Karthika Masam : కార్తీక మాసంలోనే సత్యనారాయణస్వామి వ్రతాలు ఆచరించాలా

Karthika Masam : తెలుగు మాసాల్లో మహిమాన్వితమైన మాసం కార్తీకం. ఈ నెలలో హరిహరాదులను స్తుతించడంతోపాటూ చేసే ఇతర పూజలకూ, వ్రతాలకూ ఎంతో విశిష్టత ఉంటుంది. పరమశివుడికి ప్రియమైన మాసం. సృష్టి ఆరంభం జరిగిందీ త్రేతాయుగం మొదలైందీ ఈ నెలలోనే.. దేవాలయంలో కానీ, పుణ్యక్షేత్రంలో కానీ, సముద్రతీరాన కానీ, నదీతీరాన కానీ, స్వగ్రహమునకానీ, పుణ్యక్షేత్రములందు సత్యనారాయణ వ్రతం చేయాలి. బ్రాహ్మణులను , బంధుమిత్రుల సమక్షంలో ఏదైనా శుభ దినాన సాయంకాలం కానీ, ఉదయం కానీ వ్రతాలు ఆచరించాలని శాస్త్రాలు చెబుతున్నాయి.

త్రిమూర్తి స్వరూపమైన సత్యనారాయణ స్వామి రామావతారంలో తన భక్తుడైన రత్నాకరుడకి ఇచ్చిన మాట కోసమే అన్నవరంలోని రత్నగిరిపై ఆవిర్భవించాడు.
భక్తుడికి సంతోషాన్ని కలిగించడం కోసం వైకుంఠం నుంచి వచ్చిన స్వామి, భక్తుల కష్టనష్టాలను తీరుస్తూ సత్యమహిమ కలిగిన దైవంగా పూజాభిషేకాలు అందుకుంటున్నాడు.

సత్యనారాయణస్వామి వ్రతాన్నే సత్యవ్రతంగా కూడా పిలుస్తుంటారు. తపస్సుల ద్వారా తప్ప పొందలేని స్వామి అనుగ్రహం, ఆ స్వామి వ్రతాన్ని ఆచరించడం వల్ల పొందవచ్చని ఆధ్యాత్మిక వేత్తలు చెబుతున్నారు. ఒకసారి సంకల్పించుకుంటే ఆ స్వామి వ్రతం చేసి తీరాల్సిందే.

వత్రం వాయిదా వేయడం వల్ల అనేక ఇబ్బందులను ఎదుర్కోవాల్సి వస్తుందనేది
సత్యనారాయణ స్వామి వ్రత కథల్లోనే కనిపిస్తుంది. అంకితభావంతో…నియమ నిష్టలతో ఈ వ్రతం చేసిన వారిని స్వామి వెంటనే అనుగ్రహిస్తాడనడానికి ఎన్నో నిదర్శనాలు ఉన్నాయి. సమస్త దోషాల నుంచి సమస్యల నుంచి బయటపడేసే ఈ వ్రతాన్ని ఎప్పుడైనా చేసుకోవచ్చు. అయితే కార్తీకమాసంలో చేయడం వల్ల విశేష ఫలితం కలుగుతుంది.

Share

• 
• 
• 
• 
• 
•