Oppo A6s 5G: ఒప్పో A6s 5G స్మార్ట్ ఫోన్ బుధవారం భారత్ మార్కెట్ లో లాంచ్ అయింది. ఈ A సిరీస్ స్మార్ట్‌ఫోన్ రెండు కలర్లలో లభిస్తుంది. మీడియాటెక్ డైమెన్సిటీ 6300 చిప్‌సెట్‌తో పనిచేస్తుంది. అమెజాన్, ఫ్లిప్‌కార్ట్, ఒప్పో ఇండియా వెబ్‌సైట్‌లో అందుబాటులో ఉంటుంది. ఒప్పో A6s 5G బుధవారం భారతదేశంలో విడుదలైంది. ఇది గరిష్టంగా 882.1 గంటల స్టాండ్‌బై ఆన్, 22.4 గంటల వీడియో ప్లేబ్యాక్‌ను అందిస్తుంది. కొత్తగా విడుదలైన ఈ ఫోన్ అమెజాన్, ఫ్లిప్‌కార్ట్, ఒప్పో ఇండియా వెబ్‌సైట్‌లో అమ్మకానికి అందుబాటులో ఉంది.
ఒప్పో A6s 5G కలర్‌ ఓఎస్ 15తో పనిచేస్తుంది. ఇందులో 120Hz అడాప్టివ్ రిఫ్రెష్ రేట్ గల 6.75-అంగుళాల ఎల్సీడీ ప్యానెల్ డిస్‌ప్లే ఉంది. ఈ డిస్‌ప్లే గరిష్టంగా 1125 నిట్స్ పీక్ బ్రైట్‌నెస్‌ను అందిస్తుంది. అలాగే మీడియాటెక్ డైమెన్సిటీ 6300 చిప్‌సెట్‌తో పాటు 6GB వరకు RAM, 128GB స్టోరేజ్‌తో పనిచేస్తుంది. గేమింగ్‌ ఎక్స్ పీరియన్స్ కోసం AI గేమ్‌బూస్ట్ ఫీచర్‌కు, నెట్‌వర్క్ తక్కువగా ఉండే ప్రాంతాలలో మెరుగైన కనెక్టివిటీ కోసం AI లింక్‌బూస్ట్ 3.0 ఫీచర్‌ అందుబాటులో ఉంది.
Also Read: 7000mAh బ్యాటరీ, 50MP కెమెరాగల ఒప్పో ఫోన్‌పై రూ.11500 డిస్కౌంట్.. బంపర్ ఆఫర్ ఎక్కడంటే
ఒప్పో A6s 5Gలో డ్యూయల్ రియర్ కెమెరా ఉంది. ఇందులో 50 మెగా పిక్సెల్ ప్రైమరీ సెన్సార్, 2 మెగాపిక్సెల్ షూటర్ ఉన్నాయి. సెల్ఫీలు, వీడియో కాల్స్ కోసం 5 మెగాపిక్సెల్ ఫ్రంట్ క్యామ్ ఉంది. ఈ ఫోన్‌లో కనెక్టివిటీ ఆప్షన్‌లలో 5G, బ్లూటూత్, జీపీఎస్, వై-ఫై, USB టైప్-C ఛార్జర్, స్టీరియో స్పీకర్లు ఉన్నాయి. ఇందులో 44W ఫాస్ట్ ఛార్జింగ్ సపోర్ట్‌తో 6,500mAh బ్యాటరీ ఉంది. ఒకసారి ఛార్జ్ చేస్తే గరిష్టంగా 882.1 గంటల ఆన్ లో ఉంటుంది. వీడియోలు చూస్తే 22.4 గంటల పాటు పనిచేస్తుంది. 44W ఫాస్ట్ ఛార్జింగ్ టెక్నాలజీ ఉండడంతో వల్ల 30 నిమిషాల్లో ఛార్జింగ్ 1 శాతం నుండి 41 శాతానికి ఎక్కుతుంది. ఈ హ్యాండ్‌సెట్ 8.61 mm మందంతో, సుమారుగా 212g బరువుతో లభిస్తుంది.
Share
Rohith Reddy Drug Case: డ్రగ్స్ కేసు దుమారం బీఆర్ఎస్కు కొత్త సమస్యలు ..కేటీఆర్కు సవాల్ విసిరిన కాంగ్రెస్ నేతలు
Stars business: టాలీవుడ్ స్టార్స్.. టేస్టీ బిజినెస్.. హీరోల ఫేమస్ రెస్టారెంట్లు ఇవే
