేంజ్తో కొత్త ఎలక్ట్రిక్ స్కూటర్
