Hearing Issue:మనిషికి ఉన్న అయిదు సెన్సెస్లో ఏ ఒక్కటీ పనిచేయకపోయినా.. ఎన్నో ఇబ్బందులు పడాల్సి వస్తుంది. కానీ అలాంటి లోపాలు ఉన్నవారికి కూడా సాయం చేయడానికి కృత్రిమంగా ఎన్నో పరికరాలు అందుబాటులో ఉన్నాయి. అంతే కాకుండా మరెన్నో టెక్నాలజీలు కూడా దివ్యాంగుల కోసం అందుబాటులోకి తీసుకురావాలని శాస్త్రవేత్తలు ప్రయత్నిస్తున్నారు. తాజాగా ఒక చెవిలో వినికిడి సమస్య ఉన్నవారికోసం వారు ఓ కొత్త పరిష్కారాన్ని కనుక్కున్నారు.
చుట్టూ ఉన్న శబ్దాలను పసిగట్టే సామర్థ్యం చెవులకు మాత్రమే ఉంది. కొంతమందికి ఈ శక్తి ఎక్కువే ఉంటుంది. మరికొందరు మాత్రం ఈ సౌండ్స్ ఎక్కడి నుండి వస్తున్నాయి అన్న విషయాన్ని కూడా క్షుణ్ణంగా వినగలుగుతారు. అయితే ఒక చెవిలో వినికిడి సమస్య ఉన్నవారికి మాత్రం ఫలానా శబ్దాలు ఏ డైరెక్షన్ నుండి వస్తున్నాయి అన్నది కనుక్కోవడం కష్టంగానే ఉంటుంది. అలాంటి వారికోసమే బైనారల్ క్యూస్ కంటే మరింత మెరుగైన పరికరాన్ని తయారు చేయడానికి శాస్త్రవేత్తలు సిద్ధపడ్డారు.
సౌండ్ ఏ వైపు నుండి వస్తుందో తెలుసుకోవడానికి మైక్రోఫోన్ ఏరేస్ను ఉపయోగించాలని శాస్త్రవేత్తలు అనుకుంటున్నారు. దీని ద్వారా ఏ సౌండ్ ఎక్కడి నుండి వస్తుంది అన్న విషయాలు కనుక్కోవడానికి ఒక చెవిలో వినికిడి లోపం ఉన్నవారికి సులభంగా ఉంటుంది. కాకపోతే ఈ మైక్రోఫోన్ ఏరేస్ అరేంజ్ చేసే పద్ధతులు కూడా వినికిడి లోపం ఉన్నవారికి అనుకూలంగా ఉండేలాగా ఉండాలి. అందుకే వీటిలో మోనారల్ క్యూస్ను ఉపయోగించనున్నారు శాస్త్రవేత్తలు.
ప్రస్తుతం రెండు చెవుల్లో వినికిడి లోపం ఉన్నవారికోసం బైనారల్ క్యూస్ అందుబాటులో ఉన్నాయి. ఇవి ఒక చెవి లోపం ఉన్నవారికి పూర్తిస్థాయిలో ఉపయోగపడవు. అందుకే అలాంటి వారికోసం మోనారల్ క్యూస్ను తయారు చేశారు. సౌండ్ సిగ్నల్స్ను కనుక్కొని అవి ఏ డైరెక్షన్ నుండి వస్తున్నాయో తెలుసుకోవడానికి మోనారల్ క్యూస్ ఉపయోగపడనున్నాయి. మోనారల్ మాడ్యులేషన్ స్పెక్ట్రమ్ (ఎమ్ఎమ్ఎస్) ద్వారా దీని పరీక్షలు సక్సెస్ఫుల్గా జరిగాయి. త్వరలోనే ఇవి ఒక చెవిలో వినికిడి లోపం ఉన్నవారికి అందుబాటులోకి రానున్నాయి.
Share
Obesity:ఒబిసిటీ ఉన్నవారికి గుడ్ న్యూస్.. మార్కెట్లోకి కొత్తగా మెడిసిన్.
Review: 'ఫలానా అబ్బాయి ఫలానా అమ్మాయి' రివ్యూ
